العربية عاملة مبيعات هايلة 1500 عربية في 3 شهور غير ناس الحاجزة اكيد التجار هيجيبوا قطع غيارها
رقم العضوية : 148860
تاريخ التسجيل : 19Sep2013
المشاركات : 12
النوع : ذكر
الاقامة : مصر
السيارة: لا يوجد
السيارة[2]: هيونداى إكسيل
الحالة :
السلام عليكم ,
ده أول مشاركة ليا فى المنتدى و أرجو أن تفيدونى .
أنا فى حيرة شديدة , عاجبانى بيجو 301 هايلاين بس بصراحة قلقان من التوكيل علشان كنت بأسمع إنه زمان كان وحش , وموضوع قطع الغيار و عدم توافرها للبيجو عامة بره التوكيل , و إن صعب تلاقى حد يشتغل فيها بعد ما تخرج من الضمان و أخيرا فى ناس بتقول إنى مش هأخسر فيها مش أقل من 40 ألف بعد 3-4 سنين و إن عامة 301 لسه مجهولة .
أنا طبعا هأستخير بس أنا بأجيب عربية جديدة فأكيد مش عايزها تبقة متعبة علشان طبيعة شغلى فأرجو تصحيح مفاهيمى الخاطئة من كل الأعضاء و خصوصا منسق القسم LEITO SR
بصراحة من كتر ما إستفدت منكم نفسى أبقى معاكم
رقم العضوية : 126748
تاريخ التسجيل : 28Jun2012
المشاركات : 1,283
النوع : ذكر
الاقامة : مصر
السيارة: 128
السيارة[2]: seat toledo 2015
دراجة بخارية: لايوجد
الحالة :
العربية عاملة مبيعات هايلة 1500 عربية في 3 شهور غير ناس الحاجزة اكيد التجار هيجيبوا قطع غيارها
رقم العضوية : 38746
تاريخ التسجيل : 23Apr2009
المشاركات : 461
النوع : انثى
الاقامة : october
السيارة: sandero 2012
السيارة[2]: terios 2009
الحالة :
نفس القلق والحيرة
انا مش هخرج بره التوكيل حتي بعد انتهاء الضمان ثم دول 3 سنين هيحصل فيهم حاجات كتير خصوصا مع انتشار العربية.
انا لما جبت رينو سانديرو قالولي هتخسري فيها كتير و الفرنساوي بيعه تقيل والايام اثبتتلي انه مش شرط خصوصا مع انتشار العربية
و لما بعتها مكملتش أسبوعين بس دا يرجع لحكمه ربنا في اختيار وقت البيع كانت 2014 لسه نازله و مافيش اهتلاف بين الموديل بتاعي والجديد غير في البلوتوث و بعتها بسعر عالي بالرغم من انه كان فيها اكصدام مكسور و بربريز مشروخ.
و المهندس في قسم ال trade in قالي او مافيهاش حاجه ممكن ابيعها ازيد من التمن اللي اشترتها بيه.
و كمان تغير سعر الدولار كان ليه عامل
عموماً لا انا ولا حد يقدر يجزملك انك هتخسر فيها علشان قاعدة العرض و الطلب كله يتوقف علي انتشار العربية و خاله العربية و أولا و أخيراً توفيق ربنا.
رقم العضوية : 148666
تاريخ التسجيل : 15Sep2013
المشاركات : 672
النوع : ذكر
الاقامة : جمهوريه مصر العربيه
السيارة: لا يوجد
السيارة[2]: peugeot 301
الحالة :
البيجو فرنساوي و ده اسم بيخوف في مصر
العربيه لسه مكملنش سنه في السوق فعلا و دي عربيه جديده و ملهاش مرجعيه عندنا.
