سمارا vs ألتو vs كيا سايبا
السلام عليكم
انا معايا فى حدود 30 الف
و عايز عربية فى الحدود دى او لو ازيد شوية مش مشكلة ، لكن برضه كل ما كانت أقل فى السعر كل ما كانت احسن
اهم حاجة تكييف شديد
و عزل كويس
الموديل حديث يعنى بعد 2001
علشان متكونش استهلكت أوى ، لأنى بصراحة مش فاضى خاااااااالص اقف عند ميكانيكية ولا عفشجية يعنى عايز عربية اركبها و انساها
قطع غيار رخيصة
تكون ثباتها كويس
و سألت لاقيت دول اللى فى الرنج بتاعى :
كيا سايبا ( مو 2004 لــــ 2006 ) ( لكن البرايد مشكلتها ان كل موديلاتها آخرها 2001 )
سوزوكى التو ( مو 2004 لــــ 2006 )
لادا سمارا ( مو 2004 لــــ 2006 )
طبعا الصينى كله مش فى دماغى
و الشاهين مقفول منها كشكل ! ( مشكلة نفسية
و طبعا الماروتى كذلك مش عملية بالنسبة لى
و طبعا فكرة انى احطهم كمقدم لزيرو مرفوضة تماما برضه
بس انا مستريح اوى للسمارا حاسس ان هى دى اللى فيها كل حاجة انا عايزها ، و اظن ان هى ارخصهم سعرا
بس بصراحة أى حد اسأله يرشحلى الالتو
فانتم ايه رأيكم ؟؟؟؟؟؟؟؟؟ ترشحولى ايه منهم ؟
