الموضوع: 726 يوم سعـــــادة ...

(11-11-2013) كان عيد ميلاد فلـــــــة الـــــــ 2 *ربنا يباركلى فيها*

_ بسم الله ماشاء الله _







الموضوعى هيكــــــون ملخص سريع وانطباعاتــــى عنها لمدة عامين والمسافة المقطوعة 43717 كم –مش محترف بس على قدى- وطبعا اللى هيسئلنى ويقولى مفرووض هتكون 731 يوم *هقولة أنا خاصم 5 ايـــام كانوا بؤس وتعب بسبب الخبطات والخرابيش* !!







نبـــــدء على بركة الله ..

== فهرس الموضوع ==



1- التقييم العام .

2- اضافات وتعديلات .

3- التايم لايـــــن .





1- التقييم العام :

_ المحرك & الفتيس _

8/10

المحرك بنسبالى ) كقلب النابض ( والحمدلله لسة فى عنفوان شبابــــــة واستجابتة سريعة وكفاية صوت نعرتة وقت الشد .

الفتيس فى نقلاتــــة سلس ومحستش بأى نتشـــة فية حتى وقتنا هذا .




_ الجسم الخارجى _

5/10

صـــاج العربية مش محمل ومع أى تريحة بتعلم فية _ والدهان ضعيف _ والعربية مش مصفحة من تحت _




_ الفرامل والثبات _

7/10

ادائها جيد وفى كذا موقف اسعفتنى بغض النظر أنها كانت محتاج ABS .

- نقشة الاطارات اسوء حاجة فيها وكفاية أنها حصالة لزلط والحصى الصغير !

- مش هقولكوا أنى بقفل العداد كل يوم وأنى بصارع فطاحلة الشوارع يكفينى أنى بقضيها سبرينتات مقفولة لغاية 60 كم وسبرينتات مفتوحة لغاية 150 كم اكتر من كدة قلبى مطوعنيش .. بالنسبة لثبات مش هقدر احكم علية بصورة فنية بحتة لأنى مجربتيش أنى اكون طاير على 180 كم وافادى حاجة وارجع لحاراتى تانى !! بس لغاية 100 كم كانت النتيجة مقبولة ,, وأنا مش شارى سوبر كـــــار .




_ استهلاك البنزين _

؟؟ /10

مش هقدر افيدكوا فية بصورة دقيقة لأنى بحطتلها 3 مرات فى الاسبوع ( 20 لتر ) يعنى تقريبا 240 لتر ولو فية سفر ولا حاجة بتزيد طبعا .




_ التكييف والعزل _

8/10

من ساعت ماجبتها والتكييف بشغلة 15 دقيقة على 2 وبعد كدة بظبطة على 1 ,,

وبمجرد مابقفل الزجاج بنعزل عن العالم الخارجى .




_ المقصورة الداخلية _

8/10

الطبلون بالاضــائة الزرقاء عامل شغل جامد بالليل وقعدة الكراسى مريحة وبالنسبة للكنبة يمين وشمال (قعدتها تمام) ولكن فى النص تحس انك قاعد على (مسطبة) !

والسى دى بلاير بسماعاتة شغالين حلو وصوتهم مقبول .




2- اضافات وتعديلات :

أ – اضافات :

تم تغيير (فلتر الزيت) بمعدل 5 مرات بتكلفة وقدرها : 137 LE

تم تغيير (بوجيهات) بمعدل مرتين بتكلفة وقدرها : 300 LE

تم تغيير (تيل فرامل امامى) بمعدل مرتين بتكلفة وقدرها : 1325 LE

تم تغيير (فلتر هواء) بمعدل مرتين بتكلفة وقدرها : 185 LE

تم تغيير (فلتر بنزين) بمعدل مرة واحدة بتكلفة وقدرها : 200 LE

تم تغيير (وردة) بمعدل 3 مرات بتكلفة وقدرها : 18 LE

تم تغيير (صامولة ومسمار عجل) بمعدل مرة واحدة بتكلفة وقدرها : 92 LE

تم تغيير (سائل التبريد) بمعدل مرة واحدة بتكلفة وقدرها : 95 LE

تم تغيير (زيت المحرك) بمعدل 5 مرات بتكلفة وقدرها : 1480 LE

1000-10000-20000-30000-40000

- منهم مرة شل والباقى فالفولين –

تم تغيير (سى دى بلاير) فى الضمان مع دفع المصنعيــــة طبعا : 195 LE

تم تغيير (فانوس خلفى كامل) اوريجنل *مش فاكر بالظبط كام* : 750 LE

اجمالى المصنعيات وضريبة المبيعات : 1855 LE


ب – تعديلات :

+ تم اضافة اجزاء من الكربون على العتب الجانبى وجزء من الشنطة و جزء من مقدمة العربية .

+ تم شراء طقم نواكل للمقابض الابواب والمرايات وتم تنكيل جزء من مقدمة العربية و السقف .

+ تم شراء 5 قطع دواسات شمواة .

+ تم عمل فرش _جلد_ للكراسى والارضية والشنطة *مش قد كدة بس التغيير قادم لامحالة*




3 – التايم لاين :

+ أول يوم استلام مش عارف اقولكوا أى ,, كان قلبى طاير بيها *أنا مش عارف قلبت على اسامة منير ولا اى * وكانت اول غسلة للأنســــــة فلة .






+ بعديها بـــ 3 ايام بدأ النبر والقـــــر يشتغـــل وتوالت الخبطات !






+ يوم التنضيف العالمى ..






+ احلى شاور طبيعى *يوم المطـــر*








النهـــــــــــــاية ,,,
دمتم برعاية الله وحفظة .