التفكير في إعاده البيع مهم في السوق المصري فعلا
طيب العربيه ماشيه في الشارع برغم ده كله يبقي دي نقطه في صالح العربيه
العربيه لسه جديده و انتاج المصنع محدود و بيغذي العالم كله .. تركيا ايران الجزاير تونس مصر اوربا ...و لسه مصنع الصين مبدآش شغل و حصه مصر محدوده و في حجز ل ٣ شهور قدام في التوكيل غير العربيات اللي في المعارض و بتتباع باوفر برايس
ده كل يقول ان في طلب علي العربيه برغم انها فرنساوي و بنخاف منها في مصر
مين منافس بيجو 301 ؟ لانسر ..اكسنت rb .. كيا ريو .. و ضيف نيسان صني الجديده
افضل منافس هو لانسر بس طبعا الشكل القديم يعكر صفو انها ياباني
الكيا محتاج تاخد الهايلاين فيها علشان عوامل الامان و تمنها 146 الف و في الاخر كوري مع ان وجهة نظري الشخصيه هي حلوه
الاكسنت لو فتحت الكبوت بتاعها حتحس انك راكب عربيه مستعمله ممكن عم عبدو الميكانيكي يشتغل فيها و دي ميزه بس عيبها انك حتدفع 138 الف في الهايلاين و المفروض تحس انك راكب عربيه محترمه .. غير ان صاجها ضعيف جدا و المساعدين الخلفي سيئين جدا و ركز معاها في الطريق حتلاقي الشنطه بتنط في المطبات :)
الصني لا تعليق عليها في 2013 مع الشكل الجديد .. فشلت
اليارس مثلا و اخيرا .. فقيره جدا في الكماليات و الهايلاين ب 155 الف
نرجع للبيجو ... اسم بيرجع في السوق و دخل عربيات جديده للسوق تاني
عربيه قطع غيارها رخيصه و صيانتها الدوريه مش مكلفه بالنسبه لمثيلاتها في الفئه السعريه
الطلب عليها برغم خوفنا من الفرنساوي في مصر و انتشارها الجيد في اول سنه دليل ان بعد فتره الضمان حتلاقي قطع غيار ليها في السوق
العربيه نفسها ممتازه امان .. و ثبات و راحه من الداخل .. و شكل مناسب و عصري و واسعه جدا و مواتير بيجو ممتازه و تكيف ياباني .. و حتلاقي كتير عن تفاصيل العربيه في المنتدي
كل ده ب 136 الف في الهايلاين .. صفقه كويسه
عربيه عمليه للتنقلات الداخليه و السفر كمان
في ناس عملت صيانه 20000 و 30000 و مفيش مشاكل جثيمه و لا سحب عربيه من السوق لتعديل فتيس و لا اي حاجه من دي زي ما حصل في الكرولا و غيرها في اول شهرين من طرح العربيه
خساره 30 او 40 الف في ٤ سنين مش رقم كبير .. حضرتك استهلكت و ركبت بيهم
و لو بتاجر عربيه في اليوم ب 200 جنيه لمده الاربع سنين الجايه شوف حضرتك حتكون دفعت كام ؟ و في الاخر الاصل مش ملك ليك !
و مين عارف يمكن يحصل حاجه تاني زي يناير 2013 و العربيات تغلي يبقي حضرتك مخسرتش حاجه .. ده علم الغيب :)
دي بعض النقط حبيت اقولها ليك و ربنا يوفقك في اختيارك و يكون الافضل ليك
رقم العضوية : 83013
تاريخ التسجيل : 07Dec2010
المشاركات : 446
النوع : ذكر
الاقامة : egypt
السيارة: لانوس 2
السيارة[2]: 128جراند /بيجو 301 HL / لانسر 2007 هيونداى فبرنا 2014 GLS
الحالة :
رقم العضوية : 11385
تاريخ التسجيل : 23May2008
المشاركات : 3,289
النوع : ذكر
الاقامة : Egypt
السيارة: Lancer
السيارة[2]: Peugeot
دراجة بخارية: لا
الحالة :
وعليكم السلام ورحمة الله,
وأنت تنورنا هنا من غير حاجة,, :-)
الأول بالنسبة للتوكيل تقيمي ليه جيد جداً يعني مش وحش, والمعاملة فيه جيد جداً برضه,,
بيخلصو كل حاجة بسرعة, غمرة ممتازين وفيه كل قطع الغيار والفنيين متمرسين,
سيبك من اللي أنت سمعته زمان,, كان فيه مشاكل فعلاً وكان فيه أوقات مش بيبقي فيها قطع غيار بس دي كانت فترة التوكيل كان بيقع من أباظة وبعدها حصل شراكة نضفت ورفعت مستوي التوكيل,,
فا أحنا في دلوقتي,,
