الموضوع: معدل استهلاك البنزين في الجين والبرسونا

أولا .. انت بتحط بنزين نوعه إيه؟؟ 80 ولا 92 ... لأن 80 ما ينفعش خالص للعربية ولا تفويلة كاملة ولا ربع تفويلة حتى

ثانيا هل غيرت البوجيهات وفلتر الهواء ونضفت الرشاشات وغيرت الزيوت والسوائل المطلوب تغييرها من موتور وفتيس وفرامل ومياه رادياتير أول ما اشتريت العربية

وهل ضغط هواء الكاوتش مضبوط

كل نقطة من النقط اللى انا ذكرتها دي عليها عامل كبير في استهلاك البنزين

...

أخيرا ما ينفعش تقيس استهلاك البنزين جوة المدينة .. لازم يكون على طريق مفتوح عشان تكون متأكد من إن كل نقطة بنزين كانت العربية ماشية بيها

لأنك لو واقف في إشارة ... كدة العربية بتستهلك بنزين برضه بس انت مش ماشي أصلا يبقى هاتحسبه إزاي لو وقفت مرة نص ساعة ومرة ربع ساعة ومرة 10 دقائق وهكذا

ومتنساش كمان تغير البوجيهات لو ما كنتش غيرتها ... 30 ألف كتير جدا عليها وعليها عامل أساسي في استهلاك الوقود

وما قلتش الرشاشات إيه أخبارها ... على الأقل تستعمل منظف دورة الوقود نوع نضيف مرة كل 10000 ... ومنظف الإنجكشن مرة كل 5000

وكمان لاحظ إنك لو متعود تطلع بالعربية جامد ودوسة رجلك قوية على دواسة البنزين برضه ده عليه عامل كبير في استهلاك البنزين .. لازم تخلي رجلك برضه خفيفة في الطلعة بحيث العربية تطلع بهدوووووووء

على فكرة استهلاك العربيات عندنا فى مواتير الكامبرو مع الفتيس الاتو بيكون مختلف شوية
هو المفروض بيكون حسب طريقة القيادة
يعني لو قرصت على العربية الكمبيوتر بيتبرمج انه يدي اداء رياضي وبالتالي استهلاك اعلي
الاختلاف اللى انا حاسس بيه
انه بيفضل اداءه رياضي حتي ولو هديت وسوقت بالراحة بحس انه مش بيرجع يبرمج نفسه انه يهدي ، يعني بحس انه بيعلي بالاداء ويأخر النقلات وبالتالي الاستهلاك يعلي لكن مش بيرجع ينزله ويهدي تاني

ودة يمكن سبب ان أداء الفتيس الأوتو عندنا قريب اوي من أداء المانيول فى حالة التسارع المفاجئ.

المهم حل الموضوع دة انك لازم تفصل البطارية وتعمل لل ecu رسيت وتبدأ تسوق هادي من بداية الطلعة لحد ما توصل لسرعة الطريق بالراحة بدون حرق علشان تعيد برمجته
وانت بتفصل البطارية تشيل السالب الاول وبعدين الموجب والتركيب بالعكس الموجب الاول وبعدين السالب

الاستهلاك هيظبط بس لو رجعت حرقت تاني وكيك داون وكدة هتحتاج تعمل الموضوع دة تاني علشان الاستهلاك يرجع يظبط.
على فكرة مش متأكد من ان كلامي موثق علميا بس دة شئ حاسس بيه بناء على التجربه طبعا.
وأظن دكتور أيمن او الاستاذ المترجم كان لهم تجربه مماثله.


دة طبعا بالاضافة لما تقدم من نصائح الاعضاء الكرام.

المشاركة الأصلية كتبت بواسطة al-farooq

على فكرة استهلاك العربيات عندنا فى مواتير الكامبرو مع الفتيس الاتو بيكون مختلف شوية
هو المفروض بيكون حسب طريقة القيادة
يعني لو قرصت على العربية الكمبيوتر بيتبرمج انه يدي اداء رياضي وبالتالي استهلاك اعلي
الاختلاف اللى انا حاسس بيه
انه بيفضل اداءه رياضي حتي ولو هديت وسوقت بالراحة بحس انه مش بيرجع يبرمج نفسه انه يهدي ، يعني بحس انه بيعلي بالاداء ويأخر النقلات وبالتالي الاستهلاك يعلي لكن مش بيرجع ينزله ويهدي تاني

ودة يمكن سبب ان أداء الفتيس الأوتو عندنا قريب اوي من أداء المانيول فى حالة التسارع المفاجئ.

المهم حل الموضوع دة انك لازم تفصل البطارية وتعمل لل ecu رسيت وتبدأ تسوق هادي من بداية الطلعة لحد ما توصل لسرعة الطريق بالراحة بدون حرق علشان تعيد برمجته
وانت بتفصل البطارية تشيل السالب الاول وبعدين الموجب والتركيب بالعكس الموجب الاول وبعدين السالب

الاستهلاك هيظبط بس لو رجعت حرقت تاني وكيك داون وكدة هتحتاج تعمل الموضوع دة تاني علشان الاستهلاك يرجع يظبط.
على فكرة مش متأكد من ان كلامي موثق علميا بس دة شئ حاسس بيه بناء على التجربه طبعا.
وأظن دكتور أيمن او الاستاذ المترجم كان لهم تجربه مماثله.


دة طبعا بالاضافة لما تقدم من نصائح الاعضاء الكرام.

فعلا أنا جربت الموضوع ده 3 مرات ... عموما اتعودت إني أعمل ريسيت للكمبيوتر كل 5000 كيلو

مع الحرق والشد ... أو المشي كتير في وسط البلد ... الإثنين زي بعض الاستهلاك بيزيد جدا بيوصل لـ 170 - 190 ك/20لتر ... ولما بصفر عداد الاستهلاك في الكمبيوتر بيرجع يعمل تاني 210 - 220 ك/20لتر