الموضوع: مشكله فى الميراث ارجو النصيحه

المشاركة الأصلية كتبت بواسطة ahmed12345678

الحيازة هى عبارة عن بطاقة حيازة زراعية تصرف من الجمعية التعاونية ومن خلالها تصرف الاسمدة من الجمعية
والحيازة وان كانت ليست سند للملكية الا انها تعبير عن واضع اليد على الارض لانها تصرف اما للمالك الذى يزرع ارضة او للمستاجر او للمنتفع
والحائز الذى ليس مالكا للارض لا يستطيع ايقاف بيع الارض ولكن الذى يحدث فى الواقع هو انه يرفض المشترى غالبا شراء الارض الزراعية التى لا يستطيع البائع نقل الحيازة له

بالبلدى كدة الحيازة هى عنوان ملكيتك وسيطرتك على الارض

تسلم يا باشا ربنا يخليك معنى كدا ان لازم اكتب فى العقد نقل الحيازه دا وانقل الحيازه على طول ان شاء الله

المشاركة الأصلية كتبت بواسطة alshahba

توكل علي الله واستشير محامي محنك وفاهم جيدا فى موضوع الاراضي ونقل الملكيه والحيازه وحق الشفعه
ولكن لاتنم يوما بدون التضرع الي الله والرجاء له بان ينصرك ......لانك واقع فى فخ وهما مش عايزين يدوك حاجه

انت فى اختبار من الله قبل اقاربك
اجتهد لكي تنجح......وان شاء الله النجاح حليفك

دمت فى امان الله

فعلا انا مليش غير ربنا هو حسبنا ونعم الوكيل بس مش قادر اسامحهم وكل ما افتكر احسبن عليهم منهم لله طماعين لاقصى درجه

المشاركة الأصلية كتبت بواسطة a.saad

عمك اللى بيزرع الارض وبيكون ليها ريع
اطلب منه بقى نصيبك فى ريع الارض من ساعة الميراث
كدة ورقة ضغط
حتى لو مش هيدفعه كاش
يتخصم من اى فلوس عليك

لو قلتله كدا هيقولى كلمه ابيحه يا باشا اعمل كدا لو ناس عارفه ربنا هما بيصلوا وبيصوموا وعاملين شيوخ بس ساعه الفلوس الوجهه التانى والاصلى بيبان

موش عارف رايى صواب و لا خطا انا شايف انة قدامك حلين مشاكلل ووجع راس و قضايا و هاتصرف فلوس وموش ها تعرف تاخذ حقك لانهم حاطين ايديهم على كل شئ
او تحاول تقرب و جهات النظر وتنزل فرق المبلغ مثلا للنصف ليكون 35000 مثلا (وحاول تضغط بانك تلمح مثلا بانة فية ناس عاوزة تشترى وانك موش عاوز حد غريب ولكن ادرسها كويس والعبها بحرص ) وتستعوض ربنا فى الذى دفعتة و تخلص و تاخذ نصيبك و نصيب اخوتك و ربنا يباركلك وتتعوض معاك لو الارض تحسن سعرها وكانك فديت ميراثك بهذا المبلغ طبعا كل الموضوع مايطول موش هاتطول حاجة
مادام استحلوا ياخذوا شئ خلاص هم و ضميرهم وربنا بس خلص و صدقنى انت الكسبان
ربنا ينصرك

المشاركة الأصلية كتبت بواسطة ahmed12345678

حاجة اخيرة اطخن قيراط ارض زراعية لا يتعدى سعرة عشرين الف جنية بس يكون ارض زراعية مش يكون قابل ان يكون مبانى

هل هذا السعر ينطق على كل أراضى مصر أم هناك تفاوت بين الوجه القبلى و الدلتا و كذلك بين محافظات كل إقليم و بعضها

و بالنسبة لإيجار القيراط سنويا ما هو السعر الحالى
رجاء التكرم بالإفادة
خاصة و أن هناك إعتقاد لدى بأن إرتفاع سعر الخضروات و الفاكهة فى السنة الأخيرة لابد أن يكون متصل بارتفاع عناصر تكلفة الإنتاج و منها إيجار الأرض الزراعية .

سعر اجدعها قيراط في المنوفية لو ارض زراعية مبيعديش ال25 الف. الا لو الارض عليها العين وهتتبني وتدخل كردون مباني :)

بالنسبة لمشكلة صاحب الموضوع، من الاخر انت بيتعمل عليك حفلة، اهلك باعوك يامعلم خلاص، وربنا بيحب العبد القوي مش الضعيف، انت حتى لو سبتلهم حقك فدا لانك في موقع ضعف مش قوة، يعني ملوش لازمة تسيب حقك من الاخر...

الموضوع دا عايز قعدة كبيرة وعايز شد وجذب وعايز تهديدات ومشاكل وقلق...لكن من الاخر متسيبش جنيه ليهم لانهم مراعوش غيبة والدك ومحترموش اللي عمله معاهم ويستاهلوا اللي يجرالهم...