http://www.nilemotors.net/Nile/37294...post3875136529
وبالنسبة لموضوع قطع الغيار العربية أنتشرت بشكل كبير زي ما الزملاء وضحو ودا هيخلي التجار تجيب لها قطع غيار كتير لأنها بقت منتشرة وطبيعي العربية المنتشرة بيكون ليها قطع غيار منتشرة علي عكس عربية زي السوبارو أمبريزا مثلاً اللي بنشوفها كل 100 ألف عربية هتتعب لما تلاقي ليها قطع غيار برة التوكيل,,
كمان قطع الغيار فيها أسعارها أنا شايفها ممتازة جداً,, يعني أرخص من الياباني الكوري الجديد,
http://www.nilemotors.net/Nile/378310-301.html
http://www.nilemotors.net/Nile/378310-301-2.html
فين بقي اللي بيقول علي الأوروبي أسعارة نااااااار وأبعد عنه وغنيله والكلام دا ؟؟
كمان موتور ال 301 مشترك مع حاجات كتير في موتور ال 307 زي فلتر الزيت الأتنين حشو وبيركبو علي بعض, وكمان سير الكاتينة كان بشمهندس هيثم من توكيل بيجو أأكد أنهم يركبو علي بعض, وقطع غيار ال 307 أسعارها دلوقتي معقولة ومتوفرة في كل مكان في التوكيل وبرة واسعار ال 301 أحلي منها كمان,,
فا ليه القلق والخوف بقي ؟
أنا مثلاً ضماني خلص من 3 سنين, وبروح التوكيل والأسعار في التوكيل مش غالية مقارنة بالميكانيكي النضيف, وأعرف ميكانيكية شغلهم كله في البيجو بس وكل اللي عندهم جديد وأسعارهم مرتاحة جداً,, فاللي قالك "صعب تلاقى حد يشتغل فيها بعد ما تخرج من الضمان" دا يعني تسأله أنت جبت الكلام دا منين ؟؟
الكلام اللي قالهولك فكرني بالموضوع دا,,
http://www.nilemotors.net/Nile/388695-a.html
ملحوظة صغيرة ليك,,
أنت عندك أول 3 إلي 4 سنين أن شاء الله مش هتحتاج غير تغير زيت وفلتر زيت كل 10 الأف
وعلي ال 30 أو 40 ألف هتغير فلتر هوا وبنزين وممكن فلتر تكيف, كل دا كلام سهل ومش مكلف ومتوفر في التوكيل,,
وهتبقي راكب عربية أوروبي مريحة, فيها كل عوامل الأمان الأساسية زي ال ABS+EBD
و 2 أيرباج, وأيموبلايزر, الحاجات دي بتنزل في الكوري كا أوبشن أختياري ولو عايز نفس الحاجات دي في الكوري لازم تجيب الهاي لاين, مع أنها في البيجو من أول فئة,,
وبعد الضمان ما يخلص هتلاقي الحاجات دي بنفس الأسعار أو هتقل شوية برة عند التجار وتقدر تعمل صيانة في أي مكان يريحك بس يكون بيفهم يعني في الجديد, مش بتاع 128
أنا ساعات بجيب قطع الغيار الأصلية وبركب عن حد بيجو بسهولة,,
بالنسبة لموضوع أعادة البيع, كل العربيات بتخسر في أعادة البيع,
واللي يحاول يوهمك ويقولك الكوري بيمسك سعر عن أوروبي,, الكلام دا غلط وكان زمان,,
وبرضه اللي يقولك الأوروبي سعره ناااااااار ومحدش بيفهم فيه غير التوكيل, والبطارية لو نامت العربية مش هتشتغل غير لما توديها التوكيل,, كل دي أشاعات وهري وكلام مالوش أساس من الصحة,,
أنا نصيحتي ليك شوف أنت عايز تركب أيه, وفلوسك تجيب لك عربية أيه محترمة بالمبلغ دا,,
ممكن تقرأ الموضوع دا بخصوص أعادة البيع
هوا مش كبير أنا كان ليا رد فيه وفي ردود تانية مفيدة لأخويا mohjarr وأستاذ AHMED REFAT
http://www.nilemotors.net/Nile/375644-301.html
ودا رد كنت مجمعه عن العربية مني ليك,
ممكن تقرأ فيه كل حاجة عن ال 301 عشان تعرف كل حاجة عنها قبل ما تفكر تشتري,
http://www.nilemotors.net/Nile/3875200422-post5.html
وبالتوفيق في الأختيار,
رقم العضوية : 148666
تاريخ التسجيل : 15Sep2013
المشاركات : 672
النوع : ذكر
الاقامة : جمهوريه مصر العربيه
السيارة: لا يوجد
السيارة[2]: peugeot 301
الحالة :
اجمعت و اوجزت يا ا. احمد .
المفضلات