بتدفع كام شهرياً للعماره

**amr011111** · 20-11-2013 09:55 PM

السلام عليكم ورحمة الله وبركاته

العماره عندنا فيها 10 شقق ساكنه فكنا بندفع كل شهر 50 جنيه كرقم ثابت نظير استهلاك الكهرباء ( اسانسير ونور سلم ) ونظير المياه ونظير صيانة الاسانسير
يعنى كل الشقق مجتمعه بتدفع 500 جنيه

المشكله بقى ان وصل الكهرباء بيجى حوالى 950 جنيه ده غير المياه وغير 100 جنيه كل شهر صيانه دوريه للاسانسير

فكان كل شهر مبندفعش الكهرباء اول بأول لان وصل الكهرباء 800 جنيه والعماره لامه مبلغ 450 جنيه فقط

فاقترحنا ان احنا مش نخلى المبلغ اللى بيتلم كل شهر رقم ثابت ولكن نلم الرقم الفعلى بمعنى 800 جنيه كهرباء على تسع شقق يعنى كل شقه حوالى 90 جنيه كهرباء وزيهم مياه يعنى 180 ده غير بواب 50 يبقى
كل شقه هتدفع شهرياً 230 جنيه

اللى انا اعرفه بقى ان كل العمارات فى المنطقه بتدفع رقم ثابت ( 70 جنيه شامل البواب والكهرباء والمياه ) ورغم ذلك مش بيجى متأخرات

رجاء الافاده بتجاربكم فى هذا الموضوع

**mohamed_selim** · 20-11-2013 10:00 PM

لو متوسط الكهربا ثابت و الميه احيبو مثلا ٩٠٠ جنيه كهربا و ٣٠٠ ميه و ١٠٠ اسانسير يبقى كله ١٣٠٠ .... زودهم شويه قول ١٥٠٠ و يتقسمو على الشقق و يبقى ده المبلغ الثابت و الزياده تتشال للشهر اللى بعده تحسبا الدنيا تيجى زياده و متقعدش تحسب و تقسم على الناس

عندنا كنا زمان بندفع ٧٠ و الميه غليت و بقينا بندفع ١١٠

**mem** · 20-11-2013 10:10 PM

حضرتك تتفق مع سكان العماره طالما متعاونيين
وتعملوا وديعه فى البنك بمبلغ كويس مره واحده
وريعها ينفق على الحاجات ده وتريحوا نفسكم من وجع دماغ كل شهر ده

**Ahmed_Adham** · 20-11-2013 10:22 PM

كهربه السلم والاسانسير 800 جنيه؟ عندكو نور السلم اوتوماتيك ولا شغال عمال على بطال؟ ومركبين كام لمبه على كده؟

وكمان 90 جنيه كل شهرين ميه لكل شقه كتير جدا !!!

حاولو ترشدو استهلاكو شويه يا جماعه انتو ممكن تستهلكو نص كده بسهوله.

**amr011111** · 20-11-2013 10:37 PM

المشاركة الأصلية كتبت بواسطة ahmed_adham

كهربه السلم والاسانسير 800 جنيه؟ عندكو نور السلم اوتوماتيك ولا شغال عمال على بطال؟ ومركبين كام لمبه على كده؟

وكمان 90 جنيه كل شهرين ميه لكل شقه كتير جدا !!!

حاولو ترشدو استهلاكو شويه يا جماعه انتو ممكن تستهلكو نص كده بسهوله.

العماره فيها 20 شقه 9 شقق بس هما اللى ساكنين

النور اتوماتيك يعنى فيه لمبه واحده فى الدور والاتوماتيك بيفصل بعد تقريبا دقيقتين

بالنسبه للاسانسير انا اخر استهلاكى له مرتين مره الصبح وانا رايح الشغل ومره بالليل لانى برجع متأخر فمش بنزل تانى الا نادراً

بالنسبه للكهرباء الاستهلاك الشهر ده 1540 كيلووات عاملين 800 جنيه وبيقولوا ان العداد تلاته فاز ( يعنى تعريفته اعلى من عداد الشقق ) ويقال ان الاسانسير بيستهلك عموماً كهرباء كتير

فانا قولت اشوف هل ال 800 جنيه رقم واقعى ولا الحل

**mohamed_selim** · 20-11-2013 10:46 PM

مفيش حاجه اسمها التلاته فاز اغلى من العادى

**أبو آسر** · 20-11-2013 11:19 PM

اتفقوا على مبلغ ثابت من واقع متوسط الاستهلاك الفعلي الشهري ولو اتبقى حاجة تترحل للشهر اللي بعده ولو مكفاش شوفوا الزيادة كام وقسموها على عدد الشقق بالتساوي وحد فيكوا يدفعها وبعدين يخلي البواب يلمها من كل شقة
أخوك كان ماسك اتحاد ملاك عمارة سابقا .. منفض وعايش حياته حاليا !

**lanos2004** · 21-11-2013 10:03 AM

70 جنبه مع الاسانسير

**amr011111** · 21-11-2013 10:05 AM

شكراً لجميع الردود

بس معنى كده ان ممكن يكون فيه مشكله عندنا فى العداد لان كده الكهرباء والمياه والاسانسير هيتدفعلهم بتاع 200 جنيه اقل واجب
رغم ان كل العمارات المحيطه معظمها بيدفع 70 او 80 شهرياً

-

الموضوع: بتدفع كام شهرياً للعماره

LinkBack

أدوات الموضوع

عرض

-

-

-

-

المواضيع المتشابهه

بتدفع كام للجراج؟

بتدفع ضرايب؟

مطلوب شقة قانون جديد للإيجار لمدة طويلة لاتزيد عن 1000جنيه شهرياً لأسرة صغيرة

تويوتا إيجيبت" تسحب الف سيارة شهرياً لإصلاحها بداية من يونيو

بتدفع بقشيش في التوكيل؟؟؟

الكلمات الدلالية لهذا الموضوع

المفضلات

المفضلات

ضوابط المشاركة