الموضوع: مصر تبدأ في خفض دعم الوقود تدريجيا في 2014

بدون زعل
ده مش موضوع سياسي
ولا الهدف منه مزايدات علي اي حد
ارجو ان يلتزم الجميع بالنقاش الفني والاقتصادي فقط والابتعاد عن الخلافات السياسية والاسلوب غير المجدي في الجدل

تعالوا علي كلمة سواء بيننا وبينكم

الدعم دلوقتي منظومته صح ولا غلط؟؟
اكيد غلط
ينفع يستمر ؟؟ اكيد لا؟
في ناس حتضر من رفعه؟؟ يتوقف علي اسلوب الرفع او ترشيد الدعم


لكن اي حد موافق ان ساويرس ومحمد رجب ومحمد فرج عامر ياخدو بنزين مدعوم من الدولة
وفي الوقت اللي 77% من الشعب مبياخدش ولا مليم لمجرد ان معندهمش عربية

يبقي محتاج يتعالج

باختصار
لا لدعم الطاقة للمصانع
لا لدعم الطاقة للقطاع الخاص
لا لدعم الطاقة للمشروعات التجارية الهادفة للربح
لا لدعم الطاقة للطبقات القادرة (وليس الغنية فقط انما القادرة ايضا)

نعم للدعم الجزئي للانشطة الاستراتيجية (الزراعة - قطاع الاعمال العام - النقل - المواصلات..الخ)
نعم للدعم الجزئي للطبقات المتوسطة (بسياسة الاستخدام العادل - اي حصة مقننة بحد اقصي)
نعم للدعم الجزئي للانشطة الاقتصادية الخدمية (المجمعات السكنية الاماكن العامة ...الخ)


نعم للدعم الكلي للطبقات الفقيرة والمهمشن
نعم للدعم الكلي لجميع السلع الغذائية علي ان تصل لمستحقيها
نعم للدعم الكلي للتلاميذ والطلاب والمعاقين وللبطالة
نعم للدعم الكلي للتعليم والصحة واسكان الفئات الاولى بالرعاية


اللهم قد بلغت اللهم فشهد


اي حد بقي عايز البلد تصرف 120 مليار جنيه كل سنة علشان يوفر لجيبه 200 او 300 جنيه دا لو دفعهم اصلا يبقي يتقي الله ويعرف ان حيجي يوم ويقف بين يد الله ويتحاسب علي كل اللي بيقوله
اي حد بيستخدم الموقف علشان مكاسب سياسية ومش مهتم بمصلحة البلد ومصير شعب كامل يبقي تقي الله ويعرف ان حيجي يوم ويقف بين يد الله ويتحاسب علي كل اللي بيقوله

واخيرا لن يصح الا الصحيح


تحياتي للجميع

المشاركة الأصلية كتبت بواسطة amrelsaqqa

اوكى معاك
كان فين الكلام العاقل ده قبل 30/6

للمرة الثانية
ارجوك متحولش الكلام للسياسة
وللعلم علشان الناس كلها ترتاح مشروع ترشيد دعم الطاقة وكروت البنزين تحديدا اللي عمله الجنزوري واخد بيه موافقة مجلس وزراء يوم 12 مايو 2012 ايام مكان رئيس لمجلس الوزراء وقبل اعلان نتيجة الانتخابات الرئاسية

انما علي العموم دور في مشاركاتي القديمة وان شاء الله حتلاقي نفس الكلام بالنص وبنفس الحماسة

واللي قلته امبارح بقوله اليوم وحقوله بكرا
طول منا مقتنع ومؤمن بيه
دلوقتي بقا نناقش الحجة بالحجة والمنطق بالمنطق والفكرة بالفكرة
بعيدا عن الجدل


تحياتي للجميع

المشاركة الأصلية كتبت بواسطة lanos2004

يارب يبقه حتى 6 جنيه --وانا هخلى مرتبى 20 الف جنيه وهغلى كل الاسعار عندى والى مش عاجبه يروح للببلاوى يطبطب عليه
الحكومه عاوزه الناس تاكل فى بعض وخلاص لا بتعرف تشتغل ولا غيره

علي فكرة هو السعر العادل للتر البنزين 92 اكتين 6 جنيه فعلا
ثانياً منظومة التسعير في مصر مش مرتبطة بدعم الطاقة بشكل مباشر

