عايز أشتري شاشة 27 بوصة ومحتاج مساعدتكم

**أبو آسر** · 22-11-2013 02:13 AM

السلام عليكم ورحمة الله وبركاته
أنا عندي شاشة 23 بوصة Asus ومضايقاني لأنها Full HD ولما بعمل الـ Resolution على 1920 × 1080 الفونتات والأيكونات بتبقى صغيرة وبضطر أكبرها بنفسي وبعمل zoom للمتصفح الكروم وده بيعملي مشاكل أحيانا في شغلي لأني ببقى محتاج أعاين الresolution الحقيقي للصفحات
المهم بفكر أجيب شاشة 27 بوصة علشان لما أعمل الresolution على الFull HD الفونتات والأيكونات هتكبر شوية بطبيعة الحال وبالتالي مش هضطر أعمل zoom أو ألعب في حاجة
فأجيب أنهي نوع بالضبط ؟ ويعمل كام ؟ ومنين
أنا دورت شوية على النت لقيت حاجات بتعمل من 1900 تقريبا وانت طالع سامسونج وآسوس وفيليبس بس مش بفهم في الشاشات للأسف وخايف أجيب حاجة تطلع مش كويسة
مع العلم إن الميزانية لا تسمح بأكتر من 2000 جنيه أو ألفين وكسور يعني فبالتالي مش مهتم بال3D اللي تمنها بيعدي ال3000
في انتظار نصائحكم

**alfath8** · 02-12-2013 10:06 PM

اشتريت ايه ولا لسه

**أبو آسر** · 03-12-2013 06:38 AM

المشاركة الأصلية كتبت بواسطة hobyana47

عليك اولا بسوق العصر لو انت من مصر الجديدة او تكنولوجى مول لو من مدينة نصر وماحولها او البستان لو من وسط البلد
الشاشات فى نوع بيبق تلفزيون وبيشتغل كمبيوتر عادى او شاشة عرض للكمبيوتر فقط
بالنسبة للماركات المحترمة بالترتيب
اولا السونى برافيا بس دى مبالغ فى سعرها
الشاشات اللى فى المتناول السامسونج بس حاول تشوفها وتعاينها قبل ماتشتريها لان فى بعض موديلات السامسونج بالذات فى الليد بتبقى ضعيفه لدرجة ان الحامل بتاعها فى الجزءالمتصل بالشاشة من فوق بيبقى معلمفى الشاشة نفسها عند اى تحريك للشاشة كمان فيو سونيكبرغم انها صينى اسم وصناعه لاكنها فى تجارب اداء الشاشات بتحقق اعلى نتائج كمان ال ال جى تمام
الشاشات اللى تبعد عنها بالذات لانك هتستخدمها استخدام شغل
البينك شاشة سيئة وبتسخن
الهاى سينس
بلوتو الماركتين دول لو تلفزيون سيئين
انصحك بالشاشة دى وسعرها اقل من2000 وتصميمها محترم وحاول تجيب الشاشة بضمان مترا
Samsung SyncMaster S27B750V Series 7 27 inch Smart LED LCD Monitor | Price in Egypt سعر فى مصر | Micro Labs
لو اللينك مافتحش دور فى جوجل على ايجى برايسسز
كمان ممكن تشوف تجارب الاداء واراء المشتريين على موقع نيو ايج
Computer Monitors - Monitors
بالاضافة لموقع توماس هارد وير

جزاك الله خيرا يا أخي الكريم على ردك الوافي واعذرني على التأخر في الرد لأني لسة شايف الرد دلوقتي !

المشاركة الأصلية كتبت بواسطة alfath8

اشتريت ايه ولا لسه

لا والله أنا كنت سألت في منتدى عرب هاردوير وواحد رد عليا وقلقني لأنه قالي إن صفحات الويب لازم برده هعملها زووم وإنها مش هتكبر زي ما أنا كنت متخيل وبالتالي عدلت عن الفكرة خاصة إنها كانت هتلكفني فرق سعر بين الشاشة الجديدة والقديمة بتاعتي ما لا يقل عن 800 جنيه ! زائد إنها مش هتبقى بنفس الكواليتي بتاع شاشتي الحالية
الموضوع أهو
http://arabhardware.net/forum/showthread.php?t=371304