الموضوع: فيه حد له في تسعير العقارات هنا ؟

المشاركة الأصلية كتبت بواسطة mohamed_selim

هم اللى بنو دول بنو بفلوسهم ولا بفلوس الوالد؟
لو بفلوسهم يبقى الميراث تقسيمه فى رايى كالتالى .... الارضى يتمن كمبانى و يتقسم بالنصبه و الارض تتقسم كمساحه على الورثه كل واحد حسب نصيبه
لو البنا على حساب الوالد الله يرحمه يبقى المبنى كله يتم تثمينه ساعة الوفاه كان لو اتباعت فيه شقه تبقى بكام و تشوفو كمبنى قيمته كام و تقسمو الدنيا بالانصبه و اللى فى الشقه لو نصيبه اقل من تمن الشقه يدفع فلوس او يتنازل عن حاجه قصاده لباقة الورثه و الارض كده كده تتقسم حسب كل واحد و نصيبه

اللى هيبيع شقه هيبيعها معاها حصته من الارض مش نصيب الشقه من الارض الا لو عرفيبيعها من غير نصيب فى الارض يفضل نصيبه فى الارض لو هتتهد و تتبنى او تتباع

لا بفلوسهم
المشكلة حاليا في شقتين
شقة الارضي , في تقدير قيمة المباني , و دي نوعا ما مقدور عليها


و شقة تانية , مبانيها يملكها واحد , و حصة الارض اللي قصادها فيها شريكين بالنص , مالك المباني و واحد تاني من الورثة
فاللي يملك المباني عايز يملك كامل الشقة , فمحتاج يحدد قيمة نص حصة الارض دي قد ايه عشان يدفعها للوريث التاني
و هنا المشكلة اللي بجد بقى , لأن الوريث اللي له نص حصة الارض بينه و بين نفسه مقتنع ان له نص الشقة بالكامل , و لما اتحاصر في ان له نص حصة الارض بس , غالى في قيمتها جامد عشان يوصل المبلغ لما يوازي نص قيمة الشقة
حد يتخيل ان متر الارض المبني عليها في الشرابية ب5000 جنيه و 6000 جنيه ؟

مش مفروض سعر متر ارض الفضاء اغلى كتير من سعر الارض المبني عليها ؟