الموضوع: اخيراااا : شرح تركيب GPS Tracker بنفسك والأكواد الخاصة بالتشغيل

موضوع رائع

المشاركة الأصلية كتبت بواسطة عبدالله برعى

اولا طريقة التركيب
[img][/img]
1-توصيل الاطراف (الاحمر+)بموجب البطارية (الاسود_)بسالب البطارية وتوصلة مباشر بحيث لو فصلت الكونتاكت يفضل شغال
2-توصيل الطرف الابيض الخاص ب gps tracker بـــ acc
(بمعنى لو انت شغلت الكونتاكت ووصلت لمبة 12 فولت على الطرف اللى حتوصل علية مع الارضى اللمبة تنور ولما تفصل (الكونتاكتacc) اللمبة تفصل هو دا المقصود بالتوصيل .

3-توصل الطرف البرتقالى بكلكس السيارة او السرينة
4-توصل الاخضر لباب السيارة فى حالة لو كان الباب عندك -
5-توصل الازرق لو كان عندك الباب + اغلب السيارات بيبقى موجب
6- الابيض اللى خارج من ال relay توصلة بالموجب 12+
7-الاصفر اللى خارج من ال relay تعمل قطع لدايرة ال الطرمبة توصلة بالطرف المتجة لطرمبة البنزين والطرف الاحمر اللى خارج من الrelayتوصلة بالطرف التانى المقطوع من الطرمبة بس ناحية الموتور

كيفية التشغيل :.
1-تضع شريحة اتصال اى شبكة وتكون مشترك فى عرض رسايل لو بتحب التوفير
2- مسموح لخمسة ارقام فقط يالترخيص ليهم انهم يتحكمو فى الجهاز عن طريق الاكواد
3-تضع كارت ميكرو فى حالة لو اشارة المحمول مفيش بيسجل الاحداثيات فى الكارات وبعدين لما الشبكة تاجى يبعتهالك
4-يوضع فى مكان سرى فى السيارة

امكانيات الجهاز
1-برنة على الرقم حيبعتلك الاحداثيات على الرقم المسمح بية يعنى لو رنيت من اى رقم تانى مش حيبعت حاجة .
2-برنة واحد حيبعتلك الاتى
الباب مفتوح ولا مغلق
السيارة شغالة ولا لاء
الكهرباء الخاصة بالجهاز موصلة ولا شغال على البطارية بتاعتة
سرعة السيارة الحالية وقت ماترن علية
اشارة ال gps
اشارة gsm
سماع ما يدور بالسيارة لانة مدعم بميكرفون
[img][/img]
اكواد الجهاز
لايقاف السيارة stop

لحالة الجهاز check

لتحديد منطقة معينة بيحث لو خرجت منها السيارة يبعلك رسالة
area+password+space+latitude,longitude+space+arean ame,distancem
خط الطول ودايرة العرض للمنطقة اللى انت فيها + اسم المنطقة تسميها براحتك
m معناها متر ممكن تغيرها kيعنى كيلو متر بمعنى مثال
area123456 32.45565,45.767688aswan k20
area تكتبها زى ما هيا يعنى منطقة
123456كلمة السر انت بتحددها مسبقا
32.45565,45.767688خط الطول ودايرة العرض
aswan اسم المنطقة لانك بتحدد اكتر من منطقة تتحكم فيها
k20 معناها لو السيارة اتخطت 20 كيلو من المنطقة اللى انت محددها يبعتلك انذار على الموبايل
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ
تحديد سرعة السيارة اكتر من 80 كم\س يبعتلك انذار وممكن توقف السيارة
speed+password+space+080

معرفة السيارة شغالة ولا لاء
acc+password


لو وقفت السيارة وعايز تشغلها تانى

resume+password


لو عايز تشغل خاصية التصنت
nonitor+password

لو عايز ترجع تانى التتبع gps tracker
tracker+password

لو عايز الجهاز يبعتلك الاحداثيات كل 50 متر ما العربية تتحرك
distance+password 0050

لو عايز تكنسل موضوع ال 50 متر دا

“nofix+password

لو لا قدر الله وحصل حادث الجهاز يبعتلك الكود دا بالحداثيات المكان
accident! + latitude & longitude

