| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 24

  1. #1

    الصورة الرمزية wel781

    رقم العضوية : 101130

    تاريخ التسجيل : 29May2011

    المشاركات : 274

    النوع : ذكر

    الاقامة : egypt

    السيارة: www.guava.pro

    السيارة[2]: بيجو 301 HL

    الحالة : wel781 غير متواجد حالياً

    Unhappy بسبب التوكيل ساترك محبوبتى بيكانتو - Facebook Twitter whatsapp انشر الموضوع فى :

    hasad">

    معلش هاصدعكوا شويه استحملوني.
    بس انا كاتب الموضوع ده علشان الناس تاخد بالها وتستفيد.
    انا من الاشخاص المشجعين ان العرية لازم تتصلح في التوكيل ولهذا كنت بروح اعمل كل الشغل فى التوكيل سواء كان صيانة دورية او اصلاحات.

    المهم جت صيانة ال ١٢٠٠٠٠ لـ عربيتي البيكانتو وروحت التوكيل الساعة ٨ الصبح اعمل الصيانة واستلموا العربية وتأخروا اوي في الصيانة فا طلعت من الاستراحة اشوف التأخير ليه.
    لقيت العربية مع واحد لابس احمر وخارج بيها بره التوكيل.
    انا عرفت انو خارج يجربها المهم فضلت واقف لغاية لما رجع اخد حوالى ١٠ دقائق و قبل ما يدخل التوكيل فضل واقف تحت ماطلعش (لو مروحتش توكيل ابورواش في مطلع كده قبل البوابة) هو فضل واقف تحت. انا قلت بيظبط حاجه.

    لقيت السكرتيرة نزلتله وركبت معاه في عربيتى ولف ومشى انا طبعا واقف مذهول. اخد حوالى ربع ساعة اول ما رجع سالته عن اسمه ودخلت طلبت المشرف.
    حكتله اللى حصل. تخيلوا الرد ؟؟؟؟؟
    معلش أصل السكرتيرة بتروح ساعة بدري علشان بترضع فا تلاقيه اخدها في طريقة.
    انا اغمن عليا علطول بعد الرد ده.
    المهم المشرف اتاسفلى وزى كل حاجه فى مصر. ما هو خلاص اعتذر انت عايز ايه يعنى ندبحة.

    استلمت العربية وبعدها بكام يوم كدة حسيت ببرجله فى العربية ماحطتش في دماغي.
    وعدي بتاع اسبوعين وانا بحس بالبرجلة كل يوم الصبح بس كنت مشغول جدا فا نفضت لغاية لما افضى.
    لغاية لما جت في يوم ادور الصبح مارديتش تدور فا دورتها زق. واول ما اشتغلت طلعت دخان ابيض كثيف.
    رجعت التوكيل كشف على العربية وقالولى العربية عاملة طحينة. ايه طحينة يعنى ايه؟
    يعنى يا فندم المياه دخلت على الزيت وعملوا طحينه لازم نفتح الماتور.

    تانى صدمة سألته هو الموضوع ده بيحصل بين يوم وليله قالى لا. طيب ما انا كنت هنا عندكوا بعمل صيانة ازاى ماكتشفتوش ده ؟؟؟ يا اما بقي الغلطة دية من عندكوا !!!!! وفترة صمت
    قالى مش من عندنا يا فندم ماينفعش. وعلشان نشوف المشكلة بس لازم تدفع ألف ونص.
    وبعد كلام كتير ورغى وتوكيل بيحاول يخلى مسؤليته وخلاص بغض النظر عن اى شئ.
    احدت العربية ومشيت وروحت صلحتها ب ٤٠٠ جنيه عند ميكانيكى محترم جدا جدا فى اكتوبر.

    الموضوع مخلصش هنا لسه لسه.

    معرفش ايه اللى خلانى اتهف فى دماغى تانى واروح اعمل صيانة ال ١٦٠٠٠٠ عندهم
    دخلت حكيت لمهندس الاستقبال كل حاجه حصلت قبل كدة وقلتله يا ريت مايتكررش اى حاجه من دية تانى.
    المهم بعد الكشف قالى العربية محتاجة اسطوانة وديسك وحاجات تانيه كتير الصراحة انا مكنتش حاسس باى مشاكل فى العربية فاقلتلوا غير اللى انت عايزة بس بلاش طقم الدبرياج وخلصوا العربيه وكعيت ٣٥٠٠ جنيه ومشيت.
    العربية مابتسحبش خالص مش عايزه تعدى ال ٨٠ كلمت المهندس قالى تعلالى بكرة
    وانا ماشى بليل فى نقس اليوم جيت انور الكشافات الاماميه مش عايزة تشتغل لازم افضل منور النور العالى.

