فرش جلد بيجو 301 جينز كار
http://img833.imageshack.us/img833/6484/84so.jpg
فرش جلد ستروين سى اليزيه جينز كار
http://img194.imageshack.us/img194/990/qbs1.jpg
ايه رأيكوا !! انا شايف ان فرش البيجو جامد اوى خصوصا المخرم ال فى النص ده
عرض للطباعة
فرش جلد بيجو 301 جينز كار
http://img833.imageshack.us/img833/6484/84so.jpg
فرش جلد ستروين سى اليزيه جينز كار
http://img194.imageshack.us/img194/990/qbs1.jpg
ايه رأيكوا !! انا شايف ان فرش البيجو جامد اوى خصوصا المخرم ال فى النص ده
فعلاً بتاع البيجو شكله محترم جداً وفخم,,
تصميم وشغل جميل فعلاً.
شكلهم محترم .. متعرفش بكام؟
بتاع البيجو احلى
المخرم احلى من البيج
و الجناحين اللي بالخياطة حوالين المخرم مديين شكل احلى
انتوا كده فهمتوا دماغى
و فعلا شكلهم شيك اوى
و بالنسبه للسعر بحاول اسأل مش عارف
يعنى لو حد بيعدى من عند جينز كار و يسألنا يبقا عمل فيا خير
انا بقالى شهرين عايز اعمله وبقول اللهم اخزيك يا شيطان :d
هتخلينى انزل الاسبوع الجاي واعمله بس سمعت ارقام غريبة يعنى 2700 فرش جلد في قماش وارضية جلد ، اه هيبقى جامد حشد بس غالى اوى :(
السعر كام ؟؟؟
أنا كنت عامل فرش جلد للانسر زماااااان في 2007 أول ما جبتها ب 300 جنيه وكان جاهز,
والبيجو لسه لحد أنهارده بالفرش بتاعها وطبعاً أتوسخ شوية بس أريح من الفرش الجلد اللي كنت عامله للانسر,
2700 جنيه في فرش رقم مبالغ فيه جداً ومش مستاهلة,
وعيش بعربيتك وأستريح فيها ومتفكرش أنك تحافظ علي الفرش عشان لما تيجي تبيع تمسك سعر والكلام دا,
كدا كدا العربية هيكون ليها رينج ومش الفرش اللي هيفرق والجنط اللي منزلش,
لأن كدا كدا الجنط هينزل :grinder:
واللي هيفرق وقت البيع هوا عداد الكيلومتر وحالة العربية من الخارج,,
أنا مش مع موضوع عمل الفرش بالأرقام دا,,
شكل التفصيله بتاعت البيجو حلوه قوي وشكل الخامات بتاعتها اعلى (دي على حسب اختيارك)
وعلى فكره يا جماعه مش شرط تجيبوا خامه ب2700 عشان تبقى حلوه. انا مثلا اخترت عندي خامه ب800 ولحسن حظي انها اساسا اللون الي كان في بالي قبل ما اروح وخامته حلوه. مع اني كنت عامل حسابي على 1600.
وما عملتش الارضيه عشان مش بقتنع بيها.
+++111
فعلا البيجو افضل و اشيك ...
لا انا الارضيه عندى ﻻزم جدا اعملها واﻻ العربيه هتبقا عباره عن ارض خصبه لزراعة الارز
ولو ﻻقيت الارقام مبالغ فيها هعمل الارضيه بس
غالي جداااا بس ممكن الواحد يعمل حاجة بس مش غالية انا كنت قريت في مشاركة هنا ان حد عملها ب 800 جنيه ومكانتش وحشة شغالة يعني
انا عامل فرش جلد شيك آوى والارضيه كمان ب800 جنيه في محل القصيمي بالاسماعيليه
الف مبروك ياباشا
و ال800 دول جلد ولا قماش
و فرش و ارضيه و شنطه ولا ايه بالظبط
و ياريت لو عندك صوره !!
أنا عاجبني الأول أكتر و على فكرة لو جلد طبيعي فعلا يبقى سعره مش غالي عليه .... بنتكلم في حاجة تقعد 10 سنين ..
