السلام عليكم !!
انا بس عايز اعرف فى حد استلم 301 و كان حاجز فى اول شهر 11
و ياريت لو حد من اسكندريه لو يفدنى و يقولى ممكن استلم بسرعه من اى حته ؟
انا حاجز من اول شهر 11 و بيقولى ممكنى تتأخر بعد شهر 1 كمان فا عايز حد يفدنى
اسف على الاطاله
شـــكرا
عرض للطباعة
السلام عليكم !!
انا بس عايز اعرف فى حد استلم 301 و كان حاجز فى اول شهر 11
و ياريت لو حد من اسكندريه لو يفدنى و يقولى ممكن استلم بسرعه من اى حته ؟
انا حاجز من اول شهر 11 و بيقولى ممكنى تتأخر بعد شهر 1 كمان فا عايز حد يفدنى
اسف على الاطاله
شـــكرا
و الله يا أخي أنا حاجز 31-10 بس على كلامك ده ممكن أتأخر للسنة الجديدة
كتييييييييييييييير أوي الصراحة
بص أنا سألت فنور الدين ساعة قبل محجز و قالي العربية موجودة بس بأوفر برايس 2000 للمانيوال و قالي أن جميع الفئات و الألوان متوفرة بس مش عارف أسعار البيزلاين و الهيلاين كام بالضبط
و العربية موجودة فالمصرية برضه...قبل محجز كان الهيلاين بس اللي متوفر و كانت ب142 يعني 6000 أوفربرايس و اللون الوحيد كان البترولي
و يتهيألي ممكن تشوف الطارق و أباظة تشوف أخبارهم ايه
و بالتوفيق إن شاء الله
أباظة ممكن تاخدها من عندو بعد شعر ونصف من الحجز والسعر حيزيد 2000 جنيه
التوكيل حتاخدها منه بعد 3 شهور بنفس الثمن المعلن
المصرية للسيارات في جرين بلازا ممكن تاخدها فورا وتمشي والسعر حيزيد 5000 جنيه
الكلام كان علي البيز لاين ( كاملة أوتوماتك )
في سمير ريان كانت أوفر برايس أقل,, حوالي ٤٠٠٠ جنيه للهاي لاين.
بس ياريت اللي لسه معاه عربية ومباعش يخليها ويحجز مع التوكيل وميشجعش علي الأوفر برايس,,
أنت أولي بيهم يعني.
أما اللي باع ومستعجل فيدور علي أقل أوفر برايس
فعلاً بس أنا أعرف ناس كتير من أسكندرية نزلت أشترت العربية من القاهرة,
عشان توفر وقت أولاً,, وعشان توفر كمان في الأوفر برايس.
وللأسف معرفش لو فيه معارض بتسلم فوري في أسكندرية,
أن شاء الله باقي الزملاء يفيدوك.
الحجز مع التوكيل بتستلم بعد حوالي شهرين بدون اوفر برايس بالنسبة للهايلاين
البيزلاين كانت موجودة عندهم فوري ماعرفش دلوقتي ايه
المعارض برا بتحط اوفر برايس عالي جدا و فيه اماكن وصلت ١٤٣
يااااااااااااااااااه
يروحوا القاهرة عشان يجيبوا العربية
دول مكافحين الصراحة
أنا عن نفسي مستحيل أعمل كده
مشوار القاهرة تقيل أوي على قلبي ده غير الزحمة اللي مش طبيعية إضافة للأحداث اللي باستمرار مكهربة الجو هناك
يالعربية تيجي الأسكندرية يبلاش
و عموما مشكور على المعلومة
و في معارض بتسلم فوري فالأسكندرية بس المشكلة فالألوان و الفئة أنك تلاقي اللي بتدور عليه لأن القاهرة بتاخد نصيب الأسد من كل شحنة جاية
مش عارف هنلاقيها منين و لا منين من القاهريين دول
توكيلات و معارض و صيانات و قطع غيار و صنيعية.......اللهم لا حسد يعني :colsmil:
بالمناسبة بما أنك في أسكندرية,
بيجو اللي في رشدي دا مش توكيل ولا معتمد من بيجو,,
وأتسحب منه التوكيل من زمان وكان هينصب عليا قبل كدا في تغير قاعدة فتيس وطلب 500 جنيه,,
ومكنتش عنده كمان أصلي وكان لسه هيجيبها من برة,و وطلعت بعدها علي التوكيل في مرغم وغيرتها بحوالي 280 جنيه.
توكيل بيجو الرسمي في مرغم,
العنوان:ك 21 طريق الإسكندرية-القاهرة الصحراوي, مرغم
التليفون: 032020303/4/5/6
حبيت بس أنبهك للنقطة دي لأن ناس كتير مش عارفاها واللي رايح جاي في أبوقير بيفكر أنو اللي في رشدي دا توكيل ومركز خدمة.
حذر منه.
انا حاجز فى بيجو سابا باشا عباد الرحمن :]
تسلمو يا جماعه على الردود