الموضوع: طلب مساعدة في شراء سيارة

السلام عليكم ورحمة الله وبركاته

السادة اعضاء المنتدي الكرام

انا ناوي اشتري عربية باذن الله في حدود 45 الف بالكتير

كنت حابب اخد راي حضراتكم في سيات ابيزا موديلات 1995 ل 2001

انا مش بفهم ف السيارات اوي بس كنت حابب اشتريها كوبيه 2 باب

انا شاب ومش هيركب معايا كتير ف السيارة

ولو مكانش الابيزا كوبيه كنت عايز اعرف افضل عربية ف حدود 45الف مستعملة وتكون سهلة السواقة و شبابية وشكلها حلو وثباتها ع الطريق وعوامل الامان كويسة ده غير التكييف

انا مش بفضل الفيرنا ولا اللانوس ولا الدايو عربيات الهونداي والدايو عموما

ومش بشترط ف العربية شروط كتير غير الشروط الي ذكرتها فوق
يعني باختصار

1-شكل كويس وشبابية
2-كماليات كويسة وخصوصا التكييف بس مش عايز كماليات عالية زي فتحة السقف والحاجات دي

3- سواقتها مريحة وثباتها كويس نظرا لان دي اول مرة سواقة ليا

4- مش مشكلة السحب لاني مش هسافر بيها يا دوب مشاوير خفيفة جوه القاهرة الكبري وممكن مشوار واحد بره القاهرة ف الاسبوع لطنطا او المنصورة


بس هي الابيزا داخلة دماغي اوي

ودي صور لبعض السيارات الابيزا المعروضة للبيع والاتنين في حدود 40000 ل 45000


ووالاخيرة دي كوبيه وعاملة 40000

ودي ابيزا كوبيه اسود وعاملة 36 الف موديل 1994 ومعروضة في الموقع إبيزا |1994 - NileMotors


وجزاكم الله كل خير