الموضوع: صاحب السياره مصمم يعملي توكيل مقفول

شكرا بس ممكن تكتبلي حضرتك الصيغه بالظبط

المشاركة الأصلية كتبت بواسطة m i d o

هيعملك توكيل منة ببيع العربية فقط لنفسك مش لحد تاني وبتمشي بالعربية لحد ما الرخصة بتخلص وبعدين بتروح بالتوكيل الي معاك تحول ملكية العربية باسمك و بتجدد الرخصة في المرور عادي تاني و بتفحص تاني بس باسمك انت بقي

شكرا ياميدو وبالنسبه للتعامل مع المرور هل لازم يتضمن التوكيل ذلك لاني باذن الله هبقي انقل ورقها من الوايلي للمنصوره.......انا عايز بس اضمن اني مش هحتاج صاحبها في اي خطوه في المرور بعد كده

لا بالكلام اللي صاحبها بيقول عليه دا انتا مش هتحتاجة ف أي حاجة تاني ابدا
انا اشتريت عربيتي بالطريقة دي

هو الهدف منه ان حضرتك ما تعرفش تجدد الرخصه مره تانيه باسم صاحب السياره . يعني حضرتك تبقي عامل حسابك انه علي انتهاء الرخصه في شهر ٣ انك تنقل ملكيه لنفسك و من مزايا الموضوع للبائع بيريح دماغه من اي مشاكل من العربيه دي في المستقبل لاقدر الله لان لو حصل بيها اي مشكله بيستدعوا في الاول المالك اللي اسمه في الرخصه و لما يروح عليه انه يثبت انه باع العربيه لحد تاني و كمان نقطه تانيه انه لو العربيه لسه باسمه حتي لو اتباعت هيدفع ضريبه رفاهيه في حاله لو جاب عربيه تانيه و ده بيبقي ظلم له لانه معندوش غير عربيه واحده فعليا لكن علي الورق هما عربيتين. الخلاصه انه مفيش ضرر من انه يعمل لحضرتك توكيل مقفول بس تبقي عامل حسابك علي انك هتنقل الملكيه علي موعد انتهاء الرخصه