عرض للطباعة
اخوانى الاعزاء اشتريت سياره جديده ماركه هونداى فرنا من شركه القاهره لتوزيع وخدمة السيارات ابو غالى اوتو موتيف ودفعت قيمتها كاش واستلمت السياره فى نفس اليوم منذ شهر ولم اتسلم خطاب ببيانات السياره الخاص بالمرور لاتمكن من ترخيص السياره رغم اتصالى بهم يوميا لاستعجالهم ولكن لم يستجيب لى احد ماذا افعل فى هذه الحاله
دنتا تروح تخرب بيتهم وتعلي صوتك مفيش استجابة تروح على حماية المستهلك هتلاقيهم بيتصلوا بيك ويتحايلوا عليك
يعني ايه شهر كامل من غير ما ترخص دي مهزلة
والله العظيم ده حصل واخر مره مدير متابعة المبيعات اسمه طارق قلت له انت وعدتنى اكثر من مره ولم تنفذ وانا هضطر اعمل اجراء قانونى قال لى اعلى ما فى خيلك اركبه انا ما بتهددش
متتصلش روح لهم وزعق وقول عايز ارجع العربيه
حماية مستهلك
مع خناقتين وطلب مقابلة مدير مسؤول بقلب جامد مع عدم التنازل
يا باشا اكيد في حاجه غلظ
السيناريو مش راكب
دي قلة أدب وسفالة..اطلع على جهاز حماية المستهلك ياباشا واخرب بيتهم.اقتباس:
المشاركة الأصلية كتبت بواسطة shaabanz
حمايه مستهلك مين
تاخد العربيه وتقفل بيها مدخل المعرض بتاعهم
وقلهم اطلبوا البوليس
هو انا كان في حوار كده عشان ارخص الفيرنا 2013 لوني اشترتها من غبور خدت وقت عشان ارخصها بسبب المرور بس طبعا طريقه ابو غالي دي قلت ادب !
باشا انت تاخذ العربية وتطلع عليهم (العربية اهي عايز فلوسي أو خطاب البيانات)ولو طلبو القسم في مصلحتك ودة حقك ومتسبوش نهائي وعلم المدير دة الادب (دة لو كلامك فعلا صح)ومتتنازلش (انما لو اجراءت الافراج الجمركي مخلصتش وباعلك العربية دي مشكلته ويتحملها)
توجهت لقسم محرم بك وتم عمل محضر بالواقعه وسيتم احاله الموضوع للنيابه وساطالب الشركه بتعويض مادى وادبى عما لحق بى من اضرار وساتوجه اليوم الى جهاز حماية المستهلك وتسليمهم صور مالدى من اوراق ولكنى مستاء جدا من بعض الزملاء الذين يشككون فى ماحدث معى ولا اجد مبرر لذلك
اتصلت اليوم بجهاز حماية المستهلك وطلبوا منى صور بعض المستندات لاتخاذ الازم
ربنا معاك ويوفقك .. ومتتنازلش عن حقك حتي لو عرضوا عليك صيانات مجانية وهداية .. لازم تفضحهم في كل مكان
اقتباس:
المشاركة الأصلية كتبت بواسطة shaabanz
يا باشا دة مش تشكيك في كلامك لا سمح الله انما انت تساهلت لدرجة ان حقك بيضيع والمدير حسب كلامك (بيبلطج عليك وبفلوسك )..... وربنا ينصرك وتلاقي حل للمشكلة دي
اية الكلام التهريج دة
يعني اعلي ما في خيالك اركبة
دا شغال في زريبة ولا اية
حلك زي ما عملت محضر وقضية وحماية المستهلك
وكمان تروح الفرع الرئيسي للشركة وتقدم شكوي محترمة في الراجل اللي قالك الكلام دة
شهر علشان ترخص
اية التهريج دة
بكل اسف عملت بحث على جوجل علشان اعثر على اسم اى مسؤل بالشركه اورقم تليفون او موبايل لم اتمكن لدرجه انى روحت فرع تانى لابوغالى وسالت عن اسم اى حد من الاداره او رقم تليفون قال انه لايعرف
ممكن اى من الزملاء يكون يعرف تليفون رئيس مجلس اداره ابو غالى اوتوموتيف يرسله لى لانى شاكك فى المسؤلين عن المعرض باسكندريه
نصيحه متتنازلش عن حقك باى شكل واى ما كان التعويض لآن كده هم بيستقلو بعقلك و حقك اللى انت دافع فيه فلوسك اللى انت تعبان فيها
اقتباس:
المشاركة الأصلية كتبت بواسطة shaabanz
حضرتك عملت الصح يا عزيزي
محضر وجهاز حماية المستهلك دا شيء جميل
فيه حاجة تانية تعملها بقا
تروح لغبور نفسه وتبلغهم بالقصة وتفهمهم ان ورق العربية لو مجاش باعتبار انه الوكيل والمسؤول الاول عن اي عربية موجودة في اي معرض
انك هتقدم شكوى في الغرفة التجارية في شركة جي بي اوتو نفسها وانك هتبعت كومبلين رسمي للشركة الام في كوريا وانك مش هتسكت وهترفع عليهم قضية تعويض باعتباره الوكيل المسؤول !
تسلمت خطاب المرور ولكنى لن اتنازل عن حقى بسبب تاخرهم 35 يوم وساطالب بتعويض عما لحقنى من ضرر مادى ومعنوى من جراء هذا التاخير وسيتم تكليف محام برفع قضيه بناء على المحضر الذى حررته ضد ابو غالى