السلام عليكم
اعضاء المنتدي الكرام
ظهرت في الاونة الاخيرة السيارتان المنتظرتان نيسان تيدا 2014 هاتشباك والتويوتا ياريس سيدان 2014 والهاتش باك 2014 بالاضافة الي وجود متسوبيشي شارك 2014 وبيجو 301 2014 في السوق منذ فترة
موضوع المقارنة والاستطلاع واضح وصريح
اي السيارات تفضل من حيث الامكانيات والاداء والسعر وعوامل اخري ...
الشارك
التيدا _ الياريس
لو هاتش باك يبقى التييدا
لو سيدان يبقى 301
شارك او بيجو
تيدا
زمان كان الناس بيهاجموا الشارك علشان سعرها وبيقولوا عربية فوق الممتازة بس غالية قوي... دلوقتي بعد ما عربية زي التيدا اللي مفروض ما تعديش الـ140 توصل للـ165 وعربية زي الياريس 1300cc وتوصل لـ150 ولا 160 باين... يبقى الشارك الكاملة بـ168 تعتبر رخيصة بالنظر للفروق بينها وبين كل دول كعربية لا تقل كثيرا عن الألماني على الطريق!! البيجو عربية حلوة بسعرها ده بس طالما الشارك من ضمن الاختيارات يبقى الموضوع اتحسم تماما...
بس نصيحة لو استقريت على الشارك بلاش الفاضية أول فئة علشان "منفضينها" بمعنى الكلمة من أي اوبشنز أو حتى وسائل أمان...
هي دي مشكلة الشارك للاسف انها متنفضة بالفعل من كل حاجة ومع ذلك بسعر 133 في التوكيل والمعارض , انما البيجو ب136 في التوكيل وفي المعارض من140 الي 145اقتباس:
المشاركة الأصلية كتبت بواسطة ahmed travco
اعتقد انه يمكن بعض من الاعضاء المشاركين ميعرفوش سعر السيارات ال4 المطروحة للاستطلاع
فذلك احب اوضح الاسعار سريعا
1- التيدا 1600سي سي تصل الي 165 الف تقريبا " سعر التوكيل"
2- الياريس 1300 سي سي تصل الي 160 الف تقريبا " سعر التوكيل "
3- شارك 1600 سي سي تصل الي 133 الف تقريبا " سعر التوكيل"
4- بيجو 1600 سي سي تصل الي 136 الف تقريبا " سعر التوكيل "
طبعا هيبقي فيه اوفر بريس عن سعر التوكيل بيتراوح بين 2000 الي 5000 جنية باختلاف المعرض او الموزع والمنطقة
ده بس ايضاح سريع للاسعار اما الامكانيات فتقريبا الامكانيات متقاربه
يعني حاجة زياده في موديل عن الثاني وموديل يتفوق في الخامات شوية عن الثاتي وهكذا
المشكلة ان فيه فروق كبيرة في الأسعار اللي فوق... يعني لو حضرتك ناوي تجيب حاجة في رينج الـ140 على الأكتر يبقى مفيش غير الشارك الفاضية خاااالص -وانا لا أحبذ ده- والبيجو الهايلاين... وفي الحالة دي هقولك خد الـ301 علشان وسائل الأمان والأوبشنز الأكتر... مع ملاحظة انها كثبات أو وسع أو شكل أو عفشة أو خامات لن تقترب من الشارك بأي حال...اقتباس:
المشاركة الأصلية كتبت بواسطة ramy hazem
في حالة القدرة على دفع 160 تقريبا... يبقى التيدا لا تساوي شيء -في رأيي المتواضع- قدام الشارك الكاملة أو حتى الفئة قبل الأخيرة... وبعدين الشارك من 2008 وتوبها في الحدود السعرية دي... انما التيدا اللي كانت اعلى فئة بـ130 لحد السنة اللي فاتت تنط فجأة للـ160 ده اللي مش قادر اتقبله بصراحة!!
سعر الشارك ده انهى فئةاقتباس:
المشاركة الأصلية كتبت بواسطة ramy hazem
اظن دى اول حاجة الفضية خالص
انما الباقى اعلى فئة....صح ولا أنا غلطان