عرض للطباعة
السلام عليكم ...معايا مازدا 3 2006 ...لمبة التشيك منورة ومفيش اى تغيير على العربية فى الاداء او استهلاك البنزين ..بس بحسها تقيلة شوية فى طلعتها زى ما يكون مخنوقة..فهل لو الرشاشات فيها مشكلة تعمل حريق نى وتنور اللمبة..انا كشفت عليها وقالوا حساس شكمان وغيرتو ونورت تانى..وشكرااااا
ممكن تكون علبة البيئة الى فى الشكمان مش كويسه وديه مرتبطه بحساس الشكمان
ممكن يكون حساس maf الأير ماس عاوز يتنضف ب wd40 او منظف الكترونيات
شيك على دول
ونظافة الرشاشات سهله اما بمنظف رشاشات الى فى البنزينات او على جهاز الألترا سونك
الموضوع ده حصل معايا في عربيتي اللانوس، وطلعت المشكلة في فيشة حساس الهواء كانت مفصولة،
كانت لمبة Engine check منورة ومشيت بالعربية كتير ومش عارف ايه الحكاية ومكانش عندي أي مشكلة في العربية إطلاقًا، بس اللمبة كانت مزعجة وأنا شايفها على طول قدامي وأنا سايق، وصلحت حاجات كتير أوي في العربية على حس الإنذار ده، كل شوية أعمل حاجة وأقول اللمبة هتتشال ومكانتش بتتشال، تنضيف انجكشن، تغيير زيت، تغيير بوجيهيات وفلاتر إلخ، وبرضه مش راضية تتشال، لغاية في الآخر اكتشفت إن فيشة حساس الهوا air intake مفصولة، الفيشة مكانها عند فلتر الهواء، وكنت لما بروح بنزينة بخلي العامل ينضف الفلتر بالبلاور، وبعدين أركب فلتر الهواء وانسى أشيك على الفيشة دي اللي كانت بتفصل لوحدها عشان كانت مهزوزة. بعد كده عرفت القصة، كل ما اللمبة تنور افتح الكبوت وابوص تحت فلتر الهواء ألاقي فيشة حساس الهواء مفصولة أركبها اللمبة تروح.
وخد بالك اللمبة على ما أعتقد ليها مستويين، مستوى برتقالي ومستوى أحمر، لو اللمبة Engine check حمراء مينفعش تمشي بالعربية إطلاقا، لو اللمبة برتقالي إن شاء الله بتبقى حاجة بسيطة بس لازم تشوفها برضه عشان المشكلة متتفاقمش.
شكرا ليكم يا جماعة هجرب واشوف...واتمنى ردود اخرى وافكار اخرى من زملاء افاضل فى منتدانا العزيز
كمان فى حاجة..ريحة العادم من الشكمان فيها حريق نى..وف مرة من اللى كشفت فيهم بالسكانر..قاللى ان فى حريق نى ..ورحت كشفت ف التوكيل بس انا مش واثق اوى فيهم (غبور ابو رواش) فقاللى حساس الشكمان التانى وغالبا علبة البيئة وقاللى دى ثمنها مش عارف 3 او 4 الالاف جنيه..طبعا انا نفدت بجلدى منهم...فياترى ممكن اركب علبة بيئة بتاعة اى عربية تانية بنفس قطر الشكمان ومتكونش غالية..علشان الحساس التانى ده بياخد قرايات من بعد علبة البيئة..رايكو ايه يا جماعة
هوا نظريا ممكن تنفع تركب اى علبة بيئة طلما القطر واحد مع ماسورة الشكمان
وممكن تركب حاجه زى جلبه بتركب على الحساس O2 Senser عشان يفوت القراءة من بعد علبة البيئة فيظبط وكمان عشان تقلل من تعرضه للتلوث
وقراءت أنها بتركب للبوجيهات كمان
ديه صورة لها وهيا ركبه على الحساس
http://nileup.com/up/uploads/nilemotors_13851611071.jpg
http://nileup.com/up/uploads/nilemotors_13851611072.jpg
يعنى سيدتك هتركبها وتشوف اللمبه هتطفى ولا لا طبعا بعد ماتمسع الإيرور
ولو مظبطش وكان لابد تجيب علبة بيئه سيب الجلبه بردو عشان تحافظ على الحساس مستقبلا
متشكر جدا على ردك...بس يا ترى الجلبة دى بتتباع فين...لول حبيت اركب علبة البيئة ..عندك فكرة اركب علبة بيئة بتاعة عربية نوعها ايه..شكرااااااقتباس:
المشاركة الأصلية كتبت بواسطة hossamalsadik
الجلبه ممكن تدور عند تجار قطع الغيار خد الصوره على الموبيل وورهلهم ( جلبة حساس او تربوش للحساس)
علبة البيئة عند هتروح مركز شكمانات ليه عشان يقلك القطر الى عندك ينفعه اى علبه من علب الكورى مثلا تكون رخيصه
الرشاش بيسجل ايرور وطالما بيسجل ايرور يبقي وارد ان لمبة تشيك تنور
طرق التنظيف سهلة زي جهاز التراسونيك او المنظفات والأضافات
حريق ني معناها اما بوجيهات او الرشاشات بتسيل
اما عن علبة البيئة انصحك تروح مصنع ابواليزيد في اكتوبر وان شاء الله مش هتكون غالية (حدود 600 جنيه)
اما عن حساس الشكمان (الأكسجين او لمبادا سينسور) فدة لو بايظ او فيشته متشالة فهتلاقي الأتي
دخنة سودا - استهلاك بنزين بصورة غير طبيعية - ضعف في السحب
تحياتي