الموضوع: السيارات الملاكي الديزل

السلام عليكم ورحمة الله وبركاته
كثير من الناس ﻻ يعرف ان معظم انواع السيارات الملاكي اقل 3.5 طن بينزل منها ديزل و بنزين
وفي اوربا معظم السيارات ديزل وانا معايا وحدة ديزل رغم اننا بنعيش في جو شديدة البرودة لكن هنطرح الموضوع للستفادة العامة و خلال تجربتي و شغلي فيهم ( شغلي متخصص صيانة الدبرياج للسيارات الديزل و البنزين العادة و الاتوماتيك و السيارات الرياضية )
مميزات المحركات الديزل
1 كمحرك من اقوي المحركات من حيث خامات التصنيع و الاداء
2 قوة عزم المحرك الديزل اكثر بكثير من البنزين يعني محرك الديزل يتحمل الشغل الشاق و لذلك تجدونه في اﻻتوبيسات و السيارات النقل و المعدات الثقيلة
3 محرك الديزل ليس له شمعات احتراق يعني مفيش بوجهات مشاكل الكهربة الموجودة في محرك البنزين
4 عمر محرك الديزل اكثر بكثير جدا من عمر المحرك البنزين من حيث العمرات و اﻻعطال و قرف المكانيكية وحمريتهم
5 توفير الوقود و ده موضوع كبير و متشابك لكن بشكل عام نقدر نقول ان محرك الديزل ييتميز ب
ا- المحرك الديزل استهلاكة اقل من محرك البنزين لانه ابطئ في عدد دوران المحرك علي سبيل المثال سيارة ديزل سعة 2200 سي سي 110 كيلو وات تستهلك مثل سيارة 1300 بنزين من ناحية المصروف اي الفلوس لكن مع فارق انك في السيارة الديزل راكب عربية 2.2 لتر يعني سيارة قوية طول وعرض و امكانيات
مثلا السيارة 2200 تستهلك علي الطريق من 4.9 الي 5.1 علي سرعة 100 ك/س ولو بتمشي علي السرعات اﻻقتصادية و التي هي من 86 الي 96 كيلو/ساعة هتستهلك من 3.5 الي 4.1 لتر و في المدينة اﻻستهلاك اكيد هيزيد بزيادة من 2 الي 3 لتر حسب الطريق زحمة وﻻ سالك
ب- التوفير من حيث سعر الديزل اقل سعر البنزين
ج- حرق المحرك الديزل للديزل اقل من حرق المحرك البنزين للبنزين
د- التصميم العام للسيارة من حيث ارتفاع .عرض .الوزن شكل التصميم له عامل كبير في استهلاك كمية الوقود بمعني سيارة كبيرة لحد ما و فيها محرك 1600 سي سي هنا السيارة مش هتكون موفقة و اعطال المحرك كتيرة و المحرك يسخن لكن هناك سيارات موفقة يعني سعة المحرك متناسبة مع حجم و وزن و تصمميم السيارة فتصبح السيارة موفقة و اعطالها قليلة و محركها مرتاح و استهلاكه اقل للوقود و لنفسه
هنضرب مثال فعلي مثلا هناك سيارة رينو ﻻجونا هيتش باك موديل 2004 مصنع رينو مصمم منها نسختين اﻻولى بسعة محركها 2.2 لتر اي 2200 و الثانية 1900 سي سي ديزل تجد ان السيارة 1900 موفقة اكثر واعطالها قليلة وتجد فارق من حيث السيارة الشدة و السرعة من ال 2.2 لتر
نفس المقارنة علي نفس السيارة لكن موديل اليونيفرسال تجد المحرك 2.2 لتر احسن اداء من مثيلتها 1.9 لتر و دة مش كلامي الشخصي فقط لكن اراء مستخدمين السيارات حتي تجد الغير مرغوبة اقل في السعر بمراحل
و دة موجود في مصر تلاقي نوع من السيارات ناس كتير تشكر فيها يرجع دة ﻻنها سيارة موفقة
ه- من اهم واخطر الاسباب لتوفير واستهلاك الوقود سواء للسيارات الديزل و البنزين ( الدبرياج ) وعدم معرفة ملاك السيارات عيوب الدبرياج و اهمية للمحرك و اداء السيارة
6- مودﻻت السيارات الديزل من 2002 و بعد ادخال تعديلات علي الديبرياج و خاصة dual mass flywheel يعني مراية ترس الفلام اصبحت علي سيستم جديد يعني اصبح بها سوست و رومون بلي و شحم و ده ﻻمتصاص خشونة المحرك الديزل بالفتيس و بالتالي صوت السيارة الديزل اصبح انعم بكثير و كذلك بعض التعديلات علي المحرك نفسه لتقليل صوته لدرجة ساعات اشوف سيارات من نعومة صوتها معرفش انها بنزين وﻻ ديزل و بعض السيارات ملهاش صوت و متقدرش تفرق انها شغالة وﻻ بطاله زي مثلا الاودي و الرينو النسيان فولكس فاجن الجديدة
7- من خلال تجربتي القيادة عالديزل تجده اكثر سلاسة و نعومة و اكثر راحة و خاصة القيادة للمسافات الطويل مع تشغيل خاصية الطيار اﻻلي
8 - السيارات الديزل تبدا محركاتها العملية من 1000 سي سي الحديثة يعني ممكن تفول التنك و تمشي بيها تنسي امتي اخر مرة فولتها من وفرها
9- قطع غيارها هنا رخيصة بس من السيارات المدبوحة اي قطع غيار مستعملة
10- الصيانة طول ما انت مثقف نفسك عن سيارتك ايا كانت واديك فيها و مخلي بالك منها يعني نظافة مية فلاتر.زيت .سيور. البطارية.دبرياج و القيادة برحمة و عدم الضغط علي الغيارات و القيادة بسرعات متوسطة ....الخ مش هتحتاج كل شوية ميكانيكي
11- نصائح لملاك السيارات خاصة المشتري سيارة مستعملة
1- تغيير جميع السيور زي سير الكاتينة و سير الدينمو افحص الاولسيهات او غيرها .ضغط اﻻطارات.الزيت افحص زيت الفتيس يعني جميع الزيوت
2 - افحص جيدا الدبرياج ﻻنه من اﻻسباب الرئيسية في استهلاك وقود اكثر من الطبيعي (مهم جدا )
3 - فحص سينسور الهوا و العادم و تنظيفهم بحرص مع احكام ربطهم بعض النظافة
4 لو مضطر تغير بطارية غيرها بزيادة في اﻻمبير ﻻ تقل 25% زيادة يعني القديمة لو كانت 75 امبير .a 650 قوة البدا غيرها ل 100 امبير بقوة دفع 1000a.هيقابلك مشكلة انك محتاج مكان اكبر للبطارية الجديدة خلي سمكري سيارات يظبطلك مكان للجديدة ( هاااااام جد )

4 فحص طبعا العفشة و الزوايا و الكﻻم اللي كلكم عارفينه
ارجو قد افتكم بمعلومة جديدة
في رعاية الله

موضوع شيق..شكرااااااااا