لسه جايب بوش 70 امبير ب 570 جنيه
عرض للطباعة
لسه جايب بوش 70 امبير ب 570 جنيه
يامراحب بالبوب
وكده زياده تأكيد على الفارتا
لكن ديلكوا مكنش لى حظ معاها جابت اخرها سريع سريع:flower4u:
اهلا بالاستاذ عمرو
اشكرك على الاضافه انا فعلا اول مره اسمع عنها بس 3 سنين ماشاء الله تبقى ممتازه:flower4u:
استاذنا ابو يحيى
اكيد البوش ماركه محترمه اشكرك وفائق التقدير لحضرتك:flower4u:
استاذنا كريم:flower4u:
مرحب بيك اشكرك على التفاعل وبكده معانا 2 الفا و3 لصالح فارتا
محش عارف اسعارهم ايه دلوقتى اصل اللى هجيب منه البطاريه صديقى ومتأكد انه هيلبسنى عادى
مهو لحمتك المشغته قالك من الجزار المعرفه :)
السنه اللى فاتت خدت منه بطاريه ديلكو فى الضمان ونامت فى 6 شهور وشحنها ومرضيش يغيرها
الفاراتا تقريبا ب ٦٥٠ جم
انا جبت من اسبوع ڤارتا ٦٠ امبير ب٦٢٠
٦٠ امبير عشان لما جبت ٧٠ امبير كانت كبيرة ومش هتدخل في الكڤر بتاع البطارية ولما جيت افك الاصلي لقيتها ٦٠ امبير وانا بصراحه مبحبش العك
السلام عليكم
معايا واحد صاحبى بيشكر فى الفارتا الالمانى لانه اشترها للفنتازيا ب750 وده من قريب بس معرفش كام امبير
ممكن سيادتك تزور فرع من فروع FIT & FIX هم ناسمحترمين وعاملين خصم لنايل موتورز وضمانهم حقيقي
-= Fit and Fix =-
عندهم نوعين من البطاريات
انرجيزر اتحاد اوروبي
وماركة موتلو ودي تركي
http://www.mutlu.com.tr/index.cfm?lang=eng
شكرا عمرو بك :flower4u:
كده تمام 620 وبتسلم القديمه ولا بدونها :flower4u:
750 تالت سعر مختلف فى تالت رد شكل التجار بيبيعوا بمزاجهم
اشكرك على الاهتمام :flower4u:
اشكرك استاذى الفاضل المشكله انى من المحله وتعاملى مع الناس هنا علشان لو فيه مشكله اروح امسك فى رقبته :) ومع ذلك بينضحك علينا عادى هههههههه وتقريبا ملهاش وكيل عندنا
اشكرك على الاهتمام:flower4u:
بص يا معلم الالفا لاين 62 امبير زي ما العربية بتقول بالظبط عملت معايا من سنة و نص مع تبديل القديمة حوالي 400 جنيه او اقل حاجة بسيطة
طبعا بعد تعبكم معايا وبعد ما استقريت هشترى ايه
والبطاريه زعلت منى وقلت اصلها معايا تانى رحت لواحد عندنا فى المحله الراجل ده ثقه
وقلتله عايز بطاريه فارتا
المهم رشح لى بطاريه تركى عمرى ماسمعت عنها ويقولى قصايد شعر قلتله متزهقنيش وهات طلبى قال لى انت اتعاملت معايا قبل كده والبطاريه لو زعلتك ارميها وانا اجيب لك غيرها وفعلا كنت زمان اشتريت منه كاميرا اوكتافيا وبعد 6 شهور الكاميرا الونها وصورتها باظت وانا عنده بالصدفه بحكى له لقيته جاب لى كاميرا تانيه فى علبتها وبعتنى لواحد يركبها على حسابه وقالى ارمى التانيه !!!!!!!!!!!!! بجد جدع جدا يعنى
المهم بطاريتى كانت 58 امبير(الاصليه) جابلى بطاريه تركى اسمها ....tunc battery 75امبير
http://www.tuncaku.com/images/galler...banciindex.jpg
واخد القديمه ودفعت 500 جنيه
بصراحه وهما بيركبوها مش عارف ليه مش مقتنع بس هو صمم وقالى متشغلش بالك وهتدعيلى ؟!
وبصراحه العربيه فرقت فى الدواره وحسيت ان الكلاكس كده استرجل والنور بقى تمام قوى ومتضحكوش على :)
حسيت ان العربيه بتجرى هههههههههههه
بس قلت انقل لكم تجربتى وبعتذر على تعبكم معايا وفى الاخر ترسى على ماركه جديده