عاوز القول الفصل فى موضوع تحسين اضائة فاونيس العربية

بسم الله الرحمن الرحيم

السلام عليكم يا شباب

كنت عاوز اقوي اضائة العربية بتاعتي ... فسمعت عن فيليبس رالي ...

فياريت حد يفيدنى فى الموضوع ده ، و يقولى تتجاب منين و بكام ... و لو فيه حاجة افضل ( بس مش زينون ) يقولى ...

و شكرا مقدما :)

أول مشتريت عربيتي كان النور بتاعها زي الشمس ومع الوقت ضلم لدرجة اني لما ببأه مشغله الناس أدامي ولا فارق معاهم اني أفتحه ولا أقفله وفجأه حسيت ان شكل العربيه قدم بسببه فكيته وطلعت بيه البيت فكيت اللمض وأخدته تحت الدوش وغسلته ببريل وشطفته كويس جداً وبعدها اعدت انشف فيه بالسشوار لغاية ما اتأكدت ان مفهوش نقطة ميه وقفلته وركبته ورجع زيرو والشمس طلعت والحمد لله.
بعد وقت حصل نفس الكلام عملت نفس العمليه بس حسيته بأه من جوه نضيف بس العيب من بره اتفرجت علي النت لقيت ان بالبوليش وبعد مسحه جيداً بيرجع ينور تاني انا بصراحه عملته بالصاروخ والصوفا مع شوية بولش صدقني الكشاف بأه مسخره ولا الجديد.
لكن عمري مغيرت اللمض بتاعت الفابريكه لغاية دلوقتي والاضاءه مش حقولك عليها عدي بس قدامي حتي لو بزينون وانا حخليك تقفله من قوة الاضاءه عندي الحمد لله.

اهم حاجة فانوس مش معتم ولا مشبر و عاكس سليم
بعد كده لو عايز تزود الاضائة يبقى كتاوت نور و لمبة اعلى
ثم الزينون بقى