-
هيونداى النترا 2007
السلام عليكم يا شباب محتاج نصيحتكم انا بدور على النترا الشكل القبل الاخير اللى هو تقريباً بدأ 2007 عاوز اعرف متوسط اسعارها ايه انا معايا 90,000 الف تجيب انهى موديل كامله اتوماتيك فتحة سقف او من غير فتحة سقف و كنت سمعت ان فى موديل كان فى مشاكل و سحبوه من السوق و مشاكلها و عيوبها و قطع غيارها و هل الفتيس فيه مشاكل ولا لأ مع العلم انى بحب الجرى و رجلى تقيله على العربيه
-
لو كامله اوتوماتيك (هاى لاين) يبقى الـــ 90 الف تجيب 2007 او 2008
انا اول مره اسمع عن موديل اتسحب, و بعدين هو فيه اى عربيه بتتسحب من مصر ؟؟!!
قطع الغيار متوفره جدا بأسعار مختلفه على حسب انت هتشترى من فين توكيل, استيراد, كورى او صينى
مشاكل العربيه او مشاكل الفتيس بتختلف على حسب اهتمام صاحب العربيه بيها بيعمل الصيانه ولا لأ مهتم بيها ولا لأ
العربيه كمان بتحب الجرى :Oc_sun1[1]:
-
اشكرك يا شيكو طيب ممكن اعرف الهاى لاين ايه اللى فيها زياده ؟ و فى رأيك اجيب اتوماتك ولا مانيول؟ عشان انا حيران و خايف اجيب حاجه و اندم
-
الفرق بين الهاى لاين و اول فئه اوتوماتيك
abs & airbag(s)
تكييف تاتش
طاره مالتى
تعديل ارتفاع كرسي السائق
مخادع اماميه و خلفيه
جنوط + كاوتش 16
فوج لايت
-
الاوتوماتيك احسن طبعا من المانويل
-
توكل على الله عربية محترمة جدا جدا
بعتها و هى عاملة 180 كيلو بدون اى عطل و عمرها ماعطلت
كل اللى غيرته فى العربية الصيانة الدورية و موتور طرمبة بنزين فقط
عمرى ماوجهت اى مشكلة مع الفتيس ماتقلقش من الفتيس خالص
قطع الغيار سعرها مناسب و معمرة و منتشرة فى كل المحلات
عربية بياعة و مطلوبة فى السوق و موفرة فى البنزين
السعر اللى معاك يجيبلك حالة نضيفة
-
يا جماعه اشكركم جدا ريحتونى والله بكلامكم مع ان فى واحد النهارده بيقولى انت عشان تركب هاى لاين نضيفه مش اقل من 95 الف بس انا حاسه مش فاهم حاجه ربنا يسترها
-
المشكله ان الهاى لاين مش منتشره اوى
مش لازم هاى لاين، حدد ايه المواصفات اللى انت عايزها يعنى ايه المهم اوتوماتيك و خلاص ولا عايز abs ولا airbag ولا جنوط ولا فتحة سقف ولا طاره مالتى ولا تكيف تاتش و لو شايف انك محتاج كل ده يبقى دور على الهاي لاين لو ﻷ يبقى شوف الفئه المناسبه ليك و ان شاء الله ربنا يكرمك بعربيه كويسه
Content Relevant URLs by
vBSEO 3.6.0 PL2