الميكانيكي بيشتغلني؟؟ ولا ايه النظام؟؟
السلام عليكم ورحمة الله وبركاته
أنا كنت عملت موضوع من فتره إني بسمع أصوات لما بدوس فرامل أو لما باخد مطب ..
المهم بعد ما الأخوه أفادوني .. قلت أروح لميكانيكي يبص علي تيل الفرامل والمساعدين و وكده ..
الميكانيكي قالي تعالي نجرب .. وركب وساق بيها مسافه كبيره وداس فرامل كتير وعلي سرعات ومتقطع .. واخد كل المطبات .. وعمل كل حاجه ..
وقالي مفيش أي مشكله :11:
طب يا عم إزاي ؟؟ قالي والله مافيها مشكله خالص يابيه ..
قلتله طب بص علي التيل .. فك العجل وبص ع التيل وكده وقالي التيل جديد يا بيه وكله مظبوط ..
طب ياعم الحاج بص علي جلب المقصات .. بص و قالي تمام سليمه مفيهاش حاجه والمقصات تمام
طب ياعم بص علي المساعدين ... بص .. وقالي زي الفل مافيهاش حاجه اكنهم جُداد ..
وراح قايلي " يابيه العربيه مفيهاش حاجه .. أنا ماليش مصلحه في إني اقلك انها سليمه .. الصوت ممكن يكون علشان السايس ف الجراج بيغسل الكاوتشات بالميه فا الميه بتيجي ع التيل .. غير كده العربيه مافيهاش حاجه .. العربيه زي الجديده يا بيه "
فا ياتري أروح لميكانيكي تاني ولا فعلا المياه ممكن تعمل كده؟؟
العربيه:
أفيو 2009 ماشيه 51 ألف كيلو مانيوال
وشكرا :)