دلوقتي عشان الدنيا تبقي واضحة ليك,,
التكة اللي عندك وأنت بتنقل الغيار للD,
(1)لو جاية من قدام هيبقي سببها هوا نفسه سبب الطقة اللي بتسمعها من العفشة علي أي مطب,,,
وهيبقي علاجها إن العفشة عندك عايزة تتربط لأن كدا العفشة مش متربطة كويس
وهما بيعملو دا مجاناً في صيانة ال ٢٥٠٠ بس ممكن تروح قبلها لو الصوت مضايقك ومش طبيعي.
(2)أما لو الصوت جاي من عصاية الفتيس فادا الصوت الطبيعي للفتيس وأنت بتنقل الغيارات,,
لأن الفتيس مفهوش زرار تضغط عليه زي الياباني والكوري,, وهيبقي فيه الصوت دا عشان تحس بنقلة الغيارات.
فا ركز في الصوت كدا وشوفه جاي منين بالظبط,,
وكدا كدا لما تربط عفشة العربية هتختلف كتير,
بالنسبة لل reverse الفرنساوي كله فيه delay حوالي ثانية لما بتديه R لان مفيش عندك زرار تضغط عليه وأنت بتختار ال R زي الكوري والياباني,
والتأخير ثانية دا الفتيس بيتأكد فيه إن العربية واقفة زيرو علي الأرض لان العربية لو بتتحرك لقدام بسرعة ولو متوسطة مش هياخد ال R علي عكس باقي الفتيس الأوتو ممكن ياخد R بالغلط وهيا العربية بتتحرك لقدام والتروس هتلف عكس بعضها وممكن تتكسر,
تسريب الزيت حوالين مسامير غطاء الموتور طبعاً مش طبيعي,, بس أنت أتاكدت الأول هوا تسريب ولا تعريق ؟؟
لأن التعريق طبيعي ومفهوش ضرر علي الموتور, ولو مسحت بأيديك علي المكان دا اللي فيه المسامير مش هيكون فيه زيت سايل يطلع في أيديك,,
المهم بالنسبة لك أنك تكشف علي مقياس الزيت وتشوف هوا ما بين العلامتين min و max ولا لأ,
لو الزيت ما بين العلامتين,, يبقي أنت معندكش مشاكل, وتبقي تعمل حمام فوم للموتور عشان التعريق دا ممكن يكون من شحن العربية.
المهم أنت أبقي خليهم يبصو عليها برضه في صيانة ال 2500 أو أقرب وقت تروح لهم فيه,
وتشوف هيقولو لك أيه, وأبقي عرفنا عملت أيه.