الموضوع: تلف ماستر الفرامل

المشاركة الأصلية كتبت بواسطة bassem.naguib

بتلاقي دواسة الدبرياج بتتشفط لتحت ومبتردش لفوق تاني إلا لو زقيتها بوش رجلك لفوق .. ونصيحة لو حصل كدة غيرها بواحدة متسوبيشي على طول بناء على تجارب الأعضاء وخبراتهم مع العربية .

انا مش قادر افهم بصراحة قصدك ايه يا حاج باسم
دواسة الدبرياج ايه علاقتها بماستر الفرامل .
اللى انا اعرفه لما دواسة الفرامل مشوارها يطول فجاة لما تدوس عليها وبعدين لما تكارك لها يقصر يبقى هو ده اعراض تلف ماستر الفرامل لكن الدبرياج ايه دخله وعلى كل الدبرياج عندى تقيل لكن الدواسة مش بتتشفط خالص

المشاركة الأصلية كتبت بواسطة حمدى الفنى

الاعراض كالاتى للاعضاء ملاك بى واى دى كلهم انك تلاقى بدال الفرامل بيمسك بس بيهرب من تحت رجلك ده فحالة ان جميع المساتر الخاصة بالعجل سليمة انك تلاقيه واطى وكل شوية تاخدلو هوا ومعنا انك تكارك يعلى ده معناه انو داخلو هوا من الجلد او خزنة الزيت فاضية وخزنة الزيت بتفضى فحالتين اما الدبرياج بيهرب زيت لانو بياخد زيت من نفس خزنة الفرامل او جلد ماستر الفرامل وحش بياخد هوا من برة الماستر او بيوقع الزيت داخل السرفو ويفضيه من الخزنة او فيه تاكل فشميز الماستر نفسو والبى واى دى مفهاش حاجة اسمها رجلش فرامل غير فاليد فقط عشان تيل الفرامل كلو على طنابير سكينة على حسب مسميات المهنة اما فرامل اليد تيلها معزول تماما عن فرامل العربية الرائيسى وشكرا

ازيك يا كبير عامل ايه ؟
مش بتظهر ليه فى المنتدى ؟
الموضوع شكله عاوز زيارة خصوصى فى اقرب وقت ان شاء الله

المشاركة الأصلية كتبت بواسطة bassem.naguib

معلش أنا فهمت غلط .. بس أعراض تلف ماستر الفرامل واحدة في أي عربية .. مشوار الدواسة بييبقى طويل لحد ما العجل يقفش .. بس ممكن تكون المساتر الفرعية هي السبب مش شرط يكون الماستر العمومي .
فعلا اعراض تلف الماستر واحدة فى اى عربية - لكن متهيالى لو ماستر فرعى بتاع العجلة هلاقى العربية بتحدف جامد وده لان فى عجل بيقفش وعجل تانى لا وده مش بيحصل معايا

أنا كان كلامي على ماستر الدبرياج .. معذرة على الفهم الخاطئ .. لأن كل المشاكل اللي ظهرت في المنتدى على ماستر الدبرياج مش ماستر الفرامل .

ياباشا ولا يهمك انا اصلا بتحصلى المشاكل الفريدة من نوعها والحمد لله