الموضوع: للاسف قررت ابيع الميجان بتاعتي

السلام عليكم ورحمة الله وبركاته
زي ما هو واضح من العنوان للاسف قررت ابيع حبيبتى ومعشوقتى الميجان 2 موديل 2006 بس ان شاء الله ربنا يعوضنى بالى احسن منها من المشروع الى انا داخله...المهم انا مرضتش انزل موضوع بيع العربية في اي موقع بيع سيارات وقولت اعرضها هنا الاول عشان لو في حد من زمايلنا في القسم محتاجها هيبقى اولى ولان العربية تحفه وبحاله فوق الممتازة مش عاوزها تتطلع بره ...نخش بقى على وصف العربية
1 الماركه ، رينو ميجان 2 2006 اول فئة اوتو
2 اللون فيراني فاتح
3 الكيلومتر 182000 كم
4 موقف الصيانات ، صيانة بالتوكيل من اول يوم مفوتتش ولا صيانه وكانت بتعمل صيانات خمسه مجانا عشان الانتظام في صيانات العشرة والفواتير كلها موجوده معايا واخر صيانه في التوكيل صيانه 150 وبعدها انا عملت صياناتها بره تحت اشرافي الكامل ولسه عامل صيانه 180 قبل العيد الكبير عند طارق في الهرم
5 حالة الدهان فابريقة بالكامل من الخارج والداخل ولا تحتاج دهان
6 حالة الموتور فوق الممتاز سحب تمام واستهلاك بنزين مظبوط والزيت بينزل منه مش ناقص مللى ولونه مش محروق
7 حالة الفتيس فوق فوق المتاز النقلات ناعمة ومفيش هبد ولا نتش خالص والفتيس بزيت الفبريكه ومش محتاج تغير
8 الكاوتش ، بريدجستون ام واي ون ماشي 30 الف حالة ممتازه والاستبن لم يستخدم نهائي لاني كنت مغير 5 فرد جداد اول ما اشتريت العربية
9 الصالون، بحالة الزيرو والكراسي راكب عليها فرش جلد تفصيل من اول يوم وده طبعاا محافظ على قماش الكراسي جدا والارضيه جلد فوق الموكيت الاصلي الى برضه مفيهوش الهوا
10 البطاريه اي سي ديلكو 72 امبير بقالها سنه تتقريبا
نيجي بقى للحاجات الي محتاجاها العربيه
1 محتاجه بطاحه امامي شمال وديه عامله طقه خفيفة في العجلة لما بتنزل في حفرة
2 محتاجه شريط ايرباج وده غيرته مره وصلحته مرة تانيه وبرضه اتقطع وفي الاخر كبرت دماغي منه
3 فيها حكه خفيفة في الباب الخلفى اليمين تتعمل على البارد ومش هترش وفيها حكه في العتب الشمال من ورا
اما بالنسية للسعر ان شاء الله مطلوب 70 الف نهائي
ملحوظة الى عاوز يفاصل ميتعبش نفسه الاعلان ده للاعضاء القدامى وال بيقدر ركوبه الميجان السليمة ..والى هيقول الكيلومتر عالى هقوله الكيلومتر ده كله سفر وحالة العربية هيا الفيصل والموتور ده مش قبل 500 الف كم لما يحتاج حاجه وده لاني معايا دايو لانوس عامل بموتورها الاصلى 320 الف كم ولسه تمام ما بالكم الميجان
ميعاد المعاينه كل يوم بعد الساعه 6 والجمعه والسبت في اي وقت ويستحسن يكون بالنهار عشان الى يعاين يتفرج على العربية زي الناس وكمان مستعد اكشف في التوكيل تليفوني 01068747484 اخوكم شريف محمد وديه بعض صور للعربية واسف عشان التصوير باليل
[url=http://nileup.com/up/][url=http://nileup.com/up/][img]http://nileup.com/up/uploads/nilemotors_13853177553.j[url=http://nileup.com/up/][img]http://nileup.com/up/uploads/nilemotors_13853177554.j