بسبب التوكيل ساترك محبوبتى بيكانتو

**wel781** · 23-11-2013 12:09 PM

المشاركة الأصلية كتبت بواسطة leitosr

بصراحة أنا زعلت جداً وأنا بقرأ اللي حصل معاك,,
ولو كنت أعرف أنك هتطلع كل دا مكنتش حكيت عاللي حصل معايا في بيجو أبو رواش وشجعتك علي أنك تحكي,,
أنا كنت مفكرها حاجات بسيطة مش التهريج دا, مرة يعملو عربيتك تاكسي ومفيش عند حد فيهم دم والمرة التانية العربية تطلب تعمر.!

المهم قدر الله وماشاء فعل, ويارب تكون أحسن بعد ما فضفضت باللي جواك,
ومع أنها كانت عربية غالية عليك, بس لعل اللي حصل دا يكون خير ليك وفدا حاجة تانية,,
وقضاء أخف من قضاء.

الحمدلله يا احمد على كل شىء

والله لولا ان انت شجعتنى أكتب كنت هافضل كاتم فى نفسى و بيتحرق دمى.
بس كده أحسن أهوه برده الناس تستفسد علشان مايحصلش معاهم زى

وخصوصا الحركة الرخيصة بتاعت عربيتك أتصلحت تعالى خدها ديه.

**Ahmed Amin** · 23-11-2013 12:41 PM

قدر الله وماشاء فعل,
ودا بيبقي درس للواحد أنو يفضل عنيه علي عربيته مهما كان وميسبهاش تغيب عن عينه كدا,
حتي لو كانت في توكيل,, وفيد أيد أمينة وناس فاهمة ومتمرسة والكلام دا,,
عشان من التجارب اللي الواحد بيمر بيها زي اللي حصلت معايا والتجارب اللي بنعرفها زي اللي حصلت معاك
الواحد بيكتشف أن مفيش توكيل أيديه امينة, ولا متمرسة,, القصة كلها قصة ضمير ومبدأ,

أنا بحسدك علي صبرك معاهم,
أنا لو مكانك وفي توكيل ولاقيت واحد أخد سكرتيرة المكان يوصلها ولاقيت المشرف بيقولي
" معلش أصل السكرتيرة بتروح ساعة بدري علشان بترضع فا تلاقيه اخدها في طريقة. "

مش عايز أقولك أنا كنت هعمل فيه أيه هوا والسكرتيرة والمشرف والأفندي اللي راح يوصلها لما يرجع,,
ربنا يعوضك خير,,

**تامر.محمد** · 23-11-2013 12:49 PM

نهارهم اسود
ايه الهبل ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**moha4tec** · 23-11-2013 01:18 PM

اول شىء انت غلطان انك معملتش مشكله كبيره و زعقت و عملت فضيحه ليهم فى التوكيل . بسبب انهم بيعملوا عربيتك تاكسى و بيوصلوا بيها موظفينهم .
و ممكن يكون اللى ساقها قرص عليها و عملت طحينه بسببه . و تلبسهم فى الحيطه .
واضح ان فى استهتار فى التوكيل و لازم يتشدوا
لو كل واحد ساب حقه .هيحصل لينا كلنا زى ما حصل معاك
لازم كلنا نقف و منسيبش حقنا .
دى مشكله كبيره فى التوكيل و اصلا العربيه المفروض متخرجش من التوكيل الابتصريح من امن البوابات .و لازم انت تكون موافق .كتابتا .
ربنا يكون فى عونك و يصبرك .
و بعد كده متسيبش عربيتك تغيب عنك حتى لو فى اى حته .

**Ahmed Amin** · 23-11-2013 02:56 PM

الكوميك دا شوفته علي الفيس من شوية,,
فيه وصف لحال التوكيلات في مصر بالظبط,, :-)
وتقريباً نفس التكلفة ال 20 ألف جنيه اللي أتطلبت من wel781 في الصيانة الأخيرة لما العربية جابت زيت من الشكمان,

قلت أحط الكوميك هنا في الموضوع عشان يخفف عننا شوية, :-)

**Ahmed Amin** · 23-11-2013 03:03 PM

أه والله, أول ما شوفت الكوميك بالوصف اللي بيقوله الفني اللي فيه أفتكرتك, :-)

-

-

-

الموضوع: بسبب التوكيل ساترك محبوبتى بيكانتو

LinkBack

أدوات الموضوع

عرض

-

-

-

المواضيع المتشابهه

شاركونى فرحتى بأستلام محبوبتى الريو

بيكانتو 2012 والصيانة فى التوكيل ام لا

آآآآدي اول القصيده - ساترك ياللي بتستر :(((

كيا تسحب بيكانتو بسبب خلل فنى

كاسيت كيا بيكانتو فى التوكيل

الكلمات الدلالية لهذا الموضوع

المفضلات

المفضلات

ضوابط المشاركة