عرض للطباعة
هو توكيل منصور سيء و حرامي أوي كده يا جماعة؟ أنا كنت رايح أحجز العربية، بس قريت شوية تجارب و تعليقات للأعضاء هنا كارثية خلتني أعيد التفكير مرة أخرى. قد كده منصور سيء؟ حد من الأعضاء اللي ممكن يكون اتعامل معاه قبل كده - خاصة في الأسترا - ممكن يفيدني؟
و شكرا جزيلا ليكم، حيرتي والله رهيبة بسبب منصور الزفت ده.
الموضوع مش بالسوء ده ، تقريبا كل التوكيلات فى مصر نفس المستوى وكلهم بيدورا على المكسب السريع
منصور اتعاملت معاه فى شيفروليه وكان كويس وبتعامل معاه حاليا فى الاسترا وعلى قد الصيانات الدويه معقول مشفتش حاجه تقلق وربنا يستر ومنروحلوش فى حاجه غير الصينات الروتينيه
معاملته معايا فى موقف فى التوكيل كانو فى كامل التعاون والتجاوب
كل توكيل فيه وفيه وحسب الفرع كمان
منصور اتحسن كتير عن زمان خصوصا بعد التجديدات اللي عملها فالصحراوي بس نصيخه لا تعامل نهائيا مع فرع الطيران
ضايعييييييييييييييييييييي ييييييييييييين
اتحسن والله؟ اتحسن من ناحية إيه بالتحديد لو في عند حضرتك فكرة؟
أنا مقبل جدا عالعربية، بس دي طبعا عربية هتبقى أغلب إن مكانتش كل حاجة فيها هتتعمل في التوكيل.
معاملة منصور للأعضاء اللي معاهم الأسترا الجديدة بالأخص، و في الصيانات الدورية بيبقى عامل إزاي؟ و هل في فرع معين يفضل التعامل معاه؟
العربية ما شاء الله، بس أنا خايف أصرف نظر عشان خوفي من منصور ده عالمدى البعيد.
مفيش قلق لان مستوي خدمة العملا فتحسن والهمجر الجديد افضل
مشكله التوكلات فمصر كلها قلة الخبره بمعني معندهم خبرا اجانب او متمرسين قدامي فمشاكل السيارات الغريبه
بس العربيه طول ملنت محافظ علي الصيانه الدوريه فمفيش قلق
لكل الناس اللى بتسال عن منصور
فرع جسر السويس ممتاز والناس محترمه جدا والمهندس بيتاعبك وبيبعتولك رسايل تفكرك بمواعيد الصيانه ورسايل تنبيه وتأكيد على الميعاد المحجوز
محدش يقلق من العربيه لانها بسم الله ما شاء الله تحفه ولا من التوكيل لانه اتحسن كتير عن زمان
اتعاملت معاه في شيفروليه فعلا مشفتش انو وحش بس فعلا هي فروع فروع
عايز رأيي؟ كل التوكيلات في مصر -بدرجة أو بأخرى- شوية نصابين وبعضهم يرتقي لدرجة الحرامية!!!
فلو هتحط الموضوع في دماغك وتخوف نفسك أوي كده يبقى مش هتشتري حاجة!!
توكل على الله طالما العربية عاجباك كده... هي عربية ممتازة وتابلوهها هو الأشيك في رأيي في الفئة دي... وان شاء الله ما تحتاجش الوكيل غير في الصيانات الدورية...
وأنا عن نفسي لو كنت فكرت بالشكل ده عمري ما كنت هشتري عربيتي دي بالذات من كتر ما سمعت عن جهل الوكيل والصنايعية برة فيها ومن كتر ما سمعت عن "السرقة العلنية" في قطع الغيار بتاعتها من الوكيل...
مبروك مقدما وربنا يرزقك خيرها!!
شكرا لكل الردود الجميلة يا جماعة. عندي بس شوية أسئلة لو تقدروا تجاوبوني عليها يبقى كتر ألف خيركوا:
1. هي فئة الكوزمو فيها ebd؟ ولا مجرد abs بس كنظام فرامل؟ و العربية أدائها في الفرامل عموما عامل إزاي؟
2. الأسترا اللي في مصر مفيهاش حساسات مطر؟
3. هل في فرع محبذ لمنصور تنصحوني اتعامل معاه؟ أقربلي فرع الطيران، بس بسمع كلام كتير عنه سيء.
و شكرا ليكوا مرة تانية يا جماعة.
معلش سؤال أخير: هي العربية دي فيها كروز كنترول ولا مثبت سرعة بس؟
الاسترا فيها abs و ebd و esp طالما راكب الماني مهما كانت عربية صغيرة يبقى الامان رقم 1 في العربية و مفيش قلق منها الاسترا بتهيألي فيها حساس مطر بس مش متأكد ممكن حد من ملاكها يفيدك و من ناحية الفروع فرع الهرم كويش و مركز الديب معتمد من منصور في المعادي و المقطم و اخوان مقار دول الافضل سيبك من فرع الطيران خالص دول ضايعين بسأل بتاع المبيعات عن موتور الانسجنيا يقلي هو بتاع الاسترا بس تربو طبعا ده كلام غلط ده موتور جديد تمامل و يقلي موتور الاسترا j هو نفس موتور الفكترا سي بصراحة مرضتش احرجه و سبته من سكات .اقتباس:
المشاركة الأصلية كتبت بواسطة Omar Gamal
طبعا فيها حساس مطر وابعد عن الطيران نهاءي ولا حتي تروح تتفرج
والله يا جماعة أنا لغيت حجز تويوتا كورولا 2014 عشان العربية دي.
بس بجد منصور سمعته زي الزفت، و أنا مش مستعد أخوض تجربة مع توكيل نصاب مش بيسمع للعملاء و بيضحك عليهم في أسعار قطع الغيار ولا حتى بيحاول يصلحلهم مشاكلهم.
عربية تحفة، إنما منصور قافلني منها جامد من قبل ماجيبها.
استخير ربك
الله ينور عليك زي ما الراجل قلك اهو استخير ربنا و اللي هيكون فيه الخير ربنا هيحققهولكاقتباس:
المشاركة الأصلية كتبت بواسطة opelcars
غبها كروز كونترول ومحدد سرعة كماناقتباس:
المشاركة الأصلية كتبت بواسطة omar gamal
انا سمعت معلومة ان موديل الاسترا مش هيتم انتاجه تاني...المعلومة دي صح؟؟؟
سؤال كمان بعد اذنكم... هو ايه بالظبط الفرق بين الانجوي والكوزمو ؟؟ ولو ممكن اي حد عنده صور للاتنين يبقى كتر خيركم
هذا الكلام خالي من الصحة تماما يعني عربية من انجح عربياتهم و اعلى مبيعات يتخلوا عنها بالسهولة دي ده كان زمان الشركة افلست :closed:اقتباس:
المشاركة الأصلية كتبت بواسطة Sooly
بص يا سيدي منصور تحول للافضل تحديدا من سنة ٢٠١٠ بعد التجديدات بس شرط ان صيانتك ما تتعملش الا ف فرع الصحراوي فقط لا غير
عايز تشوف الفرق روح ابو رواش وخش هيونداي ونيسان وشوف المستوي وانزل علي منصور وهتحس بالفرق