    تانى يوم رحتلة و حكيتلة اخدوا العربية و فضلت معاهم ٦ ساعات و بعدين قالى احنا غيرنا ضفيرة الكشافات كلها على حسابنا ب ٤٠٠ علشان ماكتشفنهاش فى الفحص النهائى. انا الصراحة اتبصت قلت فعلا التوكيل اتغير ومشيت و تانى يوم سافرت شرم الشيخ وانا مسافر موضوع السحب ده ظهر تانى. فا كلمت مهندس الاستقبال تانى قالى لما ترجع بالسلامه تعالى التوكيل وهانشوف المشكلة ايه.
    المهم رجعت واذ فجٱة العربية عطلت بيا واتقطرت لحد الشغل و بعدين قطرتها للتوكيل ٨ الصبح.
    المهندس قالى السحب ده بسبب الدبرياج فا قلتله بكل هدوء اوك غيره وشوف المشكلة اللى خلت العربية تقف وصلحها.

    قالى اوك بس هاتاخد يومين قلتله ماشى وانا علي مضض ومشيت.
    وعدي اليوم كله و تانى يوم وفى اليوم الثالث اتصل بي وقلى العربية خصلت يا فندم تعالى استلم.
    قلتله المشكلة كانت ايه ؟ قالى غيرنا طقم الدبرياج فا قلتله والعربية طيب وقفت ليه قعد يتوه فى الكلام كده كان فى حاجه انا محدطتش فى دماغى و قلتله بهزار اهم حاجه مش تزيد عن ٢٥٠٠ قالى لا.
    وروحت فعلا علشان استلمها فا استقبلنى المهندس وقعدنى فى مكتب بعيد عن كل العملاء و استنيت ٢٠ دقيقة لغاية لما جالى المشرف قالى يا فندم عربيتك بتجيب زيت من الشكمان وعايزه اصلاح ب ٢١٠٠٠ جنيه.

    ثالث صدمة تفقدنى النطق.

    نعم ؟ ايه ؟ ازاى ؟ انت مش قلتولى اتصلحت. قالى انا لما لقيت فيها مشكلة قلتلهم ميشتغلوش فيها
    وفى هذه الاثناء انا فاقد التركيز والاهليه و النطق.
    قتلته ازاى ماكتشفتوش حاجه زي ديه فى الصيانه قالى احنا مابنعملش كشف على الحاجات ديه الا لو العميل اشتكى.
    فبعد كلام كتير ورغى وناس نصابه و شغل رخيص.
    بيسالنى ها نشتغل قلتله تشتغل ايه يا عم.
    سالته هيا دايرة قالى ندورهالك قلتله هاتها واخدتها ومشيت وانا فى قمة الحزن و الهم
    ولما روحت اعدت اراجع على العربية ولقيت.

    قبل الصيانه داخل مابشتكيش من اى مشكلة
    بعد الصيانة خارج بـ
    - السيارة تحتاج الى عمرة او طقم شنابر على احسن تقدير.
    - عوامة تنك البنزين بايزة وكانت هيا السبب فى ان العربية وقفت. لانها ادتنى قرايات غلط.
    - البطارية باظت تماما مش عارف ليه. مع انها جافه وشاريها من سنة ونص و ماشتكيتش منها قبل كده.
    - الدبرياج تقيل جدا و العربية مابتسحبش. العيب ده ظهر فجٱه.
    - باب السائق لا يفتح نهائى برده مش فاهم ايه العلاقة.
    - الكشافات الامامية اللى صلحوها بعد الصيانة على حسابهم.
    - السماعات فيها مشاكل ومش شغالة.

    اللى خلانى اكتب انى اكتشفت انى اضحك عليا لما قريت ان فى واحد من ملاك الستروين الجديده عمل شكوى فى حماية المستهلك و التوكيل عمل معاه جو رخيص وكلمه قاله تعالى استلم علشان يلبس فى الحيط.
    وعلشان كل الناس تستفيد ومايقعوش فى المشاكل اللى انا وقعت فيها. ويخدوا بالهم من الحركات الرخيصة اللى بتعملها التوكيلات.
    حرقة الدم اللى انا فيها ماتتوصفش.
    انا قررت ابيع العربية فى وقت صعب جدا بالنسبة ليه. اول عربية جبتها فى حياتى.
    ويمكن لما اكتب هنا واتكلم فى الموضوع اهدى شوية.
    شكرا ان الموقع سمحلى اكتب تجربتى هنا واسف على الاطالة.