أنا واحد صاحبي معاه كورولا 2009 عمل الفرش الجلد في التوكيل ب 5000 ..
اها فعلا الاول اشيك .. و الجلد مش طبيعى و لكنه جلد معالج و ألمانى و فعلا بيعيش سنين
و دى صوره ل 301 و لكن تغيير فى فرش القاعده
https://fbcdn-sphotos-c-a.akamaihd.n...94803412_n.jpg
أنا صاحب السيارة سيتروين سى اليزية وده فرش الجلد بتاعى .. وعرفت جينز كار من خلال المنتدى وقبل ما اروح دخلت على الموقع بتاعه وصفحة الفيس بوك وشوفت كرسى بيجو 301 وعجبنى جدا وروحت هناك علشان اعمل زيو بس على الطبيعة خامة القطعة اللى فى النص سيئة جدا واعترف بيها الراجل نفسه وصعبة التنظيف قدام غير انها مش فاكر قال ستان او قماش خليط بستان حاجة زى كده بس هى فى الصورة حمادة وعلى الطبيعة حمادة تانى خالص .. طبعا الكلام ده بقاله سنة بس فى بعض الملحوظات ممكن تفيدكم اهما بخصوص الأرضية أول ما رحت قالى مفيش عتب والأرضية مش هتنفع وبعدين خرج حد من عنده جوه وشاف العربية وقالى هظبطهالك فقلتله ازاى قالى هتشوف وقد كان أنا رحت التوكيل كتير وشوفت عربيات كتير عاملة أرضيات بس ما شاء الله الأرضية حتى هذه اللحظة مثالية شكلاً وتقفيلا وكل حاجة .. والفرش كمان ماشى جدا مع الصالون وخامات ممتازة .. بس طبعا السعر ساعتها قالى 2000 تقريبا وبعدين قالى 1800 كل حاجة .. بس أنا فاكر لما شوفت فرش 301 على الطبيعة وعجبنيش قلتله طب التفصيلة بتاعة الخطين اللى فى الجنب عاوز اعملهم عندى قالى اعملهملك بس مش هيكونو كويسين لان الكرسى الصلى بتاعك تقسيمته مختلفة وخليك على نفس تقسيمة الكرسى بتاعك وقد كان .. الخلاصة الجلد يستاهل اه يستاهل ومعمر ما شاء الله .. الوقت: يوم كامل من الصبح لغاية 12 بالليل .. التجربة مميزة جدا وشيك وتستاهل :)
أخر حاجة علشان الإفادة .. السعر ساعتها كانت البيجو أرخص يعنى كانت هتتعمل ب1500 جنية بينما الفرش بتاعى 1800 .. علشان فرق الخامات .. وبالمناسبة برضو الفرش كان أعلى حاجة عنده وأغلى حاجة .. يعنى لو حد بيفكر والسعر شايفه كتير هو عنده خامات كتير ساعتها قالى ممكن العربية كلها من 800 الى 2000 حسب الخامة ولما اخترت نزلى 200 وحاسبت على 1800
شكل فرش البيجو اجمد ، بس اعتقد في احسن من كده برضو
الفرشين حلوين .. بالنسبه للاسعار الجاهز بيبدأ في المحلات العاديه من 60جم الي 400جم
اما التفصيل الجلد بيبدأ من 600 او 800 لحد 8000جم اللي هو الجلد الطبيعي وفي منه البقري و الجاموسي . وبرده السعر بيختلف من خياطه بخيط واحد ولا بخيطين خياطه . انا عامل الفرش جلد خامه كويسه انا نقيتها بخياطه خيطين و التصميم اللي انا عايزه و اتكلفت ساعتها من سنه لعربيتي الفانتازيا
حوالي 2300 او 2500جم . وكان قدامي بيبدأ من 600جم بس انا نقيت نوعيه جلد كويسه و عجبتني .
كل الفكره ان الاسعار من تحت الي فوق وانت ميزانيتك و برده الموضوع ازواق .....