بالله عليكم اشترى اية فى حدود 20 الف جنيه ؟؟؟؟

تحياتى لجميع خبراء واعضاء نايل موتورز اللى من غيره كان زمانى مدبس فى اى عربية والسلام

المهم انا حاليا معايا فى حدود 20 الف جنيه ومحتار اجيب عربية نوعها اية اتعرض عليا
ستروين ax 1998
فيات 128 موديلات 85 فيما فوق
فيات 131 موديل 83
سكودا فيفوريت موديل 94
لادا موديل التسعينات
بيجو 205 مش فاكر السنة
رجاتا موديل 85 فيما فوق
دايهاتسو شاريد 84
مازدا 323 موديل 82
واخيرا الماروتى
انا طلباتى فى العربية انها تكون قوية تستحمل شوارعنا و قطع غيارها متوفرة وكمان اعرف ابيعها بعد كدة ومخسرش كتير وياريت يبقى فيها اى كماليات حديثة ( مشوارى تقريبا 50 كيلو يوميا وممكن اشيل فيها حاجات تبع شغلى
تنصحونى بأية ( انا ميال للستروين ) ايه رأيكم
وسامحونى على الاطالة ولو فيه ترشيح لعربية من حضراتكم اكون شاكر جدا

131 او لادا

اقتباس:

---

المشاركة الأصلية كتبت بواسطة احمد الصعيدي

131 او لادا

---

متشكر جدا على سرعة الرد بس لية حضرتك رشحت العربيتين دول بالتحديد ولية استثنيت الباقى خصوصا الستروين مع انها موديل حديث

31 نضيفه
او مازدا 323 نضيفه

131 عربيه ناعمه سهله البيع قطع غيارها رخيصه كل الميكانيكيه يفهموا فيها وعربيه بتتحمل وشكلها افضل من اللادا تليها اللادا من حيث المتانه ورخص قطع الغير وسهوله البيع اما الستروين عربيه قطع غيارها غاليه مش كل الناس بتفهم فيها سوقها في البيع صعب شويه

أولا: سكودا فيفوريت رغم إن لو حالة نظيفة تعمل أكتر من كده
ثانيا: لادا عربية حمالة أسية وقوية وقطع غيار متوافرة
ثالثا: بيجو205 وستروينax في نفس الترتيب بس الستروين قطع غيارها أقل ونادرة
الموديلات التانية كويسة بس قدمت اوي
برضه احب اضيف لسيادتك حاجة فكر فيها ألا وهي هوندا أكورد الثمانينات (قديمة برضه) بس عربية حلوة جدا لو لاقيت حالة كويسة

ريجاتا قطع غيارها متوافرة ورخيصة وشكلها كويس واهم حاجة ان منها مكيف التكييف ده نعمة فى الصيف

131 او 323

شكرا لكل الاخوة الافاضل على ترشيحاتهم انا شايف الاغلبية بيميلوا لل 131 لو فى ترشيح عربية معينة قدام حضراتكم تكون حالة كويسة اكون شاكر جدا