    You Either Die a Hero Or live long enough to see your self become the villain


  2. #2

    الصورة الرمزية john55

    رقم العضوية : 116347

    تاريخ التسجيل : 05Nov2011

    المشاركات : 1,290

    النوع : ذكر

    الاقامة : BANHA

    السيارة: accent rb

    السيارة[2]: fiat

    دراجة بخارية: no

    الحالة : john55 غير متواجد حالياً

    افتراضي -

    مش عارف اقول ايه انا هعيط علشانك ربنا يسامحهم كل دا حصل مع التوكيل انا بيتهالي لو كنت مشيت معاهم كنت دفعت حق العربيه مرتيين كويس ان حضرتك هتبعها


  3. #3

    الصورة الرمزية wel781

    رقم العضوية : 101130

    تاريخ التسجيل : 29May2011

    المشاركات : 274

    النوع : ذكر

    الاقامة : egypt

    السيارة: www.guava.pro

    السيارة[2]: بيجو 301 HL

    الحالة : wel781 غير متواجد حالياً

    افتراضي -

    اقتباس المشاركة الأصلية كتبت بواسطة john55 مشاهدة المشاركة
    مش عارف اقول ايه انا هعيط علشانك ربنا يسامحهم كل دا حصل مع التوكيل انا بيتهالي لو كنت مشيت معاهم كنت دفعت حق العربيه مرتيين كويس ان حضرتك هتبعها
    ماتقولش اى حاجه كفاية شعورك ده والله

    انا بقالى أكتر من شهر بلف حوالين نفسى لغاية لما ربنا هدانى أكتب و اخرج اللى جوايا.

    بالظبط والله مايعرفوش الناس تعبت و جابت العربيات ديه إزاى

    You Either Die a Hero Or live long enough to see your self become the villain


  4. #4

    الصورة الرمزية medo111

    رقم العضوية : 76369

    تاريخ التسجيل : 27Jul2010

    المشاركات : 1,047

    النوع : ذكر

    الاقامة : mansoura

    السيارة: ......

    السيارة[2]: opel astra 2004

    دراجة بخارية: ,,,,,,,,,

    الحالة : medo111 غير متواجد حالياً

    افتراضي -

    معلش انت غلطان توكيل ايه الي ترجعلو تاني بعد توقيعك دا التوكيلات كلها زي الزفت عربيتك مش معقده وكل المشاكل الي بتظهر فيها اي ميكانيكي يظبطها مش مشاكل كنترول مثلا انا من رايي اظبطها ومش هتتكلف حاجه عربيتك قطع غيرها رخيصه ولا انت غاوي تغلي علي نفسك وتروح التوكيل


  5. #5

    الصورة الرمزية wel781

    رقم العضوية : 101130

    تاريخ التسجيل : 29May2011

    المشاركات : 274

    النوع : ذكر

    الاقامة : egypt

    السيارة: www.guava.pro

    السيارة[2]: بيجو 301 HL

    الحالة : wel781 غير متواجد حالياً

    افتراضي -

    اقتباس المشاركة الأصلية كتبت بواسطة medo111 مشاهدة المشاركة
    معلش انت غلطان توكيل ايه الي ترجعلو تاني بعد توقيعك دا التوكيلات كلها زي الزفت عربيتك مش معقده وكل المشاكل الي بتظهر فيها اي ميكانيكي يظبطها مش مشاكل كنترول مثلا انا من رايي اظبطها ومش هتتكلف حاجه عربيتك قطع غيرها رخيصه ولا انت غاوي تغلي علي نفسك وتروح التوكيل
    والله يا ميدو انا قلت أروح بقى التوكيل و أصرف على العربية علشان تعيش معايا
    بس واضح إن كنت غلطان

    أنا قررت أبيع خلاص ماليش نفس حتى أقرب منها

    You Either Die a Hero Or live long enough to see your self become the villain


  6. #6

    الصورة الرمزية Akram.Gamal

    رقم العضوية : 99005

    تاريخ التسجيل : 14May2011

    المشاركات : 839

    النوع : ذكر

    الاقامة : Damietta

    السيارة: 301 HL

    السيارة[2]: 504 GR

    دراجة بخارية: never

    الحالة : Akram.Gamal غير متواجد حالياً

    افتراضي -

    معلش ربنا يرزقك بال احسن منها
    و قول اللهم اجرنى فى مصيبتى و اخلفنى خيرا منها
    وربنا يعوض عليك ان شاء الله

