-
محدش يشتري ساكس و مايلي
نصيحه .. محدش يشتري مساعدين ساكس او مايلي جديد ،،
كله مضروب بلا استثناء وتقفيل تحت السلم .....
نزلت إنهارده عند اشرف الجميل فى الازاريطه وجبت جوز مساعدين استيراد قدام للباسات عملو 1800 .....
والراجل كتر خيره نصحني مجيبش جديد وطلعلي المساعدين من المخزن كلهم صيني وال label بيتلزق
عليهم على انهم made in germany وهم صيني ومستواهم ردىء ........... وورانى شوية علامات فى
المساعد اعرف بيه انه صيني .......... عشان اتاكد طلعت على احد المحلات الى بثق فيها موجود في شارع جمال ع الناصر ( للأسف ) وقلتله عايز مايلي
جابلي المساعد المضروب ملزوق عليه صناعه المانى وقعد يحلف ميت يمين انه المانى اوريجنال وانا كل ده
عارف انه كداب ،،،،،،،،،،،،انا ابتديت فعلا اشك فى كل قطعه انا مركبها على انها اوريجنال بسبب جشع
وطمع التجار
-
معلش هو انا أسف جدا للكلمة دى بس اعذرنى ( كل تجار قطع الغيار فى الاسكندرية وبالذات الاوبل ماعندهومش أمانه خالص كلهم نصابين عايز يبيعلك اى حاجه ويغلى جدا جدا وكمان نصابين يعنى يزعل لما ترجعله الحاجه او تقولوا مش هيا المطلوبة ) وانا أسف جدا جدا للكلام ده وارجوا بجد اللى يعرف محل محترم يدلنا عليه نتعامل معاه بالكلمة وبالامانه
-
لا ياعم اسف على ايه دي حقيقه ... انا فعلا اتعاملت مع 2 محترمين في اسكندريه ملهمش تالت ...
بالنسبه للجديد محل الهاشم فى جمال عبدالناصر ........... ده محترم جدا جدا و بحسه راجل نضيف مش بتاع نصب
والاستعمال الحاج احمد فى السيوف ورا بنزينة صبري راجل بتاع دماغه وشغله كله نضيف
-
باذن الله هبقى أكلم حضرتك اعرف العنواين بالظبط والدنيا فيها ايه لانى الصراحة ماتعملتش معاهم قبل كده وشكرا
-
هو انت اللى عامل الموضوع على الفيس
ماشى
طيب نفس الرد
اشترى حاجة مش معروفه
ملقتيشى هات استيراد
-
يعني حضرتك عرفت الحوار دة بسبب واحد معرفة .. طيب باقي الشعب يعمل اية ؟؟
ينختم علي قفاة وهوة ولا دريان ولا هيعرف ؟؟
حسبنا الله ونعم الوكيل في كل طماع و نصاب
-
النهارده الاستيراد اضمن بالذات في المساعدين
-
الجشع والفهلوه فى مصر عنوان حياه
-
الاستيراد افضل فى قطع الغيار فى بعض الاجزاء
وفى قطع غيار احتمالات انك تجبها جديده اكتر زى تيل فرامل اسطوانه وديسك وكدا والأقل احتمالا طرمبة ميه او باور
وده بيتطلب ان الواحد يعرف حد بيستورد من الشركات الاصليه لحسابه بس للاسف التجار دول قليلين والبديل التوكيل والاسعار حدث ولاحرج
الله المستعان
-
Content Relevant URLs by
vBSEO 3.6.0 PL2