السلام عليكم ورحمه الله وبركاته الاكسدام عندى سايب من الجنب وجزء بسيط محكوك من الرفرف هل الضمان ممكن يعملهم خاصه انها لسه فى الضمان ولا اكلم شركه التامين خاصه انها لسه عليها اقساط ولا مش مستاهله وممكن يربطوه فى التوكيل وخلاص؟
عرض للطباعة
السلام عليكم ورحمه الله وبركاته الاكسدام عندى سايب من الجنب وجزء بسيط محكوك من الرفرف هل الضمان ممكن يعملهم خاصه انها لسه فى الضمان ولا اكلم شركه التامين خاصه انها لسه عليها اقساط ولا مش مستاهله وممكن يربطوه فى التوكيل وخلاص؟
ده من اثر حادث بسيط وحاسس ان الاكسدام سايب اروح التوكيل ولا اوديه لحد يربطه وخلاص وهل فيه برشام فى الرفرف ممكن يكون فك اشكركم
بص حضرتك من الأخر علشان أنا لسه كنت مخلص الموضوع ده أولا الضمان لايغطى هزا الموضوع نهائيا ثانيا
حضرتك لو روحت شركة التأمين حيقوللك العربية عليها قيمة تحمل 250 ج
+ 10 % من قيمة الفاتورة لو حتصلح في التوكيل حينتهى بيك الأمر ألى انك حتصلحها بأغلى من أنك روحت لأى حد عملهالك و خلاص و من الأخر كده ربنا يبعدك عنه أمين يارب العالمين التأمين ده في الحاجات الكبيرة بس و الله أعلم
لأطبعا طالما الخبطة صغيرة مالهاش علاقة بالضمان و بعدين لو صغيرة أو عادية سيبها تأخد العين و بعدين العربية أي عربية في مصر معرضة للخبط و الكحت أنا كنت زيك كده أحب العربية تبقى بتبرق و بعدين السايس حكها حكة جامدة في عمود في الجراج و لما كلمت الناس بتوع التأمين فهمت منهم أن العربية تمنها بيقل لما بتتدهن نصيحة أربط الأكصدام و رجعه مكانه وسيب الخبطة زى ما هي
موافق على كل ما قاله الأخ عادل ادريس وأضيف أن أى سمكرى سيربط الاكصدام فى عشر دقائق بحوالى 10-20 جنيه حسب المنطقة
الف الف شكر ليكم جميعا اخوانى والله انا سعيد بوجودى معاكم على المنتدى ربنا يبارك فيكم يارب