| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 34

  1. #1

    الصورة الرمزية Car's Sniper

    رقم العضوية : 11305

    تاريخ التسجيل : 22May2008

    المشاركات : 1,513

    النوع : ذكر

    الاقامة : الشرقية

    السيارة: m2adeha baltaga

    السيارة[2]: Nubira 1

    دراجة بخارية: نفسي اجربها

    الحالة : Car's Sniper غير متواجد حالياً

    افتراضي حادثة دهشور الزقازيق ولحظات من الرعب - Facebook Twitter whatsapp انشر الموضوع فى :

    hasad">

    النهاردة اثناء روتين العذاب اليومى فى رحلة الذهاب الى المنصورة الساعة 6:00 الصبح بالتحديد كنت قصاد مزلقان فى الزقازيق مش عارف اسمه:D حد بقى يقولى اسمه ( المزلقان دا فى وش بنزينة كالتكس فى اول طريق بنها-الزقازيق ولو دخلت المزلقان هاتطلع عالطريق اللى هايوديك لجامعة الزقازيق )
    وضعّنا، كنا واقفين مستنيين مرور قطر حربى طويل ماشاء الله فوق الدقيقتين ودا رايح اتجاه بنها ولسة بنقول ياهادى وكله كبس عالمزلقان لاقينا الراجل مافتحش السلسلة لان فيه قطر تانى فى نفس الوقت جاى من بنها عكس الاولانى.. صبرنا شوية واول ما المزلقان فتح عينك ماتشوف الا النور
    عقلية معملية فذة من اندر العقليات اللابشرية -اللا حيوانية حتى لا نظلم الحيوانات- الاربع حارات بتوعنا مسدودين من الميكروباصات اللى مشيوا مخالف فيهم بسبب "فقاقتهم" ..هما لسة هايقفوا فى الصفوف بتاعتهم زى باقى الناس العادية اللى مابتفكرش؟؟!! دول اذكى منى ومنك طبعا وبالتالى مشيوا مخالف

    وبعد طول انتظار وزحمة الناس وقفنا وش لوش فوق شريطين القطر ييجى دقيقتين الطريق مابيتحركش وفجأة لاقيت سواقين الميكروباصات المخالفين بيلفوا بسرعة ويعدلوا وشهم ...قلت فى نفسى ضغط الناس الملتزمة جاب نتيجة مع الاشكال دى اخيرا

    فجأة لاقيت دوران الميكروباصات المخالفة بقى بهيستيريا شديدة وبدأوا يطلعوا من المنطقة المرصوفة فى المزلقان ويحشروا نفسهم فى القضبان البارزة عشان يلفّوا وفى الاخر اللى يحشر نفسه فوق رصيف له مطلع ،، واللى يدخل وش لوش فى عربية قدامه من غير مايسيب فرق
    قلت اكيد فيه ظابط حضر وهياخد نمرهم وطبعا الدتيا لسة ليل وبرد وقافل الشباك فمكنتش سامع جرس المزلقان وهو بيصرخ تحذيرا لوجود قطر تالت جاى

    الوضع الحالى، نص عربيتى فى شريط القطر الاولانى والنص التانى فى الشريط التانى على شمالى عربية تريللا بمقطورتين ودى واخدة الشريطين مرتاحين وعلى يمينى عربية مرسيدس e200 نفس وضعى
    لحظات من الرعب وانا حاسس ان القطر ممكن ييجى من ناحية العربية التريللا من غير ماشوفه لانها حاجبة كل الرؤية عنى بس ارتحت شوية لما لاقيت القطر جاى من على اليمين وانا شايفه
    ايوا هو الضوء اللى جاى من على بعد 200 متر دا

    الكلاكسات زادت والناس بدأت تهرب من عربياتها ماعدا اللى سايقين العربيات وتبّاع النقل نزل يجرى ناحية القطر وعمال يحركله الجاكيت بتاعه فى محاولة فاشلة عشان يقف
    العربيات بدأوا يزنقوا فى بعض ودا ادانا مساحة صغيرة نلحق نهرب فيها والحمد لله بتاع النقل كانت المساحة قصاده اكبر فلحق يلم عربيته كلها
    وانا مالحقتش غير انى ابعد عن الشريط الاول بتاع متر ونص اذا مكانش اقل لكن بتاع المرسيدس كان فعلا اقرب للشريط الاول جدا والحمد لله ان القطر جاى من على الشريط الاول لاننا كنا مزتوقين فوق الشريط التانى


    سيبنا عربياتنا تواجه مصيرها ونزلنا منها احنا كمان بنجرى ...الديزل عدى الحمد لله ودى كانت بداية مبشرة بس المسافة بينه وبين عربيتى اقل من متر فعلا وانا منتظر حاجة بارزة من عربيات الركاب تلطش عربيتى لكن المسافة مابينه ومابين المرسيدس كانت صفر بمعنى الكلمة ومعرفش ازاى ماخبطهاش

