ياجماعة ياترى مين اجيب برفان 1 Million
فيه ممكن الاقى ارخص سعر وهل السعر فى المطار فى السوق الحرة هيكون ارخص
انا لقيته على سوق ب 400 جنيه
عرض للطباعة
ياجماعة ياترى مين اجيب برفان 1 Million
فيه ممكن الاقى ارخص سعر وهل السعر فى المطار فى السوق الحرة هيكون ارخص
انا لقيته على سوق ب 400 جنيه
نصيحة هاته هاي كوبي من شخص عادي لأن معظم المحلات بتبيعه هاي كوبي على إنه أورجينال وبأسعار تعدي ال500 جنيه
أنا كنت جايبه من واحد عن طريق موقع ديفيدي فور عرب هاي كوبي ونفس العلبة الأصلية ومحفور عليها برده كأنه أصلي بالضبط وسعره كان في حدود 170 جنيه على ما أذكر وريحته بيقعد طول اليوم ولتاني يوم كمان بيبقى موجود في الهدوم
لو مهتم قولي أجيبلك تليفون الأخ اللي كنت شاريه منه
أنا مش مع أقتراح أنك تجيب حاجة تقليد حتى لو هاي كوبي, خصوصاً في العطور اللي كلها مواد كيميائية بتتحط على البشرة..
أعتقد الفرق عن السوق الحرة هيلعب في حدود +/- 100جنيه..
ممكن تجرب 212 vip, قريب جداً في الريحة و الثبات, و أرخص شوية..
مفيش حاجه اسمها هاي كوبي في البارفانات لأن الناس مش هتشوف العلبه ولا هتشوف اسم البارفان ولكن هتشم ريحته وانت كمان هتحطه على جلدك والله أعلم يبقى ايه مركباته وخطورتها. منصحكش أبدا. البارفان ده سعره لو قل عن 700 جنيه مش هيبقى أصلي وشخصيا بفضل Black XS من باكو رابان برضه.
المشكلة إن الشخص العادي ميقدرش يفرق بين الأصلي والهاي كوبي فمن الوارد جدا يروح يشتري برفان من محل كبير ليه اسمه وسمعته على إنه أصلي وممكن يطلع هاي كوبي ومش هيعرف الفرق أبدا
نفس الحوار في النضارات بالضبط في محلات كبيرة بتبيع نضارات هاي كوبي على إنها أورجينال وبنفس أسعار الأورجينال يعني ممكن يكون شاريها ب100 جنيه ويبيعها ب1000 !
اللي عايز يجيب برفان أصلي ومش فارقة معاه الفلوس يبقى يجيبه من التوكيل بتاعه ويعمل حسابه إن مفيش برفان أصلي هيقل تمنه عن 800 جنيه واللي هو نفسه بيتباع هاي كوبي برده ب200 جنيه
واللي خايف من أي أضرار على الجلد يبقى يحطه على هدومه ميحطوش على جلده
أنا العطر ده سمعت عنّه العجب الصراحة, كان في كلام انه في التركيبة بتاعته فيه هرمونات بتجذب الجنس الناعم أو حاجة زي كده.
مع الأسف تركيبته قتلوها تقليد في السوق ومبقتش مميّزة خالص :( - منصحكش تشتريه.
أنا اشتريت ون مليون شهر 6 اللي فات من السوق الحرّة في مطار دبي ب 330 درهم ال 100 مل.
ال 50 مل ب 180 درهم.
شفتها مرة في صيدلية العزبي اللي في طيبة مول ب 800 جنيه.
باشا موجود في سنتر بوينت _ و المكان ده ما بيجيبش مضروب - ده سمعته عالميه
مش هتصدق
واحد زميلى عدى من جمبى وحاطط برفان ريحته حلوة كدة وخفيفة
بقوله ايه يا عم البرفانات الجامدة دى
قاللى دى لولوا من ابو ربع جنيه وعيش يا ماااان هههههه
https://fbcdn-sphotos-g-a.akamaihd.n...55820643_n.jpg
بفكر اشترى كرتونة واشوف الدنيا ماشيه ازاى
اكيد مش هتعدى خماشر جنيه بالكتير ههههههههههه