الموضوع: سؤال عن هوندا سيتي

السلام عليكم

كنت عايزة اعرف الفرق بين موديلات السيتي من 2009 ل 2012 عشان انا ناوية اجيب واحدة منهم.. بس الفرق في السعر كبير.. فهل هناك فرق لو افترضنا ان كلهم حالة نضيفة جداً و مش ماشيين كتير؟

كمان كنت عايزة اعرف كام سؤال.. استهلاك البنزين ايه نظامه "علماً بان السواقة هاتبقى في طريق سريع يعني غالباً هابقى ماشية من 100- 120 كم/ساعة" حوالي 50 كيلو رايح و زيهم راجع كل يوم.. تاني حاجة هل فيها اي مشكلة او اعطال معروفة؟ ؟

حاجة كمان لاحظتها.. هيا مفيهاش مؤشر للحرارة ولا انا بيتهيألي؟؟!!! D:

اخيراً.. انا مختاراها عشان 1500 سي سي و انا عايزة حاجة موفرة في البنزين و تكون ماركة نضيفة.. بس هل هيا افضل ولا فيه اوبشن تاني ممكن اختاره بنفس السعر؟ "بس عربية ياباني فقط"

المشاركة الأصلية كتبت بواسطة M_Nabil

بالظبط الله ينور عليك



أعتقد بتنزل بالماتورين هناك 1.8 و في 1.6 ان مكنتش غلطان

عموماً هيا أفضل زى ما زميلنا تفضل سعر أرخص و توافر قطع غيار أكثر وأرخص واعادة بيع أسهل بالنسبة للأداء والثبات والمساحة الداخلية يعتبر قريبين لبعض وبالنسبة للشكل السيتى اشيك شوية لكن التيدا جميلة برضه وفي النهاية الاختيار لحضرتك وبالتوفيق ان شاء الله

هيا الهاتش باك بتنزل 1800 و السيدان 1600.. السيدان شكلها مش عاطفي بصراحة D:
و هيا فعلاً ارخص شوية و اعادة بيعها اعتقد اسهل عشان منتشرة اوي.. بس اللفكرة اني مش ناوية ابيعها بعد سنة يعني هاتفضل معايا شوية ان شاء الله..

المشاركة الأصلية كتبت بواسطة FrozenFire

السﻻم عليكم إزيكم يارجالة الهوندا
معلشي كنت غايب فترة وبعد إذنك أقول رأيي
بصي حضرتك
أنا معايا السيتي 2010 من 3 سنين وحقولك على الخﻻصة عشان ما تتعبيش كتير.
أوﻻ
مافيش فرق جوهري بين موديﻻت السيتي كلها.
بس خلي بالك ان في موديل جميع الكماليات وموديل هاي ﻻين.
يعني موديل 2009 هاي ﻻين ﻻ يختلف في شيء عن 2013 الهاي ﻻين غير بس الشكل وإمكانية طي المقاعد الخلفية ومسند يد خلف عصا الفتيس.
يعني فروق بسيطة مش أساسية وأعتقد زرار إسمه الإيكو بيساعد في توفير الوقود بس ده مالوش ﻻزمة طالما إنك بتسوقي هادي.
وبرضه عشان ماتتعببش. الفرق بين الهاي ﻻين وجميع الكماليات هو
فتيس ستيب ترونك وزرارير شيفت من الدريكسيون ومالتي فنكشن وإشارات مراية وجنوط. ( إن لم تخوني الذاكرة ).
عموما السيتي إعتمادية وموتور جميل وفتيس ذكي وثبات رائع ووسعها الداخلي مريح لأي حد.

ثانيا
قطع الغيار
نصيحة عموما ومش في الهوندا بس
ماتشتريش عربية مستعملة غير وتكون بتعمل صيانتها في التوكيل ويكون صاحبها منتظم جدا في مواعيد ااصيانة وتتأكدي من ده من ملف العربية في التوكيل. وده حيفرق معاكي جدا في حكاية قطع الغيار.
بمعنى إن معروف في كل صيانة حتغيري إيه وحيكلف كام وحتروحي تعمليها في التوكيل وتنسي العربية لحد ميعاد الصيانة التاني

ثالثا
حكاية سيتي وﻻ سيفيك
لوكنتي هنا في مصر كنت قلت لك الأفضل سيفيك ومش حتفرق حكياة 1500 من 1600. ولكن انتي عندك السيفيك 1800 وأكيد حيفرق معاكي عن 1500 بتاع السيتي.

فنصيحتي لكي تتلخص في الآتي: فارق معاكي البنزين يبقى سيتي، لكن لوعايزة عربية تشدي بيها وسرعات عالية ( يعني 180 مثﻻ ) يبقى السيفك.

ولو عندك أسئلة تانية تحت أمرك

والسﻻم ختام

الف شكر لحضرتك.. انا غالباً مستقرة على السيتي ان شاء الله.. و عامة هو مافيش شد هنا عشان اخر السرعة المسموح بيها 120 ده غير ان الهاي واي الحادثة فيه ب game over :)