تغير عفشة سيراتو 2010 هاى لاين
العربية بقالها فترة فىها اصوات تخبيط وترزيع وخصوصا الجنب اليمين وبدات من اسبوع اصوات شخللة ناحية الشمال انا بصراحة بكره اى صوت فى العربية والموضوع اثر على الثبات كشفت عند مركز جنب بيتى اللى بتعامل معاهم فى صيانة العربية وكان المطلوب كالتالى :
- المساعدين منتهين تماما ولازم يتغيروا
- بيض البارات كذلك منتهى
- بيض المقصات قدامه بالكتير 5000كم
- بطاحات المساعدين مش قد كده .
توكلت على الله وتم تغير الحاجات دى كلهاوالتكلفة كالتالى :
1- مساعدين كيا اصلى سعرهم 1000 جنية.
2- بطاحات كيا اصلى 300 جنية.
3- بيض بارات ctr ب 185 جنية.
4- بيض مقصات ctr ب 160 جنية.
5- مصنعيات وظبط زاويا 200 جنية.
دفعت 1900 بالاكراميات وتم التغير فى ساعة بالظبط والحمدلله العربية اختلفت تماما