الموضوع: خلاص هستلم ان شاء الله ارجو المساعدة ضروري جداااا

بسم الله الرحمن الرحيم

دلوقتي زي ما قلت انا رحت النهاردة المعرض وقلتلة علي العربيتين وقالي مينفعش احجز عربيتين و اتفقنا اني استني عربيتي تيجي بكرة علي تريلا ورحنا الفرع الرئيسي عشان ناخد رقم الشاسية و الموتور و الي حصل ان مدير الفرع قالي انا اسف بس التريلا لسة مكتلمتش ومش هقدر انزلك عربية واحدة بس علي تريلا وهتستني كمان قلتلة يادي النيلة قالي بس في واحدة من الي جم يوم الخميس ماشيين متاحة تحب تشوفها قلتلها اة رحنا شفناها وركبتها كل حاجة تمام وعاينتها كويس بس للاسف الكاسيت فاصل كهرباء خااااااالص وباقي العربية تمام وبعدين قالي تعالي نعاين العربية التانية قلتلة ماشي عاينتها لاقيت فيها عيوب تقفيل ؟؟؟!!!
الفتيس راكب معووج تخيلو ؟؟ انا قلت ممكن العصاية راكبة بس معووجة شوية لاكني بصيت علي مخدع اليد لاقيتة لازق في الكرسي اليمين وفية مسافة كبيرة عن كرسي السائق قلتلة يا استاذ احمد الي هوة مدير الفرع قلتلة في عيب تقفيل هنا قالي بصراحة انا مش واخد بالي لاني برة العربية لاكن انت ادري لان العربية كانت مزنوقة اوي في المخزن وانا دخلتها بالعافية نزلت ركبت العربية الاولي ولاقيت الفتيس في النص تمام و المخدع في النص تمام قلتلة شفت دة الفرق قالي خلاص نشوفلك دي ومعا العلم العربيتين دورتهم وفي عضة بسيطة في التالت و الرابع اوقات ودة طبيعي في الجيلي للاسف المهم رحنا الفرع وقال لمدير الفروع بقي اني عاوز العربية دي قالة لا دي محجوزة خلية يشوف التانية قالة لا العميل عاوز دي ومينفعش اقلة لا قام قايلة خلاص اتصل بالمعرض الي حاجزها وشوف هيقلك اية قام احمد متصل بالمعرض التاني قالة مفيش مشاكل وهياخد هوة التانية و هاخد انا العربية الي الكاسيت فيها فاصل بس باقي العربية تمام وقلت مش مشكلة حصلت معا واحد قبل كدة في جروب العربية علي الفيس وكان الفيوز مهوي شوية واول ما استلم هطلع علي ايجي اوتو الي عندنا مركز خدمة اخلية يوصلة و العربية ماشية 131 كيلو و التانية الي رفضتها وفيها عيوب تقفيل 152 كيلو
علي فكرة استاذ احمد دعباس رئيس الفرع شخصية محترمة جدا وساعدني جدا كفاية انة كان في وقت الراحة بتاعة ومروحش ولا قالي تعالي الساعة 7 وجة معايا المخزن كذا مرة وكان بيساعدني علي قد ما يقدر وانا سعيد اني كسبت صداقة شخصية محترمة زية قبل ما اشتري العربية من الشركة الي هوة شغال فيها وانا قلت كدة عشان الراجل يستاهل الاشادة ويستاهل كل خير ...
ها رايكم اية انا كدة عملت الصح ولا لا وهل موضوع الكاسيت دة مشكلة ولا عادي بسيطة مادام حاجة تتحل ؟؟؟
مستني الردود بفاااااااااااااارغ الصبر