دى اهم الاكواد الخاصة بالجهاز ومش حتحتاج غيرها
يوجد بالجهاز ريموت كنترول يستخدم فى الاتى
1-لو انت سايب العربية تحت البيت وعايز تشغل الجهاز انذار حدوس على رمز قفل مغلق معنى كدا انة لو حد فتح الباب او حد شغل السيارة الكلكس او السرينة حتشتغل على طول لحد ما تاجى حضرتك وتكنسل الصوت بالريموت ايضا
2-انت بتستخدم عربيتك وبتفتح الباب وبتشغل الكونتاكت فمش عايز رسايل ولا حاجة لا العربية معاك حدوس الزرار اللى فى الريموت رمز قفل مفتوح

نوع الجهاز k103b
ا

طب هل ده كفايه لو العربيه مش فيها امموبليزر ..يعنى انهى الاقوى من وجه نظر حضرتك ..

انا بفكر اجيب سيراتو بس مفهاش امموبليزر واجيب الجهاز ده ولا اجيب الامموبيليزر الاغلى ؟

المشاركة الأصلية كتبت بواسطة البراء بن مالك

طب هل ده كفايه لو العربيه مش فيها امموبليزر ..يعنى انهى الاقوى من وجه نظر حضرتك ..

انا بفكر اجيب سيراتو بس مفهاش امموبليزر واجيب الجهاز ده ولا اجيب الامموبيليزر الاغلى ؟

العربية لو مفهاش ايمبوليزر مفيش حل تانى غيره
اما الاقوى والاقتصادى الايمبوليزر لكن اغلب السيارات مفهاش ايمبوليزر ولو قارنت بين سعرة وسعر فرق سيارة فيها ايمبوليزر حتلاقى سعرة بسيط جدا

المشاركة الأصلية كتبت بواسطة عبدالله برعى

العربية لو مفهاش ايمبوليزر مفيش حل تانى غيره
اما الاقوى والاقتصادى الايمبوليزر لكن اغلب السيارات مفهاش ايمبوليزر ولو قارنت بين سعرة وسعر فرق سيارة فيها ايمبوليزر حتلاقى سعرة بسيط جدا

طب ده بيمنع سرقتها ولا مجرد بيعرفك العربيه فين لا قدر الله لو اتسرقت ؟

الحاجة التانيه هل العربيه الى فيها امموبليزر مستحيل تتسرق؟

معلش تاعبك معايا

المشاركة الأصلية كتبت بواسطة البراء بن مالك

طب ده بيمنع سرقتها ولا مجرد بيعرفك العربيه فين لا قدر الله لو اتسرقت ؟

الحاجة التانيه هل العربيه الى فيها امموبليزر مستحيل تتسرق؟

معلش تاعبك معايا

اولا
مفيش حاجة بتمنع السرقة100% ممكن الواحد عربيتة تتسرق قدامة ومش حيقدر يعمل حاجة

ثانيا
الجهاز ممكن يمنع سرقتها او يعطل السارق عن طريق مثلا لو راكن السيارة يوم او يومين ممكن تفصل الكهربا من طرمبة البنزين يعنى الحرامى لو تتوصل انة يشغل المارش والعربية كهربتها توصل فمش حتمشى خالص الا لما حضرتك تشغلها بالكود حتى لو شغلتها بالمفتاح مش حتشتغل
ثالثا
الايمبوليزر استحالة تتسرق الا فى 3 حالات
نفس مفتاح حضرتك المشفر ودا صعب
تغير وحدة الecu بو احدة جديدة وكونتاكت جديد ودا اصعب
يشيل العربية كلها وفى الحالة دى ال gpsيتفوق

اجيب الجهاز ده منين وانا من اﻻسكندريه

المشاركة الأصلية كتبت بواسطة Dentist800

اجيب الجهاز ده منين وانا من اﻻسكندريه

ممكن من سوق دوت كوم حيوصلك لحد البيت
دا الرابط بتاعه بس فيرجن TK 106
http://egypt.souq.com/eg-ar/gps-tracker-5343677/i/
نوع الجهاز اللى معايا TK103