من باب ادي العيش لخبازه ...طلب مشورة عاجلة

السلام عليكم ورحمة الله وبركاته
الموضوع باختصار، إن في صديق بيشتري عربية أوكتافيا a5 موديل 2008 هاي لاين خليجي (فتحة مثبت فرش جلد ....)
وحسب وصفه : العربية تشوفها كأنها لسه زيرو وهي عاملة 66 ألف كم، صاحبها راجل أمين جدًا في عرض الحالة ، العربية راشة كلها من بره والسقف بدون معجون علشان توحيد درجة اللون، وكان فيها خابطة في الرفرف الأمامي يمين، الجزء اللي بيتركب في الرفرف من داخل الحوض (جزء صغير) راشش ومعمول فيه شغل باحترافية شديدة مش باين نهائي ..الخبطة لم تؤثر على أداء العربية إطلاقًا ولا في عفشتها..
السؤال دلوقتي: الراجل طالب 110 ألف، بيقول علشان الخبطة دي والطبيعي إن تمنها على الأقل 130 ألف ..فهل السعر دا مناسب وهل العربية كده تبقى سليمة ولا معيوبة، أنا اديت صحبي رأيي بس لأني مركبتش أوكتافيا قبل كده فقلت أستشير حضراتكم..وشكرًا على النصيحة مقدمًا
ملحوظة العربية كل شيء فيها شغال بكفاءة ، ماعدا السي دي بيعلق بس

لا السعر كتير طبعا
أولا : 130 الف ده سعر 2010 و 2011
ثانيا : العربية معمول فيها شغل كتير من رش وسمكرة وبالذات الجزء الداخلي اللي بيركب فيه الرفرف فده معناه انها خدت خبطة محترمة وطالما معمولة صح وبأحترافية علي كلامك فمفيش مشكلة
لكن لازم تحط في دماغك انك يوم متيجي تبيعها اللي انت رضيت بيه غيرك مش حيرضي بيه
يعني حيقولك ده جزء من الدواخل مرشوش وكده

فخلاصة الكلام لو العربية عجباك ومش من النوع اللي بيعد يغير ويبيع كل شوية وحالتها كويسة يبقي مفيش مشكلة بس السعر غالي
ده رأي والله أعلم وانتظر رأي باقي الآعضاء

اقتباس:

---

المشاركة الأصلية كتبت بواسطة amr_azab

لا السعر كتير طبعا
أولا : 130 الف ده سعر 2010 و 2011

---

شكرًا على الرد..والحقيقة دا رأيي اللي قولته لصاحبي، ولكن هل حضرتك متأكد إن 130 دا سعر 2010 و 2011 ؟ لأني بشوف الموديلين دول بيتكلموا في مبالغ "هلامية"؟
من ناحية تانية لو العربية بالوضعية اللي أنا شرحتها دي يبقى السعر العادل بتاعها كام؟

اقتباس:

---

المشاركة الأصلية كتبت بواسطة وائل عطية

شكرًا على الرد..والحقيقة دا رأيي اللي قولته لصاحبي، ولكن هل حضرتك متأكد إن 130 دا سعر 2010 و 2011 ؟ لأني بشوف الموديلين دول بيتكلموا في مبالغ "هلامية"؟
من ناحية تانية لو العربية بالوضعية اللي أنا شرحتها دي يبقى السعر العادل بتاعها كام؟

---

كانت قدامي واحده فانتازيا 2010 حالتها زي الف علي 135
كل واحد بيطلب اللي هو عايزه يكش يطلب 500 بس اهم حاجة سعر السوق كام

علي ما أعتقد العربية لو كلها ممتازة ماعدا موضوع الكاسيت والرش الداخلي للرفرف
فممكن تعمل 100 اخرها وبرده ده حيبقي كلام السوق معأن طالما العربية ماشية كويس وبحالتها خلاص بس للآسف احنا مرتبطين بالسوق

وبرده انتظر رد باقي الآعضاء لاني مش متابع اسعار السوق أوي

السلام عليكم ... بص يا باشا سعرها كده كويس بس النقطه زي ما استاذ عمرو قالك ممكن غيرك ميرضاش باللي انتا رضيت بيه ... يعني هتقابلك مشاكل فى اعاده البيع .. انا رأيي تسيبك منها خصوصا انها راشه حاجات كتير .. بس لو نويت عليها انشاء الله ضروري لازم تكشف عليها من حيث الموتور والعفشه .

اقتباس:

---

المشاركة الأصلية كتبت بواسطة وائل عطية

الجزء اللي بيتركب في الرفرف من داخل الحوض (جزء صغير) راشش

---

:dontudear:

شكرًا للردود ..
بس المطلوب معرفته هل لو السعر قل شوية مقابل أثر الخبطة اللي فيها اللي مش مؤثرة بالفعل، يبقى برده غلط لو تم التخليص فيها ؟ العربية بالفعل حالة ممتازة جدًا

المشكلة ان السوق بتاعنا ده ليه تحكمات غريبة
يعني بره مثلا ممكن تلاقيه رش العربية بره وجوه وعمل فيها تعديلات بألاف الدولارات ولو باعها تجيبلوا الكلام ده كله عادي جدا
لكن عندنا لو حطيت مسمار غير اللي فيها حتي لو كان أحسن ومش مأثر في العربية بل بالعكس ممكن يكون خلاها أفضل لما تيجي تبيعها يقولك لا ياعم دي ملعوب فيها وشكلها عاملة حادثة يا عم يرضيك يرضيك
ابدا هي بقت عاملة حادثة خلاص وحتي لو اتصلحت وزي الفل برده خلاص لازم سعرها ينزل الاف
فلو حضرتك عجباك العربية ومش بتغير بأستمرار يبقي توكل علي الله وخلص فيها و تبقي راكب عربية كويسة وعجباك ويسيبك من الناس
لكن لو بتغير كل شوية يبقي لازم تعرف انك ساعتها حتخسر فيها ويبقي بلاش وتشوف حاجة تانية افضل

