يا جماعة من مدة متابع قسم سكودا مخصوص عشان اوكتافيا الجديدة وملاكها الكرام لا حس ولا خبر ياريت كل فترة في تقرير عن العربية بعد فترة استخدام وايه الملحوظات يفيدنا ويفيد المقدم على الشراء ... تحياتي
عرض للطباعة
يا جماعة من مدة متابع قسم سكودا مخصوص عشان اوكتافيا الجديدة وملاكها الكرام لا حس ولا خبر ياريت كل فترة في تقرير عن العربية بعد فترة استخدام وايه الملحوظات يفيدنا ويفيد المقدم على الشراء ... تحياتي
أنا مشفتش حد هنا قال انه اشتراها خالص. تقريبا الناس خايفه من الفتيس.
لا معانا زميل هنا مشتريها وبيشكر فيها جدا
بس كان حصل له وقف بسبب انه بيشكر فى عربيه هو يمتلكها وراكبها ومجربها
وهناك بعض الزملاء قارئين عنها فبيقطعوها كالعاده وخاسفين بيها الارض
فحصل بعض التجاوز فى الردود وحصل عقوبات ومن يومها تواجده قليل فى المنتدى
لسه بيجربوا فيها
العربيه انتشرت فى بورسعيد بغباء انا حاسس ان كل اللى كان معاه اوكتافيا باعها وجاب ال a7و كمان الهاي لاين ابتدت تنتشر و نازله بفتحة سقف بانوراما معتقدش اللى اشتراها بيرمى فلوسه فى الارض
تفتكر حضرتك..لما واحد يكون شاري عربية جديدة طافح الكوتة عشانها ويدخل المنتدي يلاقي الكل بيذم فيها وفي اللي صنعها ويلعن اليوم اللي نزلوها فيه......يبقي هيجي يوجع راسه ليه ويضيع فرحته بيها ليه.
أنا واحد من الناس منتظر بفارغ الصبر نزول الخليجي منها اللي بتقول بابا وماما.وإن شاء الله هشتريها.وتأكد إني مش هظهر بيها كتير ولا هتكلم عنها كتير هنا في المنتدي.
اصحاب A7 خايفين من الحسد المنتشر فى المنتدى واسأل مجرب " inspiron" وغيره
مستنينهم يظهروا على خير ظهورهم هيشجع ناس كتير وانا اولهم للعربية في استفسارات كتير
واحد صاحبي لسة جايبها ومبسوط عالاخر
كان راكب قبليها a5
يا باشا دا كل اما صاحبها يتكلم عن العربية يلاقى ناس كتير بتعيب فيها طب وليه يوجع دماغه الراجل خدها من قاصرها وخلع
فين الموضوع اللي عامله اللي اشتراها يا جماعه؟
ياجماعة العربية حتى الان معى جميلة والحمد لله فى كل حاجة واى استفسار تحت امركم
لو فيه ضمان للفتيس 5 سنين بس مش 7 كان هيبقى في مبيعاتها كلام تاني وخصوصا لو فولكس شايفه انها حلت مشاكل الفتيس يبقى ايه المانع؟
[QUOTE=inspiron;3875303849]طيب حيث كده بقا يرجي موافتنا بالآتي :
- زمن تسارع العربية من 0-100 (ويا سلام لو فيه فيديو)
- اخبار العفشة ايه معاك
- اخبار الثبات علي السرعات العالية ايه
- اخبار العزل ايه
- اخبار التكييف ايه[/QUOTE
العفشة 80%
الثبات 100%
العزل 100%
التكييف 90%
حدث ولا حرج ( ربنا يسترها معانة كلنا )
بصراحة انا ركبت العربية وجربتها من سبيل المعرفة
العربية رائعة جدا جدا وبالنسبالي مخدش عليها ولا ملاحظة بصراحة
وطبعا الفتيس dsg زي ماهو معروف وعلي حسب ما سمعت انهم تلافو فيه اي أخطاء سابقة وأصبح عمره اطول ومشاكله اقل
بس المشكلة الاساسية اللي مش حتتغير ان الفتيس ده محتاج طرق مفتوحة مش زحمة زي هنا
وده سبب أعطاله المستمرة
[QUOTE=Ahm662;3875304626] العربية فى التسارع 150%
وانا شايف خاصية سبورت درايف حقيقى وهم بمجرد ارتجاع الفتيس لامسة للخلف
العربية بتتحول بجد بتتحول حاجة رائعة يعنى لو حاضرتك عايز تأخذ غرزة او مطلع كوبرى مثلا تتحول لطيارة بفضل الله انا ببقى حريص جدا لانى كنت هدوس كذا حد قبل كده فلازم تكزن فى قمة التركيز
سؤال يا استاذ مصطفى اخبار الفتيس معاك ؟؟ والزحمة؟؟ وحضرتك عامل كم كيلو متر؟؟ السؤال التاني ليه حضرتك قيمت العفشة 80%؟؟؟
وربنا يبارك لك فيها يارب ويحفظها من العين
[QUOTE=islam_gamal50;3875305221]حمد الله على السلامة ليك وحشة ولله :)[/Q
ربنا يبارك فيك يا باشا
بص ياباشا الفتيس الحمد لله معى مفيش اى مشاكل وحتى فى الزحمة زى الفل
اما بالنسبة للعفشة
انا اول مااشتريت العربية كانت بدبدب فى المطبات فروحت غيرت الهواء لنتروجين وظبط الكاوتش على 28 فحسيت بتحسن ملحوظ جدا بنسبة 70% وانا اول مرة اركب زيرو فسألت قالو الجديد دائما كده لسه العفشة هتريح وانا حاليا عامل فوق الالف كيلو حسيت بتحسن وقالولى برده بعد اول صيانة هتربط على العفشة هتفرق كتير بس حاليا فى تحسن اولا بعد النتروجين وظبط الكاوتش
هو فيش منها او هينزل منها مانوال؟