الموضوع: هو المصري رخيص ليه كده حتي في بلده -- القنصليه الايطاليه

النهارده كنت في القنصليه الايطاليه بخد فيزا عمل لاني في الاول كن هاروح البرتغال بس بحكم الشغل في اخر لحظه بقي ايطاليا
رحت ومعايا كل الوراق المطلوبه والحساب البنكي للشركه الخاصه بي ولكن ما افقدني اعصابي ان الموظف بيسألني اول مره قلتله اه
مسافر ليه
انا: عمل
الموظف في دعوه من الشركه بالخارج
انا ايوه في الاوراق
الموظف: مسك الدعوه وججز الفندق هما دول ومسكهك بطريقه وقحه وكان اشبه انه خلاص هايحطهم ليا في بقي لولا الشباك قزاز

انا: انت متعصب واسلوبك مقزز ليه ماتقول بطريقه اادب من كده وبعدين انت بتتعامل معايا ليه كده انا مش رايح اشحت والا اهرب معاك مايثبت كل حاجه وان انا شريك في شركه ودي رحله عمل
الموظف : انا مغلطتش وجاب زميله يستشهد بيه
انا : ضحكت وقلتله هات الاولراق والباسبور مش عايز فيزا
الموظف : لأ هانادي عليك بعد شويه ووشه بقي احمر
انا: لأ شكرا مش عايز الفيزا ونهرته وقلت هات الورق
الموظف:لأ
وبعد 10 دقايق
نده عليا واستكمل الورق واخد الدعوه ودخل بيها جوه للمسؤله الايطاليه والست جت وكملو الاجراءات ولم يحدث اي حديث واخدو البصمات ودفعت الفلوس 560 جنيه في حين ان اي ايطالي بيدخل مصر ب95 جنيه وبياخد الفيزا هنا في المطار بالبطاقه

علي فكره الموظف مصري

بس النهارد ه بالفعل حسيت باهانه رهيبه في بلدي
وانا عارف انهم مش هايدوني الفيزا لكن القصه اكيد بالنسبه ليهم تحصيل فلوس

بس بصراحه مخنوق
وحسبي الله ونعم الوكيل

اه نسيت اقوليكو رحت مجمع التحرير اسال علي حاجه الظباط هناك طردونا وقالوا لينا اطلع بره يا مواطن انت وهو بزعيق وطر د لللاسف
حسبي ربي

أنا مقدر احساساك بس العيب مش عليهم العيب على اللي بيموتو (حرفيا) عشان يدخلو ايطاليا. تخيل لو الناس بتموت عشان تدخل بلدنا كنا اتعاملنا مع الناس ازاي؟