خبطه ذى اللى حضرتك بتقول عليها وسمعت جوه فى الفجوه اللى معمول فيها شغل باحتراف اكيد العربيه خزنت فى السقف ده اكيد وان العربيه كمان بفتحه سقف ده بيضعف السقف شويه فاكيد فتحت ايرباج وغيرت طابلوهومن ناحيه رش العربيه بالسقف ده يرجح توقعى اصل حكايه ظبط اللون دى سهله جدا لو العربيه رشت حزام مفيش مشكله
المشكله بقى ان العربيات دى بالذات بتكون صعبه اوى فى البيع لو هى راشه وبعدين هى مش فرصه قوى علشان يتمسك بيها فيها عربيات كتير بس محتاجه وقت ومجهود وفعلا توبها لو فبريكه وعربيه صح 130

اولا سعر العربيه ١١٠ اعتقد سعر جيد الي حد ما وان كان المفروض ينزل حوالي ١٠٠٠٠ جم لوجود الرش في الحوض وفي هذه الحاله زي ما الأخوه تفضلوا سابقا تعتبر العربيه معيوبه في ظل سياسات البيع في السوق المصري

اقتباس:

---

المشاركة الأصلية كتبت بواسطة طارق _عبد السلام

خبطه ذى اللى حضرتك بتقول عليها وسمعت جوه فى الفجوه اللى معمول فيها شغل باحتراف اكيد العربيه خزنت فى السقف ده اكيد وان العربيه كمان بفتحه سقف ده بيضعف السقف شويه فاكيد فتحت ايرباج وغيرت طابلوهومن ناحيه رش العربيه بالسقف ده يرجح توقعى 130

---

أنا اتصلت بصديقي وهو أكد حسب كلام صاحب العربية إن الخبطة ما جتش ناحية السقف ولا القوايم نهائيًا، هو بس السلاح الصغير اللي بيتربط فيه الرفرف، والعربية ماغيرتش أي حاجة إطلاقًا داخل الحوض، والراجل بيقول أتحاسب لو كان فيها غير كده.

اقتباس:

---

المشاركة الأصلية كتبت بواسطة وائل عطية

أنا اتصلت بصديقي وهو أكد حسب كلام صاحب العربية إن الخبطة ما جتش ناحية السقف ولا القوايم نهائيًا، هو بس السلاح الصغير اللي بيتربط فيه الرفرف، والعربية ماغيرتش أي حاجة إطلاقًا داخل الحوض، والراجل بيقول أتحاسب لو كان فيها غير كده.

---

شكل صديقك كده تقريبا مقتنع تماما بالعربيه
واهم حاجه فى شراء العربيه القبول النفسى وده متوفر اكيد
لكن احنا حضرتك تقريبا بنفكر مع بعض بصوت عالى
يعنى خبطه وصلت لدواخل العربيه اكيد خبطه جامده ومن ناحيه اليمين يعنى فتحت الايرباج اليمين يعنى طابلوه اتغير لاااااااااااااازم لان لو هى ناحيه السواق ايرباج الدريكسيون ممكن يفتح لوحده يبقى تغيير كبسوله الدريكسيون فقط
تانى حاجه العربيه اخدت خبطه فى رفرف فقط (ركز على رفرف)
المفروض لو هى كانت فبريكه بيندق على البارد وتمشى عربيات كتير ماشيه فيها دق ع البارد
او اضعف الايمان يشترى رفرف استعمال بلون العربيه او رفرف ويرشه لون العربيه (لان حضرتك بتقول فيها شغل باحترافيه)
لكن علشان رفرف ارش العربيه والسقف دى حاجه ماتطمنش بس مش اكتر

اقتباس:

---

المشاركة الأصلية كتبت بواسطة طارق _عبد السلام

شكل صديقك كده تقريبا مقتنع تماما بالعربيه
واهم حاجه فى شراء العربيه القبول النفسى وده متوفر اكيد
لكن احنا حضرتك تقريبا بنفكر مع بعض بصوت عالى
يعنى خبطه وصلت لدواخل العربيه اكيد خبطه جامده ومن ناحيه اليمين يعنى فتحت الايرباج اليمين يعنى طابلوه اتغير لاااااااااااااازم لان لو هى ناحيه السواق ايرباج الدريكسيون ممكن يفتح لوحده يبقى تغيير كبسوله الدريكسيون فقط
تانى حاجه العربيه اخدت خبطه فى رفرف فقط (ركز على رفرف)
المفروض لو هى كانت فبريكه بيندق على البارد وتمشى عربيات كتير ماشيه فيها دق ع البارد
او اضعف الايمان يشترى رفرف استعمال بلون العربيه او رفرف ويرشه لون العربيه (لان حضرتك بتقول فيها شغل باحترافيه)
لكن علشان رفرف ارش العربيه والسقف دى حاجه ماتطمنش بس مش اكتر

---

كلام حضرتك يا أستاذ طارق مظبوط هو شبه مقتنع بس عايز حد يقوله ماشي وأنا قولتله كل الكلام اللي حضراتكم قولتوه واديتله لينك الموضوع يخش يقرأ بنفسه...بس هو بيأكد إن العربية ما ضربتش إيرباج والتابلوه ماتغيرش وهو تابلوه الفابريقة...عمومًا الله المستعان وربنا يرزقنا جميعًا الخير.