-
انا ان شاء الله اروح للمهندس خالد و اشوف ايه رايه في الصوت ده
و ربنا يسهل تكون حاجه بسيطه
و جزاكم الله خيرا علي تعبكم معايا
-
السلام عليكم يا شباب
انا رحت النهارده بعد الشغل ل م/خالد في Car Boys
اعدنا بتاع حوالي نصف ساعه بنلف بالعربيه ان الصوت يظهر ابدا العربيه حلفت براس ابوها ان الصوت ميظهر
قاللي المهندس خالد ان طالما ان الصوت مبيظهرش علطول و نقلات الفتيس كويسه فمفيش داعي للقلق
و قاللي هو فيها زنه كده دي بتاعه كوتشه تثبيت علبه الشكمان الوسطي تحتاج الي تغيير و دي مش موجوده غير في التوكيل
فانتو ايه رأيكم يا شباب اكبر دماغي من الصوت ده و لا ايه
-
مدام التوكيل قالك مفيهاش حاجة كبر دماغك وتروش نفسك وأستمتع بالعربية انا كان معايا فولفو 240 كانت أول عربية أجيبها بعض عربية والدي كنت كل مأحس بأي حاجة أجري علي الميكانيكي علشان أعمله وأصرف وصرفت كثير وكانت كلها حاجات بسيطة وكان مبدئي ألحق العيب قبل مايكبر وكان يطلع عين الميكانيكي علشان يعرف أيه المشكلة وعتها وجبت ال740 وأتعلمت الدرس وكنت لما أحس انه فيه حاجة أسيها لما تبقي عيب واضح وأسف للأطالة
-
ما هو ان المشكله في انا
مبحبش اسمع اي صوت غير طبيعي في العربيه بحس انها عاوزه تقول بس مش عارفه تقول
معلش عاطفي شويه:laugh6::funny34d:
-
بص يا باشا أنا عن نفسى بثق فى رأى خالد جداً
لو هو الموضوع موضوع كاوتشة ماسكة علية الشكمان الوسطانية يبقى مش مشكلة
المهم أنت تركز مع الصوت ولما تلاقيه بقى بيظهر بأستمرار ابقى روحله تانى
-
انا متشكر جدا يا احمد انا ان شاء الله اعمل كده و ربنا يسهل
-
طب معلش ان عندي سؤال يا احمد معلش انا مزعج شويه
لو هعمل صيانه انا لسه قدامي بتاع 1500 كيلو رأيك اعملها في التوكيل و لا عند خالد(Car Boys
و لو تيل فرامل اجيب رمسا الاسباني و لا الاصلي من التوكيل
الزيت انا كنت بحط شل 10000 في الاوبل احطه و لا التوتال ايهما احسن
معلش انا اسف طلباتي كتير بس ده من عشمي
وجزاكم اله عنا خيرا
-
يا باشا مفيش مشكلة
بص أنا الصيانة بعملها كده كده فى التوكيل و خصوصاً الصيانات الكبيرة لكن العادية ( اللى هى 10 - 30 - 50 - 70 - 90 ) والمجانية كمان بعملهم فى الميكانيكيون العرب و ده عشان ظروف شغلى لأن الميكانيكيون العرب فاتحين يوم السبت.
بس صيانة ال 60 خصوصاً عملتها فى المقطم وخدت يوم أجازة مخصوص :)
بالنسبة للتيل.......أنا كنت دايماُ بغير فى التوكيل لحد أخر مرة كنت مسافر شرم وكنت عاوز أغير التيل يوم جمعة لأن مكانش عندى وقت قبلها فروحت شارع دمشق جبت تيل من هناك ب 160 جم وركبته عند خالد....أنا جبته وأنا عامل 62 ألف و دلوقتى أنا عامل 81 ألف ولسه شغال الحمد لله....ده حتى و أنا بعمل صيانة ال 80 ألف من 10 أيام قالولى التيل كويس مش محتاج تغيير......بس أنا مش فاكر نوعه أيه للأسف.
كان من عند واحد فى شارع دمشق وانت رايح فى أتجاه روكسى على اليمين بيشتغل فى رينو وبيجو قبل المول بتاع الكمبيوتر اللى هناك بحوالى 30 متر
Content Relevant URLs by
vBSEO 3.6.0 PL2