    عدينا عربياتنا بعد ما الطريق فتح مرة واحدة بقدرة قادر مع اعتذارات غير مقبولة طبعا من سواقين الميكروباصات المخالفين وساعتها بس عرفت ميكانيزم التبول اللا ارادى ازاى بس الحمد لله انى كنت داخل الحمام قبل مانزل من البيت :d
    عضلات الجسم بالكامل مش تحت السيطرة ..الرجل مش بترعش ، دى بتتنطط فوق دواسة البنزين
    اول 11 ولا 15 مطب قابلونى مع انى حافظهم عن ظهر قلب لبستهم كلهم واحد واحد
    وبسبب الحالة النفسية والبدنية محدش وقف عشان حتى يشتم سواقين الميكروباصات المخالفين مع انى ماعرفش ازاى فى ساعتها ماشديتش الصليبة واستغليت وضعى ووضعهم وعملت فيها مجنون من الصدمة وكسرتلهم ازاز عربياتهم
    المهم ان الموضوع عدى بسلام الحمد لله بس طبعا مش هايكون اخر مرة طول مامفيش شرطى

    دلوقتى عايز اروح اشتكى واطلب لو حتى كاميرا وهمية عشان المخالفين يخافوا بس مش عارف اروح للمرور ولا للسكة الحديد واروح لمين بالظبط جواهم وازاى اخليهم يهتموا بالموضوع
    ياريت اللى يعرف يفيدنا والحمد لله على كل شيء
    وربنا ينتقم من العقليات المريضة دى ويرحمنا منهم

    نص مخى شريحة الكترونية ونصه التانى ماتور عربية
    محمود حمودة...صيدلى عاشق للهندسة


  2. #2

    الصورة الرمزية Ahmed A Rahman

    رقم العضوية : 13961

    تاريخ التسجيل : 01Jul2008

    المشاركات : 4,984

    النوع : ذكر

    الاقامة : Rehab city

    السيارة: Nissan Sunny 2014

    السيارة[2]: RENAULT LOGAN 2010

    دراجة بخارية: agala

    الحالة : Ahmed A Rahman غير متواجد حالياً

    افتراضي -

    هههههههههههههههههه

    حرام عليك انا شرقت من كتر الضحك بتاع التبول اللا ارادي وال 15 مطب اللي لبستهم


    معلش قدر الله وحمد الله على سلامتك

    د. أحمد عبد الرحمن
    ونرجع ثاني: نفسي الناس تبطل تقول الحشيش مفيهوش ادمان


  3. #3

    الصورة الرمزية amrelsaqqa

    رقم العضوية : 50133

    تاريخ التسجيل : 17Oct2009

    المشاركات : 4,727

    النوع : ذكر

    الاقامة : Menofia

    السيارة: Toyota Corolla 2001 1.3 A/T

    السيارة[2]: Peugeot 301 M/T 2014

    دراجة بخارية: لايوجد

    الحالة : amrelsaqqa غير متواجد حالياً

    افتراضي -

    اقسم بالله الواحد بقى كل يوم بيتعرض لخطر الموت او على اقل تقدير الاصابة بامراض مزمنة خطيرة عضوية ونفسية من مجرد وجوده في البلد دى

    الف حمد لله على سلامتك


  4. #4

    الصورة الرمزية mazher_m

    رقم العضوية : 82670

    تاريخ التسجيل : 03Dec2010

    المشاركات : 899

    النوع : ذكر

    الاقامة : bani bani

    السيارة: no

    السيارة[2]: fantasia sport 2012

    دراجة بخارية: no

    الحالة : mazher_m غير متواجد حالياً

    افتراضي -

    الحمد لله انها عدت علي خير
    الناس اللي انت بتتكلم عنها دي موجوده في كل شبر في مصر
    ربنا يلطف بينا


  5. #5

    الصورة الرمزية assaf

    رقم العضوية : 602

    تاريخ التسجيل : 12May2007

    المشاركات : 796

    النوع : ذكر

    الاقامة : sharkia

    السيارة: Lancer 99

    السيارة[2]: Logan AT 2014

    دراجة بخارية: no

    الحالة : assaf غير متواجد حالياً

    افتراضي -

    الحمد لله علي سلامتك
    تقريبا دا مزلقان ابو حسين
    المفروض في عسكري بيقف هناك بس حتلاقيه كان بيتابع الوضع من البنزينه بيكون قاعد هناك


