قطع غيار شيفروليه كروز للبيع
السلام عليكم ورحمه الله وبركاته
انا بعت العربيه بتاعتي وكان عندي شويه قطع غيار للكروز وكنت حابب اتصرف فيها فلو حد عايزها ياريت يبعتلى رساله على الخاص... قطع الغيار كالأتي:
1- قاعده ردياتير اصليه كنت مشتريها ب 150 جنيه. ولسه جديده بالكيس بتاعها متلمستش ومش عارف لو حبيت ابيعها هتتباع بكام الصراحه.
2- طرمبه مايه وكوعه مايه "مستعملين" دول اتغيروا اجباري فى صيانه ال 45 الف والتوكيل اداني اللى كانوا راكبين فيها والصراحه شكلهم لسه جديد فانا مستخسر ارميهم. الجديد منهم ب 1500 جنيه
3- بلي وشدادات وسيور "مستعملين" بردوا اتغيروا اجباري فى صيانه ال 45 الف وبردو لسه جداد وحالتهم نضيفه جدا ... بس متهيألى دول مينفعش يتباعو.. صح كده؟؟الجديد منهم ب 1000 جنيه
4- بلف داخلى للتكييف "مستعمل" حالته جديده وسليم مافيهوش اي مشكله وغيرته بواحد جديد بسبب ان اللى خلاني اغيره مركز صيانه ورا مدرسه المنهل والصناعيي والمهندس مكانوش عارفين سبب العطل فى التكييف ايه وطلع فى الاخر حاجه فى السربنتينه الداخليه وعرفت الموضوع ده بعد مغيرت البلف الداخلى ومرضتش اركب الاصلى بتاع العربيه بما اني دفعت فلوس خلاص.. المهم الجديد اللى انا ركبته كان ب 660 جنيه ساعه لما اشتريته
فياريت لو حد عايز اي حاجه من اللى فوق دي حتي لو كانت السيور (لو عايزهم احتياطي ولا حاجه) يبعتلى رساله ويجي ياخدهم حلال عليه