مشكلة جامدة جدا ( ساعدوني)

**Somsom** · 22-11-2013 04:26 PM

والله ياجماعة اخو مراتي بدا (يضيع ) كان الاول محترم وبيصلي في المسجد وهو كبير عنده ٢٥ سنة وهو وأخوه عندهم محل مستلزمات طبية شغال زي الفل وكان نفسه يستورد أدوية ومستلزمات من برة ( تركيا ) المهم أتعرف علي واحد في الجيش وده هو المشكلة ( عمه يبقي من اكبر تجار مخدرات في دمنهور ) واتفقو مع بعض والواد دة هو اللي عيعدي البضاعة من الجمرك وأخو مراتي دلوقتي اتغير خالص وبقي بيشرب سجائر وشيشهوبيعد علي القهاوي وكده واخلاقة اختلفت خالص وبقي متوتر وقلقان واتصاحب علي شباب زبالة ( حشاشين ). وبيمشي معاهم وانا خائف انهم يقنعونه أنو يهربلهم الحجات دي من برة وخايف عليه خالص. وأول سفرية ليه الاتنين الجي وانا كنت عنشترك معاه بس حاسس ان الموضوع ده شمال وكل فلوسو حرااااام ومش عارف اعملو ايه ( وانا الوحيد اللي عارف اللي هو بيعمله ) ومش عارف ااول لوالدته ولا اخوه ولا اعمل آيه؟؟؟؟؟

**mr_vampire** · 22-11-2013 06:45 PM

لو مش هيقبل منك نصيحة يبقي بلغ والده واخوه وهما يتصرفو معاه.

**Somsom** · 22-11-2013 06:58 PM

المشاركة الأصلية كتبت بواسطة mr_vampire

لو مش هيقبل منك نصيحة يبقي بلغ والده واخوه وهما يتصرفو معاه.

والده ميت وأخوه. حنين آوي لدرجة ان الولا بيشتمه ويهزاه

**محمود السويدي** · 22-11-2013 07:36 PM

الجيش بيهرب المخدرات
الاخوان بيقتلو الششعب والجيش
الجيش والشرطه بيحاربو الارهاب
الشغب غلبان مش عارف يصدق مين

**benmatar** · 22-11-2013 11:21 PM

المشاركة الأصلية كتبت بواسطة somsom

والله ياجماعة اخو مراتي بدا (يضيع ) كان الاول محترم وبيصلي في المسجد وهو كبير عنده ٢٥ سنة وهو وأخوه عندهم محل مستلزمات طبية شغال زي الفل وكان نفسه يستورد أدوية ومستلزمات من برة ( تركيا ) المهم أتعرف علي واحد في الجيش وده هو المشكلة ( عمه يبقي من اكبر تجار مخدرات في دمنهور ) واتفقو مع بعض والواد دة هو اللي عيعدي البضاعة من الجمرك وأخو مراتي دلوقتي اتغير خالص وبقي بيشرب سجائر وشيشهوبيعد علي القهاوي وكده واخلاقة اختلفت خالص وبقي متوتر وقلقان واتصاحب علي شباب زبالة ( حشاشين ). وبيمشي معاهم وانا خائف انهم يقنعونه أنو يهربلهم الحجات دي من برة وخايف عليه خالص. وأول سفرية ليه الاتنين الجي وانا كنت عنشترك معاه بس حاسس ان الموضوع ده شمال وكل فلوسو حرااااام ومش عارف اعملو ايه ( وانا الوحيد اللي عارف اللي هو بيعمله ) ومش عارف ااول لوالدته ولا اخوه ولا اعمل آيه؟؟؟؟؟

بجد مش هزار بلغ البوليس ولو خايف على قريبك وعارف انه مستقيم وهينجر للهاوية وإن التانيين ليهم ماضي زفت يبقى بلغ عنهم وكأنك بعيد عن القصة بتاتا

**محمود السويدي** · 22-11-2013 11:53 PM

انته سئلة وجاوبك اهل الخبر توكل علي الله واسمع كلامة هوا مجرب متخفش

**mmolazem** · 23-11-2013 12:34 AM

و لسه بيصلى ولا بطل يصلى ؟؟

**dedi** · 23-11-2013 12:46 AM

انت مافكرتش تقعد معاة بهدوء و تفهمة الوضع اية واضح انة بيعزك و يحترمك جرب تتكلم معاه من منطلق انك صاحبة و خايف علية و هو خال عيالك ولا تكف عن تقديم النصيحة مرة و اتنين وتلاتة و ربنا يهدى

**prof2013** · 23-11-2013 12:50 AM

المشاركة الأصلية كتبت بواسطة benmatar

بجد مش هزار بلغ البوليس ولو خايف على قريبك وعارف انه مستقيم وهينجر للهاوية وإن التانيين ليهم ماضي زفت يبقى بلغ عنهم وكأنك بعيد عن القصة بتاتا

كده هيضر اخو مراته على فكرة

**adelghanem** · 23-11-2013 03:09 AM

كلمه على انفراد وبجد
وفهمه ان الشرطه بتراقب العيال دى
وان لو فى السفريه دى حاجه غلط حيتمسك
يعنى ارعبه وسودله الدنيا على العيال اللى ماشى معاها
يمكن يخاف ويبعد عنهم