ما هو الزيت المناسب لفتيس استرا 1200 ؟
وماعلاج مشكله المصفحة اللى بتزن فى جسم العربيه كله . حطيت كاوتش لكن مش مانع الزنة بشكل كامل ...
وشكرا
عرض للطباعة
ما هو الزيت المناسب لفتيس استرا 1200 ؟
وماعلاج مشكله المصفحة اللى بتزن فى جسم العربيه كله . حطيت كاوتش لكن مش مانع الزنة بشكل كامل ...
وشكرا
يعنى انت و خالد ايمن تظهروا مع بعض
ولا سلام و لا كلام و لا اى حاجة
عربيتك ملهاش زيت يا عم
عمى :) ربنا يطمنا عليك ويوفقك يارب
انا قولت اكيد محدش فاكرنى هنا لا انا ولا خالد ولا عمده ولا سحس ..
ملهاش زيت !!.... ازاى اجدع
هى كده بلطجة
معنى ان المصفحة لامسة المكنة يبقى حاجتين
- المكنة هبطت بسبب القواعد
- المصفحة خدت خبطة جامدة ولوحتها لفوق وعايزة استعدال
ولو اني اشك اكتر في ان العربية محتاجة اربع قواعد , غير ليمفورد ماتجبش
في حاجة كمان مهمة جدا وهي ان ممكن الصوت ده يكون بسبب القنطرة. خلي عفشجي يبصلك عليها كدا
Sent from my HTC
فتيس المانيوال لزوجته 80/90 ممكن تشتري شيل العبوة الحمراء وممكن وولف بس وولف غالي اللتر ب 70 جنيه
معرفش الصراحة بحتاج كام لتر عشان مش هاعرف اشوف المانيوال دلوقتي
ومرحبا بعودتك يا نبيل بك. انت معروف ياباشا :)
Sent from my HTC
طالما حضرتك وصلت للقنطره يبقى لازم احكيلك الموضوع من اوله واعترفلك :flower4u:
العفشجى كان بيغير الاسكاترا واللى فهمته انه بيحل القنطره برده ولما خلص ورجع كل حاجة لمكانها وربط المصفحة ركبت العربيه وصعقت :bigeyes02:من الزن الى فيها بعد ماكان اى حد يركب يستعجب من نعومتها ..افتكرت انه كان بيرزع ويخبط جامد اثناء شغله تحت ..
روحت لعفشجى تانى حطينا كاوتش تحت مسامير المصفحة والصوت اختفى الى حد ما .. لكن مش راضينى برده ومش هتراضى الا لما الغى الزنه خالص لدرجة انى حاولت اشترى مصفحة استيراد ولكن للاسف مش بتيجى ابدااااا... مع العلم انك لما تبص بعينك تحت العربيه مفيش اى شئ غريب وكل حاجة فى مكانها ومربطه كويس والغريب ان المصفحة مش لامسه حاجة ابدااااااااااا...
بحط زيت اوتوماتيك وبصراحة بيخلى الفتيس حلاوة فى نقلاته ولكن الباشا قاللى كده غلط وعاوز يحط زيت 90
عزيزى المستمع .. احنا نيجى ايه جنبك .. انت الى معروف طبعا ودومت زخرا لقسم اوبل
العين ماتعلاش عن الحاجب ياريس
طالما اعترفت يبقى انت مش محتاج حد يجاوبك انت كنت محتاج حد يهون عليك ويقولك انت غلطان وشكك مش في محله :)
علىفكرة زيت الفابريكا اللي نزلته من عربيتي كان احمر واللي هو بتاع الاوتوماتك !
Sent from my HTC
طب حضرتك متأكد من إن الزنة مصدرها المصفحة؟؟
تاني حاجة بالنسبة لفيتيس المانيوال فأفضل زيت بالتجربة هو موبيل 75/90 اللتر كان 25ج.م تحفة ومحترم جدا
طب شور عليا يازعيم اعمل ايه ؟ شكى مش فى محله ازاى ؟
على فكره الفتيس مش بيظبط معايا الا ع الزيت الاحمر اللى بيكون خفيف
سيدى الرئيس .. انا حليت المصفحة فعلا ومشيت من غيرها ومكنش فى زنة خالص
بالنسبه للزيت يعنى ايه 75/90 ؟ :)