    Facebook.com/groups/peugeot.301.fans


  7. #7

    الصورة الرمزية wel781

    رقم العضوية : 101130

    تاريخ التسجيل : 29May2011

    المشاركات : 274

    النوع : ذكر

    الاقامة : egypt

    السيارة: www.guava.pro

    السيارة[2]: بيجو 301 HL

    الحالة : wel781 غير متواجد حالياً

    افتراضي -

    اقتباس المشاركة الأصلية كتبت بواسطة akram.gamal مشاهدة المشاركة
    معلش ربنا يرزقك بال احسن منها
    و قول اللهم اجرنى فى مصيبتى و اخلفنى خيرا منها
    وربنا يعوض عليك ان شاء الله
    تسلم يا أكرم. ربنا يخليك

    اللهم اجرنى فى مصيبتى و اخلفنى خيرا منها

    أمين يا رب

    You Either Die a Hero Or live long enough to see your self become the villain


  8. #8

    الصورة الرمزية sonybony

    رقم العضوية : 290

    تاريخ التسجيل : 27Apr2007

    المشاركات : 694

    النوع : ذكر

    الاقامة : cairo

    السيارة: fiat

    السيارة[2]: polonez

    دراجة بخارية: هوندا

    الحالة : sonybony غير متواجد حالياً

    افتراضي -

    التوكيلات في مصر زباله زباله زباله


  9. #9

    الصورة الرمزية Ahmed Amin

    رقم العضوية : 11385

    تاريخ التسجيل : 23May2008

    المشاركات : 3,289

    النوع : ذكر

    الاقامة : Egypt

    السيارة: Lancer

    السيارة[2]: Peugeot

    دراجة بخارية: لا

    الحالة : Ahmed Amin غير متواجد حالياً

    افتراضي -

    بصراحة أنا زعلت جداً وأنا بقرأ اللي حصل معاك,,
    ولو كنت أعرف أنك هتطلع كل دا مكنتش حكيت عاللي حصل معايا في بيجو أبو رواش وشجعتك علي أنك تحكي,,
    أنا كنت مفكرها حاجات بسيطة مش التهريج دا, مرة يعملو عربيتك تاكسي ومفيش عند حد فيهم دم والمرة التانية العربية تطلب تعمر.!

    المهم قدر الله وماشاء فعل, ويارب تكون أحسن بعد ما فضفضت باللي جواك,
    ومع أنها كانت عربية غالية عليك, بس لعل اللي حصل دا يكون خير ليك وفدا حاجة تانية,,
    وقضاء أخف من قضاء.


  10. #10

    الصورة الرمزية wel781

    رقم العضوية : 101130

    تاريخ التسجيل : 29May2011

    المشاركات : 274

    النوع : ذكر

    الاقامة : egypt

    السيارة: www.guava.pro

    السيارة[2]: بيجو 301 HL

    الحالة : wel781 غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة sonybony مشاهدة المشاركة
    التوكيلات في مصر زباله زباله زباله
    انا مش عارف أمتى البلد ديه هايبتدوا يحترموا فيها الناس وتعبهم و شقاهم

    You Either Die a Hero Or live long enough to see your self become the villain



 
صفحة 1 من 3 1 2 3 الأخيرةالأخيرة

المواضيع المتشابهه

  1. شاركونى فرحتى بأستلام محبوبتى الريو
    بواسطة HSE_eng_ramy في المنتدى كـــــيا
    مشاركات: 46
    آخر مشاركة: 18-03-2013, 06:33 PM
  2. بيكانتو 2012 والصيانة فى التوكيل ام لا
    بواسطة A_AMR_86 في المنتدى كـــــيا
    مشاركات: 7
    آخر مشاركة: 28-07-2012, 04:21 PM
  3. آآآآدي اول القصيده - ساترك ياللي بتستر :(((
    بواسطة warDaya في المنتدى هيــونــداى
    مشاركات: 21
    آخر مشاركة: 04-09-2010, 10:49 PM
  4. كيا تسحب بيكانتو بسبب خلل فنى
    بواسطة mragh في المنتدى أخبار السيارات في مصر والعالم
    مشاركات: 4
    آخر مشاركة: 14-06-2010, 06:25 PM
  5. كاسيت كيا بيكانتو فى التوكيل
    بواسطة waelamin123 في المنتدى كـــــيا
    مشاركات: 17
    آخر مشاركة: 12-05-2010, 02:51 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2