اريد اقتراحات وحلول لجعل العربية تجرى بسرعة اكثر من 120 كيلو متر فى الساعة - اريدها تصل الى 160 كيلومتر ساعة
حيث انها فى السفر تسير على 120 وتكاد لا تتعداها الى 130 فى المنحدرات
عرض للطباعة
اريد اقتراحات وحلول لجعل العربية تجرى بسرعة اكثر من 120 كيلو متر فى الساعة - اريدها تصل الى 160 كيلومتر ساعة
حيث انها فى السفر تسير على 120 وتكاد لا تتعداها الى 130 فى المنحدرات
تغير الماتور
ياباشا واللة دة كدة نعمة
الطرق فى مصر ماينفعش تجرى اكتر من كدة نهائى
انا اقصد الجرى فى السفر
يعنى وانت فى طريق العين السخنة مثلا تلاقى الطريق مستريح ونظيف ورايق وانت على 120 تلاقى طيارات بتطير من حوليك
العربية بعد ال 120 بتبقى هى اللى سايقة مش إنت اللى سايق واللى بيعدى ال 120 بيبقى ماشى ببركة الله وسايب نفسه لقضاء الله . ضيف لكده إن الفليشيا مفيش فيها حاجة إسمها عناصر أمان يعنى تعتبر فخ للموت على الطريق . ربنا يسترها علينا وعليك فى الطريق والموضوع مش محتاج مجازفة بالسرعة عشان توفير ساعة ولا ساعتين فى السفر وسيبك من اللى بيجرى جنبك وأستعذ بالله من الشيطان الرجيم وشغل موسيقى هادية أو الأحسن قرأن وعيش معاه .
طبعاً الكلام اللى فات مش المقصود منه إنك متظبطش عربيتك عشان تاخد منها أفضل أداء ولكنها نصيحة لوجه الله بسبب البلاوى اللى الواحد بيشوفها على الطرق بسبب السرعات الجنونية
الموضوع بكل بساطة لازم يتوافر عندك الاتي
موتور حالة كويسة
فتيس حالة كويسة
كاربيراتير مظبوط
كهربا مظبوطة
طاقم بوجيهات تمام
طاقم الكهربا كلها لازم تبقي مظبوطة
الاستاذ احمد جودة جاب المفيد
عاوز تطير يبقى عليك وعلى الكورى بيطير بدون اجنحة انما الاسكودا والفليشا بموتور 1300cc لا اعتقد انها تسير باسرع من 140 كيلو انما لو غيرت الموتور بموتور انجكشن 1600cc اضمنلك تطير لفوق لفوق لفوق فوق السحاب....
مواتير الاسكودا القديمه كلها كده مواتير مقفوله مش بتاعه سرعه انا كان ليا واحد صاحبى كان معاه سكودا فيفوريت بحالتها كانت فبريكه بره وجوا وموتورها 97 % الله اكبر حاله استثنائيه ورغم ذالك كان اخرها فى السفر 130 صاحبى عمل اللى ما يعمل لدرجه انه فك الموتور عند ميكانيكى مع ان حالته كانت ممتازة وقاله فك كل حاجه فيه وغيرها بالجديد ورجعهولى 100% زى حاله المصنع وصرف صرف جامد جدا عليها ورغم ذالك التحسن كان بسيط جدا وجابت 140 بطلوع الروح ومره واحده بس على الصحراوى من ذهقه قرص على الغيار الرابع لحد ما كان هيتحرق وجاب 150 بالعفيه لمده ثوانى ونزل تانى 130 بعد ما ادا الخامس .........وبعها بعد ما يئس انه يخليها جرايه وربنا كرمه دولقتى مش دا موضوعنا ......الحكايه ان العربيات دى مش معموله لغرض الشد والجرى دى عربيات مدينه سيتى اند تاون
تحياتى