الموضوع: استفسار بخصوص عمليه الليزك

المشاركة الأصلية كتبت بواسطة puttputt

بصو عشان حد سالني عليها من اسبوع وقلتلو بلاش فهاقول وجهة نظر والدي وهو دكتور عيون من 36 سنة :)
اول حاجة احب اقولها على لساني انا ان النصيحة لله اولا واخيرا
العملية دي بتعمل ايه؟؟؟؟؟؟؟؟؟؟؟؟؟
بتصلح النظر عن طريق تقليل سمك القرنية عشان تقلل تحدب او تقعر العين
يعني ياتقلل من النص ياتقلل من الاطراف عشان تصلح النظر زي العدسات بالظبط
طيب لما تقلل سمك القرنية ايه اللي يحصل
اولا اي واحد فينا بيتعور الجرح ممكن يسيب اثر ، نفس الموضوع العين برضه بتبقى عرضه اكتر ان لما يجي فيها التهاب بسيط او جرح انه يسيب اثر
طيب لو كان الجرح في النص وساب اثر هايؤدي الي ان هايتكون سحابة على القرنية وده بيؤدي لضياع النظر :(
طيب بلاش دي
احنا في موقع عربيات
ايه الفرق بين عربيات دلوقتي وزمان
عربيات زمان خبط عليها هتلاقيها حديدة
دلوقتي اسند عليها تلاقيها اتطبقت
ليه عشان سمك الصاج قل
نفس الموضوع كده
هو قلل سمك القرنية
تقوم لو اتخبطت ممكن تؤدي لاقدر الله انها تتفقئ :(((((
خبطة اقل من اللي كانت تفقأها زمان تفقأها دلوقتي
فالنتيجة ان مفيش احسن من النظارة
مالها النظارة بره العين وبتتغير وتترمي وتغير حسب لون الهدوم ولون العربية ولون عينك وخسب مزاج المدام وجارك وصاحبك
وكمان تنط من على وشك في الخناقات
يعني كلها مميزات
بس الواحد بيبعد عن العمليات يقوم يعمل عملية في عينه
انا دورت كتير في المواقع عشان اجيب حاجة برضه تثبت وجهة نظري لقيت بس قليل اوي
بس اللي بيدور على لبن العصفور بيلاقيه
اتعب نفسك شوية ودور على العيوب هتلاقي
دي عملية وفي العين مش خسارة تتعب نفسك عشان تعرف كل حاجة وماتستسهلش وتقول ده اول موقع فتحته قال دي زي الفل
كل واحد مقتنع بعربيته وشايفها احسن حاجة وكل بياع مقتنع بحاجته طبعا
دي مش تجارة دي صحة انسان
وشكرا على استحمالكو ليا :)

شكرا على النصيحه ولو حضرتك ركزت فى اول الموضوع انا كاتب ان صاحبى حصل معاة الموضوع دة وفعلا عندة عين مش بيشوف بيها غير ضعيف
طيب لو تكمل جميلك وتسال والدك هل الفمتو سمايل برضه بيقلل سمك القرنيه ولا دى حاجه تانيه
معلش انا بسال لان اخويا شغال برة وهيجى اجازة وبيفكر يعملها

انا ما اعرفش حاجة عنها
لكن عندى بنت اختى 14 سنة ونظرها ضعيف جدا سألنا على الليزك قالولنا ما ينفعش قبل سن الـ 18 سنة

السلام عليكم
انا لسه عامل العمليه من شهرين بالظبط الي اقدر اقولهولك من غير كلام كتير العمليه انك بدل ما بتلبس نظاره مش هتلبسها تاني الفرق في النظر اتحسن شويه عن لما تكون لابس نظاره القرف كله يوم العمليه بس من تاني يوم بتشوف عادي جدا ولا اكن في حاجه بتحط نوعين قطره 5 مرات في اليوم لمده شهر وفي نوع بتحطه 3 مرات في اليوم لمده شهرين وشكرا علي كده ولما بتحس بموضوع الجفاف ده بتحط نوع قطره لترطيب العين مش اكتر واي استفسار انا في الخدمه وكانت مكلفاني 3000 جنيه

المشاركة الأصلية كتبت بواسطة alavokatooo_o

السلام عليكم
انا لسه عامل العمليه من شهرين بالظبط الي اقدر اقولهولك من غير كلام كتير العمليه انك بدل ما بتلبس نظاره مش هتلبسها تاني الفرق في النظر [gdwl]اتحسن شويه [/gdwl]عن لما تكون لابس نظاره القرف كله يوم العمليه بس من تاني يوم بتشوف عادي جدا ولا اكن في حاجه بتحط نوعين قطره 5 مرات في اليوم لمده شهر وفي نوع بتحطه 3 مرات في اليوم لمده شهرين وشكرا علي كده ولما بتحس بموضوع الجفاف ده بتحط نوع قطره لترطيب العين مش اكتر واي استفسار انا في الخدمه وكانت مكلفاني 3000 جنيه

اتحسن شويه ولا بقه 6/6 ولا انت نظرك مكانش ضعيف اوى
هل فى مشاكل فى يوم العمليه