البوجيهات الاصليه لدايو لانوس

**atpo56a** · 21-11-2013 07:24 PM

السلام عليكم اخواني بالمنتدي
ذهبت لشراء بوجيهات لانوس اللي رقمها bpr6esالموصي بها بالكتالوج لقيت فيه نوعين في السوق عليهم نفس الرقم احترت اشتري مين فيهم لقيت علبه زرقاءفيها4 كل واحدبعلبه كارتون ومكتوب عليها مجهز خصيصا للسيارات الكوريه ونوع تاني علبه صفراءفيها4 كل واحد بعلبه كارتون ممكن تدلوني اشتري مين فيهم ومين الاصلي ومين المضروب بشأن لون العلبه يعني اشتري اللي علبتهم زرقاء ...او...صفراء ولكم الف شكر للرد والمشاركه

**-=.AHMED.=-** · 21-11-2013 08:12 PM

عليكم السلام و رحمة الله
انا سألت الميكانيكى من كام يوم على البوجيهات
قالى هات نوع اسمه دينسو ( علبته لونها ازرق ) . دينسو دا طلع يبانى لما اشتريته . و هوا بحوالى 37 جنيه
و كان فيه نوع تانى ب 42 يابانى برضه بس مش فاكر اسمه و مشوفتش لون العلبه بتاعته

و تقريبا كان حجم الدماغ 21 و لا 25 مش فاكر
لو حد من الاخوه يعرف المقاس اللى بيركب بالظبط هيفيدنا

**مصطفى-حسن** · 21-11-2013 08:22 PM

اللى منتشر دلوقتى وشغال مع ناس كتير هو ngk ودة ورقتة صفرا
لكن الدينسو اليابانى الاصلى سعرة فى الجملة 60ج وملوش حل مركبة عندى بعد ما ظبت الثغرة على 070
وكمان عشرين الف كيلو هبقى اركب ال 3 شمعة

**مصطفى-حسن** · 21-11-2013 09:12 PM

المشاركة الأصلية كتبت بواسطة -=.AHMED.=-

معلومه تمام ان الدينسو الاصلى تمنه 60 جنيه فى الجمله
يبقى انا اشتريت المضروب من الاخر

التغيير الجاى او لما الميزانيه تسمح بقى ندور على الاصلى دا

سؤال بقى
يعنى ايه ظبط الثغره على 070
و ايه موضوع ال 3 شمعه ؟ و اذا كان كده نغير تانى

البوجية عبارة عن قطب موجب اللى هيا الراس اللى فى وسط الشمعة وقطب سالب اللى هوة الهلال اللى فوق منها

البوجيهات بتيجى استاندر على 0100
فانا بطلب من الميكانيكى انة يظبها على 070 عشان حجم الشرارة يبقى اكبر
فالميكانيكى بيجيب الفيلر بتاعة ويحطة بين السالب والموجب ودقتين تلاتة خفاف على الهلال اللى فوق بينزل لتحت لحد ما يقفل على الفيلر

انت بس لما تروح للميكانيكة متقلوش اظبطلى الثغرة عشان مش هيفهم انت بتقولة اية

ابقى قولة اظبطلى البوجيهات على الفيلر على 070 وهو هيفهم

**مصطفى-حسن** · 22-11-2013 01:10 AM

المشاركة الأصلية كتبت بواسطة -=.ahmed.=-

ياباشا الف شكر للمعلومات
و منكم نستفيد

بس بالمره لو مفيهاش تقاله
قولنا ايه الفايده اللى هتعود لما هظبط البوجيه على 70
و التلاته شمعه احسن فى ايه . على حسب ما فهمت من كلام سيادتك انه احسن
و هل ديه ليها كمان ظبطه 70 و لا مش بتتظبط ؟

ضبط الثغرة على 070 هيزود حجم الشرارة اللى البوجية بيعملها بنسبة بسيطة

البوجية ال 3 شمعة فية تفسيرين بيتقالوا فية

1 - انة بينتج 3 شرارات او فى اسوأ الحالات شرارتين ودى انا مش متاكد منها
2 - انة مع كثافة شغل البوجية وبعد ما يبدا السن يهبب (فى حالة البوجية الواحد شمعة ) بيبدأ الموجب بتاع البوجية ال3 شمعة يرمى الشرارة على اكتر سن سالب نشط وفعال ودى انا ميال ليها

لكن للامانة وعشان انا مش من طبعى افتى انا مش عارف ايهما اصح ومش متاكد برضو لو كان لية تفسير تالت ولا لأ

لكن على ارض الواقع ومن التجربة العملية اكتر من مرة ال3 شمعة اكفأ من الواحد شمعة بشكل ملموس

وال 3 شمعة ملهاش ضبط ثغرة بتركب زى ما هيا

**-=.AHMED.=-** · 22-11-2013 04:03 PM

المشاركة الأصلية كتبت بواسطة zarif

ضبط الثغرة على 070 هيزود حجم الشرارة اللى البوجية بيعملها بنسبة بسيطة

البوجية ال 3 شمعة فية تفسيرين بيتقالوا فية

1 - انة بينتج 3 شرارات او فى اسوأ الحالات شرارتين ودى انا مش متاكد منها
2 - انة مع كثافة شغل البوجية وبعد ما يبدا السن يهبب (فى حالة البوجية الواحد شمعة ) بيبدأ الموجب بتاع البوجية ال3 شمعة يرمى الشرارة على اكتر سن سالب نشط وفعال ودى انا ميال ليها

لكن للامانة وعشان انا مش من طبعى افتى انا مش عارف ايهما اصح ومش متاكد برضو لو كان لية تفسير تالت ولا لأ

لكن على ارض الواقع ومن التجربة العملية اكتر من مرة ال3 شمعة اكفأ من الواحد شمعة بشكل ملموس

وال 3 شمعة ملهاش ضبط ثغرة بتركب زى ما هيا

جزاك الله كل خير للمعلومات المفيده استاذ مصطفى
و ربنا يبارك فيكم

**Mohamedmaree91** · 22-11-2013 05:33 PM

انا اعرف يا جماعه ان بوجيهات ngk الريستور بتبقى فى علبه صفرا اى موضوع العلبه الزرقا ده

-

الموضوع: البوجيهات الاصليه لدايو لانوس

LinkBack

أدوات الموضوع

عرض

-

-

-

المواضيع المتشابهه

الفرق بين البوجيهات ال ngk الاصليه و المضروبه

نص خلفى لدايو لانوس 2

طلب تسعير لدايو لانوس 1

المقصات الاصليه gm بتاعت لانوس ii

بستفسر عن نوع البوجيهات الاصليه الى فى الميجان 2005

الكلمات الدلالية لهذا الموضوع

المفضلات

المفضلات

ضوابط المشاركة