لانسر بومة - بيجو 307 - سيتروين c4
معايا لانسر بومة 1600 موديل 2005 أوتو
زهقت منها و عايز أغير بس مش عايز أدفع فرق سعر كبير .. يعني يادوب 5000 حاجة زي كده
أنا عربيتي كمان مجنطها و مركبها مرايات ضم و وحدات رفع و فرش جلد و مهتم بيها فممكن تجيبلي سعر مش بطال ..
في رينج السعر ده اللي موجود من العربيات المحترمه :
نيسان صني
بيجو 307
سيتروين c4
ميجان
جراند بونتو
فورد فوكاس 2007
الصني الفرق بينها و بين اللانسر مش كبير .. و الميجان أعطالها كتير و صياناتها رخمه جدا ، و زيها الفورد فوكس ماحدش بيفهم فيها غير التوكيل ، و البونتو توكيلها زفت و قطع غيار برضه نار ......... و انا زمان كنت ركبت البيجو 307 يومين كده و كنت بعشقها
طيب إيه رأيكم ؟؟
هل فيه اختيارات في نفس رينج السعر كويسه و تكون عمليه و اعتمادية غير اللي قولته ؟؟
طيب في اللي قولته حد عنده تعليق يختلف معايا فيه ؟؟؟ و لاحظوا إني من طنطا و مش هسافر القاهرة علشان كل كبيرة و صغيره في عربيتي !!
- أهم حاجة تكون حاجة عملية :D