في حاجة اسمها السلة السلعية بتضم 100 سلعة اساسية بيحتاجها الانسان في حياته ودي اللي بتحدد معدل التضخم
وزيادة الاسعار في مصر مش مربوطة برفع الدعم انما مربوطة بمزاج التجار
يعني علي سبيل المثال العربيات زاد سعرها 25% وقالو ان السبب زيادة سعر الدولار
طب دلوقتي الدولار نزل حوالي جنيه ليه الاسعار منزلتش؟؟

نرجع لسلة السلع :
السلع الزراعية والاولية زي الزيت والسكر والارز... الخ مش مرتبطة بدعم البنزين انما مرتبطة بدعم السولار اللي بيشغل طرمبات المياه والجرارات الزراعية وعربيات النقل ودي مش حتتاثر وبالتالي اي ارتفاع في اسعارها حيكون استغلال ليس الا
وحتتاثر سلع تانية بصورة غير مباشرة
انما السلع اللي تاثرها مباشر زي النقل والمواصلات وتعريفات الركوب مش حتكون في النقل الجماعي
وبالتالي تاثير رفع الدعم جزئيا عن الوقود مش حيرفع التضخم بشكل معنوي وبالتالي مش حينضر بشكل مباشر الناس الي بتعتمد علي السلة السلعية
انما حيتاثر اللي بيركب ليموزين ويبات في فندق ويتفسح بعربية اخر موديل


لو لتر البنزين اليوم ب 2 جنيه وبقي ب 3 حضرتك تقدر ترفع مرتبك 50% دا بفتراض ان حضرتك بتشرب بنزين علشان تشتغل ههههه

ارجو ان تتقبل الدعابة بصدر رحب

ولك مني كل تقدير


تحياتي

المشاركة الأصلية كتبت بواسطة amrelsaqqa

اوكى معاك
كان فين الكلام العاقل ده قبل 30/6

دي مشاركة ليا بتاريخ 8 مايو 2013

ارجو قراءتها جيدا ومقارنتها بما اقوله الان

http://www.nilemotors.net/Nile/3874975385-post71.html

المشاركة الأصلية كتبت بواسطة mo7a_mo7a

على فكرة لازم نفكر بموضوعية
احنا المفروض ناس محترمين (صفوة المجتمع)
راكبين عربيات ومتعليمين وبنستخدم الانترنت


حقائق

1. لو كل واحد مننا راجع استهلاكه السنوي حيلاقي ان اغلبنا 90% وطالع ال 1800 لتر يكفوه وزيادة كمان
2. اي حد استهلاكه عاللي بيبقي نتيجة ان شغله فيه سفر كتير وطبعا ده قطاع خاص فمش من العدالة ابدا ان الحكومة تدعم القطاع الخاص
3. سعر البنزين الحر الحكومة بتدعمه للناس كلها من ضرايب الشعب يعني انا وانت بندفع الفرق اللي المفروض يتوجه لحجات تانية اهم زي التعليم والصحة والطرق
4. الدعم الحالي اجباري يعني لو فرضنا ان في واحد غني جدا ومش محتاج دعم بياخد الدعم بالعافية اجباريا لانه متاح لكل الناس
5. كل ما كانت عربيتك اكبر وبتستهلك بنزين اكتر كل ما كانت بتاخد دعم اكثر يعني المرسيدس بتدعم في السنة ب 7 اضعاف اللادا
6. البنزين علشان رخيص في ناس عمالة تلف طول اليوم بعربياتها عمال علي بطال - انما لما يبقي في حصة مقننة اكيد ده حينعكس ايجابيا علي سيولة المرور
7. تهريب البنزين والسولار اساسه عدم وجود رقابة علي الكميات المنصرفة من البنزينات وده حيتحل في المنظومة الجديدة لان العربية الفنطاس حتستلم الكمية بكارت وتسلمها للبنزينة بكارت والبنزينة تصرفها من ارصدة كروت المستهلكين واي تهرب حيبان ويندفع بالسعر الحر ساعتها مش حيكون في سوق سوداء
8. كل عربيات الجمرك والمنطقة الحرة وغير المرخصة والوافدين حتحاسب بالسعر الحر

بعد كل ده لسة معترض!!

انا واحد من الناس معترض تماما علي الحكومة الحالية ورئيسها ومرسي وبديع لكن ده ميمنعش اني اشوف ان المنظومة دي لو اديرت صح زي مهي مكتوبة حتكون خير للدولة وحتفيد المجتمع

والاختلاف في الراي لا يفسد للود قضية!!!

وده موضوع كامل انا اللي عملته بتاريخ 22 يونيو 2013
http://www.nilemotors.net/Nile/364908-a.html


خالص تقديري