  6. #6

    الصورة الرمزية AHMED12345678

    رقم العضوية : 21645

    تاريخ التسجيل : 09Oct2008

    المشاركات : 1,039

    النوع : ذكر

    الاقامة : الشرقية

    السيارة: لانسر شارك 2014

    السيارة[2]: كيا سيراتو خليجى 2011

    دراجة بخارية: لا يوجد

    الحالة : AHMED12345678 غير متواجد حالياً

    افتراضي -

    انا من منيا القمح
    وتقريبا بعدى على المزلقان المعفن دة كل يوم وحدث ولا حرج
    مزلقان زبالة بقالهم اربع او خمس سنين بيصلحوا فية
    ومش قادر افهم اية الى فى المزلقان بيستدعى اصلاحة دة كلة بس دة حال البلد من زمان للاسف
    وموضوع بتوع الميكروباص المخالفين دة بيحصل من زمان سواء واقف شرطى ولا مش واقف
    يعنى الشرطى وجودة زى قلته

    المزلقان دة بيمثل حال مصر
    شرطة ضعيفة
    شعب متخلف
    ادارة فاشلة فاسدة

    تصبحوا وانتوا فى بلد تانية
    قصدى تصبحوا على خير

    ليت الشباب يعود يوما


  7. #7

    الصورة الرمزية طارق المحلاوى

    رقم العضوية : 120130

    تاريخ التسجيل : 07Feb2012

    المشاركات : 60

    النوع : ذكر

    الاقامة : المحله الكبرى

    السيارة: سبيرانزاش516

    السيارة[2]: فيات128

    دراجة بخارية: لا

    الحالة : طارق المحلاوى غير متواجد حالياً

    افتراضي -

    لا حول ولا قوة الا بالله ..حمد لله على سلامتك ..اما فى مصرنا المحروسة دلوقتى ..فالشكوى لغير الله مذله

    ربى اجعلنى مقبم الصلاة ومن ذريتى ، ربنا وتقبل دعاء


  8. #8

    الصورة الرمزية mahmoud_afifi

    رقم العضوية : 28151

    تاريخ التسجيل : 21Dec2008

    المشاركات : 5,098

    النوع : ذكر

    الاقامة : Cairo, 5th Settlement

    السيارة: N/A

    السيارة[2]: Hyundai Elantra HD

    دراجة بخارية: N/A

    الحالة : mahmoud_afifi غير متواجد حالياً

    افتراضي -

    حمدلله على سلامتك والحمدلله انك بخير
    انا عمال اقرا الموضوع وانا خايف بسبب العنوان. بس الحمدلله جت سليمه


  9. #9

    الصورة الرمزية hugan

    رقم العضوية : 25254

    تاريخ التسجيل : 15Nov2008

    المشاركات : 11,512

    النوع : ذكر

    الاقامة : القا هره

    السيارة: شاهين 1400 /97

    السيارة[2]: 516.2008 تيجو2013

    دراجة بخارية: دايون 150

    الحالة : hugan غير متواجد حالياً

    افتراضي -

    ياراجل ياطيب
    المصريين بيثبتوا كل يوم وكل لحظه وكل دقيقه وكل ثانيه
    انهم من --------------- البشر

    ياتقول كلام في محله يا تقول حلو ياحلو
    http:///photos/a.879931698703941.107...370587/?type=1


  10. #10

    الصورة الرمزية medo111

    رقم العضوية : 76369

    تاريخ التسجيل : 27Jul2010

    المشاركات : 1,047

    النوع : ذكر

    الاقامة : mansoura

    السيارة: ......

    السيارة[2]: opel astra 2004

    دراجة بخارية: ,,,,,,,,,

    الحالة : medo111 غير متواجد حالياً

    افتراضي -

    hasad">

    فيلم رعب ههههههههههههههههههههههههه ربنا يكون في عونك



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. عاوز اروح دهشور من حلوان
    بواسطة Rozeto في المنتدى دليل الطرق الداخلية وطرق السفر
    مشاركات: 3
    آخر مشاركة: 16-12-2013, 03:17 PM
  2. من الزقازيق للعين السخنة,,,ومن الزقازيق لمارينا ؟؟
    بواسطة A7medHeaders في المنتدى دليل الطرق الداخلية وطرق السفر
    مشاركات: 3
    آخر مشاركة: 29-12-2011, 12:29 PM
  3. مركز تدريب دهشور
    بواسطة M.Zaher في المنتدى دليل الطرق الداخلية وطرق السفر
    مشاركات: 4
    آخر مشاركة: 20-04-2010, 09:59 PM
  4. الجزء الثالث: أنا والسفنتينا .. ولحظات من الشجن
    بواسطة نور العمر في المنتدى المنتــــــدى العـــــــــــام للسيــارات
    مشاركات: 13
    آخر مشاركة: 10-05-2009, 12:05 AM
  5. فن المحادثة ولحظات الصمت !!
    بواسطة AhmedGen2 في المنتدى المنتــــــدى الاجتمــاعى
    مشاركات: 43
    آخر مشاركة: 08-01-2009, 08:10 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2