تجربتى ورساله من مهندس خالد اسماعيل لاعضاء سكودا نايل موتورز
السلام عليكم
باختصار انا كنت بشترى اوكتافيا 2008 هاى لاين واتفقنا على السعر وحددنا ميعاد للكشف على العربيه ومن البحث اخترت مركز صيانه م خالد مدينه نصر
طبعا وانا بتفرج على العربيه لوحدى العربيه وحش عربيه (دكر) بالمعنى السوقى والمشى جميل والتكييف تلاجه ، طيب يااستاذ حاتم هنكشف بكره ، وهنا الثقه العمياء لعبت دورها (مكان مانت عاوز تكشف اكشف براحتك):O_stupid[1]:
المهم اتقابلنا عند المهندس خالد وانا اللى رايح من سفر وصلت قبل الباشا اللى جاى من ارض الجولف
المهندس خالد الله يباركله فرز العربيه وكشف عليها كشف دقيق
والنتيجه ((ابعد عنها يامحمد)) العربيه واخده رزعه من قدام
والعفشه مرحله بسيط
والفتيس بيجيب زيت بسيط
والزجاج الامامى متغير واللى راكب مش اصلى
وكباس التكييف متغير وبردو اللى راكب مش اصلى (بس الصراحه التكييف كان تلاجه)
وشويه حاجات كده مش فاكرها
المهم حاسبته ومشيت وانا بقول الحمد لله انى مالبستش فى العربيه
رساله المهندس خالد اسماعيل
لاعضاء نايل موتورز
قسم سكودا
اى حد عاوز اى استشاره فى سكودا اوكتافيا يتصل بى (المهندس خالد ، مش انا) بس مايكونش فى وقت متأخر لغايه 9 مساء ، سواء عمل شغل عنده او عند غيره الراجل مش هيتأخر فى المشورة .
رقم مهندس خالد 01002970564
دى تجربتى ومعاها رساله المهندس خالد
والسلام عليكم ورحمه الله وبركاته