الموضوع: تيدا 2014 & ياريس 2014 7& شارك 2014& بيجو 301 2014

المشاركة الأصلية كتبت بواسطة k.ossama

سعر الشارك ده انهى فئة
اظن دى اول حاجة الفضية خالص
انما الباقى اعلى فئة....صح ولا أنا غلطان

لا حضرتك مش غلطان , هي فعلا الفئة الاولي , ولكنها الوحيدة للاسف الي نازلة مصر في الوقت الحالي ومش بتنزل اي فئات تانية
الباقي كالتالي
التيدا يقال انها هتنزل فئة واحدة فقط 1600 اوتوماتيك هاتش باك
الياريس فيه فئتين في الاوتوماتك 140 الف و160 الف تقريبا
البيجو 301 اعلي فئة ب136الف والاوتوماتك بيز لين 124 الف

هو ليه حضرتك لم تضيف الفلوانس فى المقارنة؟؟؟؟

المشاركة الأصلية كتبت بواسطة rehab ahmed

هو ليه حضرتك لم تضيف الفلوانس فى المقارنة؟؟؟؟

لعده اسباب
اولا انتشارها في الشارع مش كبير بالشكل المطلوب لسيارة كويسة
ثانيا سعرها عالي وخصوصا ان سعرها في اول فئة 155 الف وانا عامل مقارنة بين فئات سعرية اقل
ثالثا اضافة التيدا والياريس برغم سعرهم العالي كان لتجميع بيانات عنهم في ظل مقارنه امكانياتهم ومقارنتها بامكانيات السيارات محل المقارنة
كان من المتوقع ان التيدا والياريس يكونو في نفس الفئة السعرية ولكن توكيلاتهم صدمت كل الناس بالسعر العالي بس كنت ببحث عن سبب ارتفاع سعرها يمكن ده يفعلها ولكني لم اجد

انا لم اقتصر علي انشاء مقارنة وانتظار الردود , انا عملت مقارنة وفي نفس الوقت ببحث في المقارنات الباقية للاستقرار علي افضل السيارات باقل الاسعار

اتمني تكون اجابتي وافيه وممكن اعمل مقارنة تانية تضم السيارات محل الدراسة والمرغوب فيها

المشاركة الأصلية كتبت بواسطة k.ossama

الفلوينس علمت مبيعات فى مصر رينو لم تكن تحلم بها قبل كده

مع احترامي لكلام حضرتك بس انا مش بشوفها كتير وانا بمشي في الشارع كتير
ممكن اكون مش باخد بالي منها ويمكن تكون مش منتشرة كتير فعلا

رايي صواب يتحمل الخطاء وراي غيري خطاء يحتمل الصواب

المشاركة الأصلية كتبت بواسطة k.ossama

اختلف مع حضرتك تماماً فى استخدام الجملة الأخيرة
عندما قال الإمام الشافعى هذه المقولة كان يتكلم عن مذهبه ومذهب الإمام مالك. وهذا يعنى انه قالها بعد دراسة وافية وليس رأيى عابر، فهو صاحب مذهب من المذاهب الأربعة.
احنا هنا بنحاول نساعد بعض وبنتكلم فى العرببات اللى هى هواية عندنا كلنا. فالموضوع مش مستاهل أى احكام صواب وخطأ لأنها كلها آراء ووجهات نظر وطرق مختلفة فى الإختيار.

اولا الجملة عادية جدا وانا من عادتي لما اختلف مع حد ومنوصلش لاتفاق مثلا بقول الجملة دي
ودي لا تعيبة ولا تعيبي
ثانيا انا مقرنتش نفسي باي حد وكل ما هنالك انا اقتبست جملة فقط ولا يعنيني تشابه او اختلاف الموقف
ثالثا الجملة مش قران علشان منغيرش فيها زي ما احنا عايزين بالاضافة الي اني مقولتش اني اخذتها عن مين
رابعا المذاهب الاربعة كانت وجهات نظر واختلفت المذاهب في اشياء كثيرة وكله كان يراها من وجهه نظره وتفسيره للاحاديث والايات القرانية

شكرا لحضرتك علي الملاحظة دي