السادة الاعزاء ملاك الاوبترا
انا اشتريت اوبترا مانيوال و الحمد لله . و كنت عاوز اسأل عن فترة التليين و اتعامل مع العربية ازاى خلالها و لحد اد ايه من الكيلو متر و كذلك عن ميعاد اول صيانة هل بعد الالف كيلو او اكتر
وشكرا لتعاونكم
عرض للطباعة
السادة الاعزاء ملاك الاوبترا
انا اشتريت اوبترا مانيوال و الحمد لله . و كنت عاوز اسأل عن فترة التليين و اتعامل مع العربية ازاى خلالها و لحد اد ايه من الكيلو متر و كذلك عن ميعاد اول صيانة هل بعد الالف كيلو او اكتر
وشكرا لتعاونكم
اولا الف مبروك على العربيه وربنا يحفظهالك
بالنسبه للتليين حاول بس متجريش بيها فى اول 1000 كيلو يعنى يستحسن متعديش 80 او 100 بالكتير ومتفتحش التكييف غير للضروره
واول ميعاد للصيانه هو 5000
الف شكر على الرد و انا اتصلت بالوكيل النهاردة و هما قالولى ان فعلا زى كلام حضرتك ان اول صيانة بعد 5000 كم
و انا دلوقتى عامل 1050 و حاسس ان العربية بقت احسن و انعم شوية .. بالمناسبة هو حضرتك عندك اوبترا و مانيوال ولا اوتوماتيك علشان نتابع بعض فى احوال العربية
و شكرا لاهتمامك و ردك
العفو على ايه
انا عربيتى اوتوماتيك وعامله 2000 وشويه
وفعلا العربيه بعد 1000 كيلو تحس انها بقت احسن وانعم مش عارف ده فعلا بجد ولا مجرد احساس وانى مجرد اتعودت عالعربيه
عامة الحمد لله ماشيه زى الفل ومفيهاش اى مشكله الحمد لله
وعايزين برضه نبقى نحسب استهلاك البنزين سوا ونشوف بتعمل اد ايه
الف مبروك العربيه
هو فعلا كل ما تمشي بيها حتلاقي العربيه بقت انعم
و الموتور صوته بقي اقل و استهلاك البنزين اتضبط اكتر
فى حاجة مهمة يا جماعة بخصوص البنزين
اولا انا حاسس ان التنك مش 60 لتر . لان آخر مرة حطيت بنزين . كان المؤشر قريب من العلامة الحمراء يعنى ممكن نتوقع ان يكون فيه 3 لتر مثلا و قلت لبتاع البنزينة فول و كنت متوقع انه هياخد 57 لتر
و لكنه فول العربية ب 47 لتر فقط ووصل مؤشر البنزين للنهاية ديه النقطة الاولى ..
ثانيا ان بعد ما فولت العربية قلت احسب الاستهلاك فصفرت عداد الرحلات و لقيت انه لما وصل مؤشر البنزين للنص كنت عامل اقل من 300 كم ؟؟؟
ومن هنا فلو التنك 60 هيكون معدل استهلاك البنزين عالى ..
اكتر من 10 لتر فى ال 100 كم
و لو حد لاحظ ان تنك البنزين اقل من 60 لتر يا ريت يبلغنا
انا قلت ممكن ده مثلا يكون حصل مع موديلات 2009
علما بانى ال 300 كم اللى عملتهم دول متنوعين يعنى منهم فى وسط البلد ومنهم فى طرق مفتوحة و التكييف شغال بنسبة 50 %
بصراحه انا مجربتش موضوع ال 60 لتر دا لانى مسبتش البنزين يخلص للاخر
وبالنسبه لموضوع الاستهلاك العربيه كانت بتستهلك جامد اوى فى الاول
15 لتر لكل 100 كيلو داخل البلد بالتكييف
دلوقتى بعد مرور شهرين تلاته
10 لتر لكل 100 كيلو داخل البلد بالتكييف
وانا لسه حاسب الحكايه دى من يومين
وده بيأكد كلام الاستاذ حازم ان الاستهلاك بيتظبط بعد شويه
فعلا انا بتاخد معاى 10 لتر فى كل 100 كيلو وتنك البنزين 60 لتر لانى يوم مشتريتها مكنش فيها غير لترين وفولتها اخدت 58 لتر اوبترا 2008 منول
ان شاء الله يا جماعة انا هستلم كمان يوم ممكن حد يقلى على الحاجات الى ممكن الواحد ياخد باله منها وشكرا
انا معايا اوبترا مانيوال 2009 حسبت البنزين لقيت كل 126 كيلو بتاخد 10 لتر وده بردو استهلاك عالى كنت فاكر منى رجلى انا بس انا بخلى بالى دايما من لفات المطور بحيث انو مش يزيد عن ال 3 عشان الحرق
وانا عامل بيها كيلو 6750